| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. ပဌမသေခသုတ္တဝဏ္ဏနာ
9. Paṭhamasekhasuttavaṇṇanā
၈၉. နဝမေ သေခသ္သာတိ သိက္ခကသ္သ သကရဏီယသ္သ။ ပရိဟာနာယာတိ ဥပရိဂုဏေဟိ ပရိဟာနတ္ထာယ။ ကမ္မာရာမတာတိ နဝကမ္မေ ရမနကဘာဝော။ ဘသ္သာရာမတာတိ အာလာပသလ္လာပေ ရမနကဘာဝော။ နိဒ္ဒာရာမတာတိ နိဒ္ဒာယနေ ရမနကဘာဝော။ သင္ဂဏိကာရာမတာတိ ဂဏသင္ဂဏိကာယ ရမနကဘာဝော။ ယထာဝိမုတ္တံ စိတ္တံ န ပစ္စဝေက္ခတီတိ ယထာ ယံ စိတ္တံ ဝိမုတ္တံ, ယေ စ ဒောသာ ပဟီနာ, ဂုဏာ စ ပဋိလဒ္ဓာ, တေ ပစ္စဝေက္ခိတ္ဝာ ဥပရိဂုဏပဋိလာဘာယ ဝာယာမံ န ကရောတီတိ အတ္ထော။ ဣတိ ဣမသ္မိံ သုတ္တေ သတ္တန္နံ သေခာနံ ဥပရိဂုဏေဟိ ပရိဟာနိကာရဏဉ္စ ဝုဒ္ဓိကာရဏဉ္စ ကထိတံ။ ယဉ္စ နာမ သေခသ္သ ပရိဟာနကာရဏံ, တံ ပုထုဇ္ဇနသ္သ ပဌမမေဝ ဟောတီတိ။
89. Navame sekhassāti sikkhakassa sakaraṇīyassa. Parihānāyāti upariguṇehi parihānatthāya. Kammārāmatāti navakamme ramanakabhāvo. Bhassārāmatāti ālāpasallāpe ramanakabhāvo. Niddārāmatāti niddāyane ramanakabhāvo. Saṅgaṇikārāmatāti gaṇasaṅgaṇikāya ramanakabhāvo. Yathāvimuttaṃ cittaṃ na paccavekkhatīti yathā yaṃ cittaṃ vimuttaṃ, ye ca dosā pahīnā, guṇā ca paṭiladdhā, te paccavekkhitvā upariguṇapaṭilābhāya vāyāmaṃ na karotīti attho. Iti imasmiṃ sutte sattannaṃ sekhānaṃ upariguṇehi parihānikāraṇañca vuddhikāraṇañca kathitaṃ. Yañca nāma sekhassa parihānakāraṇaṃ, taṃ puthujjanassa paṭhamameva hotīti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. ပဌမသေခသုတ္တံ • 9. Paṭhamasekhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉. ပဌမသေခသုတ္တဝဏ္ဏနာ • 9. Paṭhamasekhasuttavaṇṇanā
