| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
९. पठमसेखसुत्तवण्णना
9. Paṭhamasekhasuttavaṇṇanā
८९. नवमे सेखस्साति सिक्खकस्स सकरणीयस्स। परिहानायाति उपरिगुणेहि परिहानत्थाय। कम्मारामताति नवकम्मे रमनकभावो। भस्सारामताति आलापसल्लापे रमनकभावो। निद्दारामताति निद्दायने रमनकभावो। सङ्गणिकारामताति गणसङ्गणिकाय रमनकभावो। यथाविमुत्तं चित्तं न पच्चवेक्खतीति यथा यं चित्तं विमुत्तं, ये च दोसा पहीना, गुणा च पटिलद्धा, ते पच्चवेक्खित्वा उपरिगुणपटिलाभाय वायामं न करोतीति अत्थो। इति इमस्मिं सुत्ते सत्तन्नं सेखानं उपरिगुणेहि परिहानिकारणञ्च वुद्धिकारणञ्च कथितं। यञ्च नाम सेखस्स परिहानकारणं, तं पुथुज्जनस्स पठममेव होतीति।
89. Navame sekhassāti sikkhakassa sakaraṇīyassa. Parihānāyāti upariguṇehi parihānatthāya. Kammārāmatāti navakamme ramanakabhāvo. Bhassārāmatāti ālāpasallāpe ramanakabhāvo. Niddārāmatāti niddāyane ramanakabhāvo. Saṅgaṇikārāmatāti gaṇasaṅgaṇikāya ramanakabhāvo. Yathāvimuttaṃ cittaṃ na paccavekkhatīti yathā yaṃ cittaṃ vimuttaṃ, ye ca dosā pahīnā, guṇā ca paṭiladdhā, te paccavekkhitvā upariguṇapaṭilābhāya vāyāmaṃ na karotīti attho. Iti imasmiṃ sutte sattannaṃ sekhānaṃ upariguṇehi parihānikāraṇañca vuddhikāraṇañca kathitaṃ. Yañca nāma sekhassa parihānakāraṇaṃ, taṃ puthujjanassa paṭhamameva hotīti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ९. पठमसेखसुत्तं • 9. Paṭhamasekhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ९. पठमसेखसुत्तवण्णना • 9. Paṭhamasekhasuttavaṇṇanā
