| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
9. පඨමසෙඛසුත්‌තං
9. Paṭhamasekhasuttaṃ
89. ‘‘පඤ්‌චිමෙ, භික්‌ඛවෙ, ධම්‌මා සෙඛස්‌ස භික්‌ඛුනො පරිහානාය සංවත්‌තන්‌ති. කතමෙ පඤ්‌ච ? කම්‌මාරාමතා, භස්‌සාරාමතා, නිද්‌දාරාමතා, සඞ්‌ගණිකාරාමතා, යථාවිමුත්‌තං චිත්‌තං න පච්‌චවෙක්‌ඛති – ඉමෙ ඛො, භික්‌ඛවෙ, පඤ්‌ච ධම්‌මා සෙඛස්‌ස භික්‌ඛුනො පරිහානාය සංවත්‌තන්‌ති.
89. ‘‘Pañcime, bhikkhave, dhammā sekhassa bhikkhuno parihānāya saṃvattanti. Katame pañca ? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati – ime kho, bhikkhave, pañca dhammā sekhassa bhikkhuno parihānāya saṃvattanti.
‘‘පඤ්‌චිමෙ, භික්‌ඛවෙ, ධම්‌මා සෙඛස්‌ස භික්‌ඛුනො අපරිහානාය සංවත්‌තන්‌ති. කතමෙ පඤ්‌ච? න කම්‌මාරාමතා, න භස්‌සාරාමතා, න නිද්‌දාරාමතා, න සඞ්‌ගණිකාරාමතා, යථාවිමුත්‌තං චිත්‌තං පච්‌චවෙක්‌ඛති – ඉමෙ ඛො, භික්‌ඛවෙ, පඤ්‌ච ධම්‌මා සෙඛස්‌ස භික්‌ඛුනො අපරිහානාය සංවත්‌තන්‌තී’’ති. නවමං.
‘‘Pañcime, bhikkhave, dhammā sekhassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati – ime kho, bhikkhave, pañca dhammā sekhassa bhikkhuno aparihānāya saṃvattantī’’ti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9. පඨමසෙඛසුත්‌තවණ්‌ණනා • 9. Paṭhamasekhasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9. පඨමසෙඛසුත්‌තවණ්‌ණනා • 9. Paṭhamasekhasuttavaṇṇanā
