| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. පඨමසෙඛසුත්‌තවණ්‌ණනා
9. Paṭhamasekhasuttavaṇṇanā
89. නවමෙ සෙඛස්‌සාති සික්‌ඛකස්‌ස සකරණීයස්‌ස. පරිහානායාති උපරිගුණෙහි පරිහානත්‌ථාය. කම්‌මාරාමතාති නවකම්‌මෙ රමනකභාවො. භස්‌සාරාමතාති ආලාපසල්‌ලාපෙ රමනකභාවො. නිද්‌දාරාමතාති නිද්‌දායනෙ රමනකභාවො. සඞ්‌ගණිකාරාමතාති ගණසඞ්‌ගණිකාය රමනකභාවො. යථාවිමුත්‌තං චිත්‌තං න පච්‌චවෙක්‌ඛතීති යථා යං චිත්‌තං විමුත්‌තං, යෙ ච දොසා පහීනා, ගුණා ච පටිලද්‌ධා, තෙ පච්‌චවෙක්‌ඛිත්‌වා උපරිගුණපටිලාභාය වායාමං න කරොතීති අත්‌ථො. ඉති ඉමස්‌මිං සුත්‌තෙ සත්‌තන්‌නං සෙඛානං උපරිගුණෙහි පරිහානිකාරණඤ්‌ච වුද්‌ධිකාරණඤ්‌ච කථිතං. යඤ්‌ච නාම සෙඛස්‌ස පරිහානකාරණං, තං පුථුජ්‌ජනස්‌ස පඨමමෙව හොතීති.
89. Navame sekhassāti sikkhakassa sakaraṇīyassa. Parihānāyāti upariguṇehi parihānatthāya. Kammārāmatāti navakamme ramanakabhāvo. Bhassārāmatāti ālāpasallāpe ramanakabhāvo. Niddārāmatāti niddāyane ramanakabhāvo. Saṅgaṇikārāmatāti gaṇasaṅgaṇikāya ramanakabhāvo. Yathāvimuttaṃ cittaṃ na paccavekkhatīti yathā yaṃ cittaṃ vimuttaṃ, ye ca dosā pahīnā, guṇā ca paṭiladdhā, te paccavekkhitvā upariguṇapaṭilābhāya vāyāmaṃ na karotīti attho. Iti imasmiṃ sutte sattannaṃ sekhānaṃ upariguṇehi parihānikāraṇañca vuddhikāraṇañca kathitaṃ. Yañca nāma sekhassa parihānakāraṇaṃ, taṃ puthujjanassa paṭhamameva hotīti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. පඨමසෙඛසුත්‌තං • 9. Paṭhamasekhasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9. පඨමසෙඛසුත්‌තවණ්‌ණනා • 9. Paṭhamasekhasuttavaṇṇanā
