| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. പഠമസേഖസുത്തവണ്ണനാ
9. Paṭhamasekhasuttavaṇṇanā
൮൯. നവമേ സേഖസ്സാതി സിക്ഖകസ്സ സകരണീയസ്സ. പരിഹാനായാതി ഉപരിഗുണേഹി പരിഹാനത്ഥായ. കമ്മാരാമതാതി നവകമ്മേ രമനകഭാവോ. ഭസ്സാരാമതാതി ആലാപസല്ലാപേ രമനകഭാവോ. നിദ്ദാരാമതാതി നിദ്ദായനേ രമനകഭാവോ. സങ്ഗണികാരാമതാതി ഗണസങ്ഗണികായ രമനകഭാവോ. യഥാവിമുത്തം ചിത്തം ന പച്ചവേക്ഖതീതി യഥാ യം ചിത്തം വിമുത്തം, യേ ച ദോസാ പഹീനാ, ഗുണാ ച പടിലദ്ധാ, തേ പച്ചവേക്ഖിത്വാ ഉപരിഗുണപടിലാഭായ വായാമം ന കരോതീതി അത്ഥോ. ഇതി ഇമസ്മിം സുത്തേ സത്തന്നം സേഖാനം ഉപരിഗുണേഹി പരിഹാനികാരണഞ്ച വുദ്ധികാരണഞ്ച കഥിതം. യഞ്ച നാമ സേഖസ്സ പരിഹാനകാരണം, തം പുഥുജ്ജനസ്സ പഠമമേവ ഹോതീതി.
89. Navame sekhassāti sikkhakassa sakaraṇīyassa. Parihānāyāti upariguṇehi parihānatthāya. Kammārāmatāti navakamme ramanakabhāvo. Bhassārāmatāti ālāpasallāpe ramanakabhāvo. Niddārāmatāti niddāyane ramanakabhāvo. Saṅgaṇikārāmatāti gaṇasaṅgaṇikāya ramanakabhāvo. Yathāvimuttaṃ cittaṃ na paccavekkhatīti yathā yaṃ cittaṃ vimuttaṃ, ye ca dosā pahīnā, guṇā ca paṭiladdhā, te paccavekkhitvā upariguṇapaṭilābhāya vāyāmaṃ na karotīti attho. Iti imasmiṃ sutte sattannaṃ sekhānaṃ upariguṇehi parihānikāraṇañca vuddhikāraṇañca kathitaṃ. Yañca nāma sekhassa parihānakāraṇaṃ, taṃ puthujjanassa paṭhamameva hotīti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. പഠമസേഖസുത്തം • 9. Paṭhamasekhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. പഠമസേഖസുത്തവണ്ണനാ • 9. Paṭhamasekhasuttavaṇṇanā
