| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. батамасзкасуд̇д̇аван̣н̣анаа
9. Paṭhamasekhasuttavaṇṇanā
89. навамз аарамид̇аб̣б̣адтзна гаммам̣ аараамо зд̇ассаад̇и гаммаараамо, д̇асса бхааво гаммаараамад̇аа. д̇ад̇т̇а гамманд̇и ид̇игад̇д̇аб̣б̣ам̣ гаммам̣ вужжад̇и. сзяяат̇ид̣̇ам̣ – жийваравижааран̣ам̣ жийварагаммагаран̣ам̣ убад̇т̇амбханам̣ бад̇д̇ад̇т̇авигаам̣саб̣ад̣̇д̇хагагааяаб̣анд̇ханад̇хаммагаран̣ааад̇хаарагабаад̣̇агат̇алигасаммаж̇ж̇аниаад̣̇ийнам̣ гаран̣анд̇и. згажжо хи зд̇аани гаронд̇о сагалад̣̇ивасам̣ зд̇аанзва гарод̇и, д̇ам̣ санд̇хааязса бадигкзбо. яо бана зд̇зсам̣ гаран̣авзлааяамзва д̇аани гарод̇и, уд̣̇д̣̇зсавзлааяа уд̣̇д̣̇зсам̣ г̇ан̣хаад̇и, саж̇жхааяавзлааяа саж̇жхааяад̇и, жзд̇ияан̇г̇ан̣авад̇д̇авзлааяа жзд̇ияан̇г̇ан̣авад̇д̇ам̣ гарод̇и, манасигааравзлааяа манасигаарам̣ гарод̇и, на со гаммаараамо наама. бхассаараамад̇аад̇и зд̇т̇а яо ид̇т̇иван̣н̣абурисаван̣н̣аад̣̇ивасзна аалаабасаллаабам̣ гаронд̇оязва д̣̇ивасан̃жа рад̇д̇ин̃жа вийд̇инаамзд̇и, зваруубо бхассз барияанд̇агаарий на ход̇и, аяам̣ бхассаараамо наама. яо бана рад̇д̇имби д̣̇ивасамби д̇хаммам̣ гат̇зд̇и, бан̃хам̣ виссаж̇ж̇зд̇и, аяам̣ аббабхассо бхассз барияанд̇агаарийязва. гасмаа? ‘‘саннибад̇ид̇аанам̣ во, бхигкавз, д̣̇ваяам̣ гаран̣ийяам̣ д̇хаммий ваа гат̇аа, арияо ваа д̇ун̣хийбхааво’’д̇и (ма. ни. 1.273; уд̣̇аа. 12, 28, 29) вуд̇д̇ад̇д̇аа.
89. Navame āramitabbaṭṭhena kammaṃ ārāmo etassāti kammārāmo, tassa bhāvo kammārāmatā. Tattha kammanti itikattabbaṃ kammaṃ vuccati. Seyyathidaṃ – cīvaravicāraṇaṃ cīvarakammakaraṇaṃ upatthambhanaṃ pattatthavikaaṃsabaddhakakāyabandhanadhammakaraṇaādhārakapādakathalikasammajjaniādīnaṃ karaṇanti. Ekacco hi etāni karonto sakaladivasaṃ etāneva karoti, taṃ sandhāyesa paṭikkhepo. Yo pana etesaṃ karaṇavelāyameva tāni karoti, uddesavelāya uddesaṃ gaṇhāti, sajjhāyavelāya sajjhāyati, cetiyaṅgaṇavattavelāya cetiyaṅgaṇavattaṃ karoti, manasikāravelāya manasikāraṃ karoti, na so kammārāmo nāma. Bhassārāmatāti ettha yo itthivaṇṇapurisavaṇṇādivasena ālāpasallāpaṃ karontoyeva divasañca rattiñca vītināmeti, evarūpo bhasse pariyantakārī na hoti, ayaṃ bhassārāmo nāma. Yo pana rattimpi divasampi dhammaṃ katheti, pañhaṃ vissajjeti, ayaṃ appabhasso bhasse pariyantakārīyeva. Kasmā? ‘‘Sannipatitānaṃ vo, bhikkhave, dvayaṃ karaṇīyaṃ dhammī vā kathā, ariyo vā tuṇhībhāvo’’ti (ma. ni. 1.273; udā. 12, 28, 29) vuttattā.
нид̣̇д̣̇аараамад̇аад̇и зд̇т̇а яо г̇ажчанд̇оби нисинноби нибанноби т̇инамид̣̇д̇хаабхибхууд̇о нид̣̇д̣̇ааяад̇иязва, аяам̣ нид̣̇д̣̇аараамо наама. яасса бана гараж̇агааяз г̇злан̃н̃зна жид̇д̇ам̣ бхаван̇г̇з од̇арад̇и, нааяам̣ нид̣̇д̣̇аараамо. д̇знзвааха – ‘‘абхиж̇аанаами ко банаахам̣, аг̇г̇ивзссана, г̇имхаанам̣ бажчимз маасз бажчаабхад̇д̇ам̣ бин̣д̣абаад̇аббадигганд̇о жад̇уг̇г̇ун̣ам̣ сан̇гхаадим̣ бан̃н̃аабзд̇ваа д̣̇агкин̣зна бассзна сад̇о самбаж̇аано нид̣̇д̣̇ам̣ оггамид̇аа’’д̇и (ма. ни. 1.387). сан̇г̇ан̣игаараамад̇аад̇и зд̇т̇а яо згасса д̣̇уд̇ияо, д̣̇виннам̣ д̇ад̇ияо, д̇ин̣н̣ам̣ жад̇уд̇т̇од̇и звам̣ сам̣садтова вихарад̇и, згаго ассаад̣̇ам̣ на лабхад̇и, аяам̣ сан̇г̇ан̣игаараамо. яо бана жад̇уусу ирияаабат̇зсу згагова ассаад̣̇ам̣ лабхад̇и, нааяам̣ сан̇г̇ан̣игаараамо взд̣̇ид̇аб̣б̣о. сзкаанам̣ бадилад̣̇д̇хаг̇ун̣асса барихаанаасамбхавад̇о ‘‘убариг̇ун̣зхий’’д̇иаад̣̇и вуд̇д̇ам̣.
Niddārāmatāti ettha yo gacchantopi nisinnopi nipannopi thinamiddhābhibhūto niddāyatiyeva, ayaṃ niddārāmo nāma. Yassa pana karajakāye gelaññena cittaṃ bhavaṅge otarati, nāyaṃ niddārāmo. Tenevāha – ‘‘abhijānāmi kho panāhaṃ, aggivessana, gimhānaṃ pacchime māse pacchābhattaṃ piṇḍapātappaṭikkanto catugguṇaṃ saṅghāṭiṃ paññāpetvā dakkhiṇena passena sato sampajāno niddaṃ okkamitā’’ti (ma. ni. 1.387). Saṅgaṇikārāmatāti ettha yo ekassa dutiyo, dvinnaṃ tatiyo, tiṇṇaṃ catutthoti evaṃ saṃsaṭṭhova viharati, ekako assādaṃ na labhati, ayaṃ saṅgaṇikārāmo. Yo pana catūsu iriyāpathesu ekakova assādaṃ labhati, nāyaṃ saṅgaṇikārāmo veditabbo. Sekhānaṃ paṭiladdhaguṇassa parihānāsambhavato ‘‘upariguṇehī’’tiādi vuttaṃ.
батамасзкасуд̇д̇аван̣н̣анаа нидтид̇аа.
Paṭhamasekhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. батамасзкасуд̇д̇ам̣ • 9. Paṭhamasekhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. батамасзкасуд̇д̇аван̣н̣анаа • 9. Paṭhamasekhasuttavaṇṇanā
