| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၉. ပဌမသေခသုတ္တံ
9. Paṭhamasekhasuttaṃ
၈၉. ‘‘ပဉ္စိမေ, ဘိက္ခဝေ, ဓမ္မာ သေခသ္သ ဘိက္ခုနော ပရိဟာနာယ သံဝတ္တန္တိ။ ကတမေ ပဉ္စ ? ကမ္မာရာမတာ, ဘသ္သာရာမတာ, နိဒ္ဒာရာမတာ, သင္ဂဏိကာရာမတာ, ယထာဝိမုတ္တံ စိတ္တံ န ပစ္စဝေက္ခတိ – ဣမေ ခော, ဘိက္ခဝေ, ပဉ္စ ဓမ္မာ သေခသ္သ ဘိက္ခုနော ပရိဟာနာယ သံဝတ္တန္တိ။
89. ‘‘Pañcime, bhikkhave, dhammā sekhassa bhikkhuno parihānāya saṃvattanti. Katame pañca ? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati – ime kho, bhikkhave, pañca dhammā sekhassa bhikkhuno parihānāya saṃvattanti.
‘‘ပဉ္စိမေ, ဘိက္ခဝေ, ဓမ္မာ သေခသ္သ ဘိက္ခုနော အပရိဟာနာယ သံဝတ္တန္တိ။ ကတမေ ပဉ္စ? န ကမ္မာရာမတာ, န ဘသ္သာရာမတာ, န နိဒ္ဒာရာမတာ, န သင္ဂဏိကာရာမတာ, ယထာဝိမုတ္တံ စိတ္တံ ပစ္စဝေက္ခတိ – ဣမေ ခော, ဘိက္ခဝေ, ပဉ္စ ဓမ္မာ သေခသ္သ ဘိက္ခုနော အပရိဟာနာယ သံဝတ္တန္တီ’’တိ။ နဝမံ။
‘‘Pañcime, bhikkhave, dhammā sekhassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati – ime kho, bhikkhave, pañca dhammā sekhassa bhikkhuno aparihānāya saṃvattantī’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉. ပဌမသေခသုတ္တဝဏ္ဏနာ • 9. Paṭhamasekhasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉. ပဌမသေခသုတ္တဝဏ္ဏနာ • 9. Paṭhamasekhasuttavaṇṇanā
