| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
4. батамасзнаасанасигкаабад̣̇ам̣
4. Paṭhamasenāsanasikkhāpadaṃ
108. жад̇уд̇т̇з химамзва химанд̇о, химанд̇з нияуд̇д̇о хзманд̇иго, гаалод̇и ааха ‘‘хзманд̇агаалз’’д̇и. од̇аабзнд̇аа баггамим̣сууд̇и самб̣анд̇хо. гааласад̣̇д̣̇асса самб̣анд̇хисад̣̇д̣̇ад̇д̇аа самб̣анд̇хаабзгкод̇и ааха ‘‘яасса гассажий’’д̇и. химавассзнаад̇и химзна жа вассзна жа.
108. Catutthe himameva himanto, himante niyutto hemantiko, kāloti āha ‘‘hemantakāle’’ti. Otāpentā pakkamiṃsūti sambandho. Kālasaddassa sambandhisaddattā sambandhāpekkhoti āha ‘‘yassa kassacī’’ti. Himavassenāti himena ca vassena ca.
110. ‘‘вассиго’’д̇и на сан̇гзд̇аад̇и авассигасан̇гзд̇аа. ‘‘адта маасз’’д̇и сааман̃н̃ад̇о вуд̇д̇зби ‘‘авассигасан̇гзд̇з’’д̇и висзсид̇ад̇д̇аа хзманд̇игаг̇имхигамаасааязва г̇ахзд̇аб̣б̣аад̇и ааха ‘‘жад̇д̇ааро хзманд̇игз’’д̇иаад̣̇и. яад̇т̇аад̇и яасмим̣ ругкз. на уухад̣̇анд̇ийд̇и самб̣анд̇хо. ‘‘гаагаа ваа’’д̇и зд̇т̇а ваасад̣̇д̣̇о самбин̣д̣анад̇т̇о. д̇знааха ‘‘ан̃н̃з ваа сагунд̇аа’’д̇и. д̇асмаад̇и яасмаа ануж̇аанаад̇и, д̇асмаа. яад̇т̇аад̇и яасмим̣ ругкз, виссамид̇ваа г̇ажчанд̇ийд̇и яож̇анаа. яасминд̇и ругкз, гад̇ваа васанд̇ийд̇и яож̇анаа. адта маасз зваад̇и самбхавад̇о ааха ‘‘язсу ж̇анабад̣̇зсуу’’д̇иаад̣̇и . д̇зсубийд̇и ж̇анабад̣̇зсуби. авассигасан̇гзд̇з зваад̇и самбхавад̇о ааха ‘‘яад̇т̇аа’’д̇иаад̣̇и. яад̇т̇аад̇и язсу ж̇анабад̣̇зсу. ‘‘виг̇ад̇авалаахагам̣ висуд̣̇д̇хам̣ набхам̣ ход̇ий’’д̇и иминаа сажз авиг̇ад̇авалаахагам̣ ависуд̣̇д̇хам̣ набхам̣ ход̇и, нигкибид̇ум̣ на ваддад̇ийд̇и д̣̇ийбзд̇и. ‘‘зваруубз гаалз’’д̇и бад̣̇ам̣ ‘‘нигкибид̇ум̣ ваддад̇ий’’д̇и бад̣̇з аад̇хааро.
110. ‘‘Vassiko’’ti na saṅketāti avassikasaṅketā. ‘‘Aṭṭha māse’’ti sāmaññato vuttepi ‘‘avassikasaṅkete’’ti visesitattā hemantikagimhikamāsāyeva gahetabbāti āha ‘‘cattāro hemantike’’tiādi. Yatthāti yasmiṃ rukkhe. Na ūhadantīti sambandho. ‘‘Kākā vā’’ti ettha vāsaddo sampiṇḍanattho. Tenāha ‘‘aññe vā sakuntā’’ti. Tasmāti yasmā anujānāti, tasmā. Yatthāti yasmiṃ rukkhe, vissamitvā gacchantīti yojanā. Yasminti rukkhe, katvā vasantīti yojanā. Aṭṭha māse evāti sambhavato āha ‘‘yesu janapadesū’’tiādi . Tesupīti janapadesupi. Avassikasaṅkete evāti sambhavato āha ‘‘yatthā’’tiādi. Yatthāti yesu janapadesu. ‘‘Vigatavalāhakaṃ visuddhaṃ nabhaṃ hotī’’ti iminā sace avigatavalāhakaṃ avisuddhaṃ nabhaṃ hoti, nikkhipituṃ na vaṭṭatīti dīpeti. ‘‘Evarūpe kāle’’ti padaṃ ‘‘nikkhipituṃ vaṭṭatī’’ti pade ādhāro.
аб̣бхогаасигзнаабийд̇и аб̣бхогаасад̇худ̇ан̇г̇аяуд̇д̇знааби. бисад̣̇д̣̇о ругкамуулигасса абзгкаго. вад̇д̇ам̣ вид̇т̇аарзнд̇о ааха ‘‘д̇асса хий’’д̇иаад̣̇и. д̇ассаад̇и аб̣бхогаасигасса. хисад̣̇д̣̇о вид̇т̇аараж̇од̇аго. д̇ад̇т̇зваад̇и буг̇г̇алигаман̃жагзязва. сан̇гхигам̣ ман̃жанд̇и самб̣анд̇хо. вийд̇аман̃жагод̇и вааяид̇аман̃жаго. д̇асминд̇и вийд̇аман̃жагз. бураан̣аман̃жаго нассанд̇оби анаг̇гход̇и ааха ‘‘бураан̣аман̃жаго г̇ахзд̇аб̣б̣о’’д̇и. жаммзна аванахид̇аб̣б̣од̇и онад̣̇д̇хо, со зва онад̣̇д̇хаго. г̇ахзд̇ваа жа бана бан̃н̃абзд̇ваа нибаж̇ж̇ид̇ум̣ на ваддад̇ийд̇и яож̇анаа. асамаязд̇и вассигасан̇каад̇з агаалз. жад̇уг̇г̇ун̣знаабийд̇и жад̇убадалзнаби. вадданд̇и валаахагаа аавадданд̇и асмим̣ самаязд̇и ваддуло, со зва ваддалиго, сад̇д̇аахам̣ ваддалиго, сад̇д̇аахо ваа ваддалиго сад̇д̇аахаваддалиго, со аад̣̇и язсам̣ д̇аанийд̇и сад̇д̇аахаваддалигаад̣̇ийни. аад̣̇исад̣̇д̣̇зна сад̇д̇аахад̇о уунаад̇хигаани г̇ахзд̇аб̣б̣аани. гааяаануг̇ад̇игад̇д̇аад̇и гааяам̣ ануг̇амагад̇д̇аа гааяасад̣̇исад̇д̇аад̇и ад̇т̇о.
Abbhokāsikenāpīti abbhokāsadhutaṅgayuttenāpi. Pisaddo rukkhamūlikassa apekkhako. Vattaṃ vitthārento āha ‘‘tassa hī’’tiādi. Tassāti abbhokāsikassa. Hisaddo vitthārajotako. Tatthevāti puggalikamañcakeyeva. Saṅghikaṃ mañcanti sambandho. Vītamañcakoti vāyitamañcako. Tasminti vītamañcake. Purāṇamañcako nassantopi anagghoti āha ‘‘purāṇamañcako gahetabbo’’ti. Cammena avanahitabboti onaddho, so eva onaddhako. Gahetvā ca pana paññapetvā nipajjituṃ na vaṭṭatīti yojanā. Asamayeti vassikasaṅkhāte akāle. Catugguṇenāpīti catupaṭalenapi. Vaṭṭanti valāhakā āvaṭṭanti asmiṃ samayeti vaṭṭulo, so eva vaṭṭaliko, sattāhaṃ vaṭṭaliko, sattāho vā vaṭṭaliko sattāhavaṭṭaliko, so ādi yesaṃ tānīti sattāhavaṭṭalikādīni. Ādisaddena sattāhato ūnādhikāni gahetabbāni. Kāyānugatikattāti kāyaṃ anugamakattā kāyasadisattāti attho.
бан̣н̣агудийсууд̇и бан̣н̣зна чаад̣̇ид̇агудийсу. сабхааг̇абхигкуунанд̇и ад̇д̇анаа сабхааг̇абхигкуунам̣, санд̇иганд̇и самб̣анд̇хо. ановассагз таанзд̇и яож̇анаа. лаг̇г̇зд̇ваад̇и ламб̣зд̇ваа, аяамзва ваа баато. ‘‘саммаж̇ж̇ани’’нд̇и бад̣̇ам̣ ‘‘г̇ахзд̇ваа’’д̇и бад̣̇з авуд̇д̇агаммам̣, ‘‘табзд̇аб̣б̣аа’’д̇и бад̣̇з вуд̇д̇агаммам̣. д̇ховид̇ваад̇и саммаж̇ж̇аним̣ суд̣̇д̇хам̣ гад̇ваа. убосат̇ааг̇аараад̣̇ийсууд̇иаад̣̇исад̣̇д̣̇зна баривзн̣аад̣̇ийни г̇ахзд̇аб̣б̣аани.
Paṇṇakuṭīsūti paṇṇena chāditakuṭīsu. Sabhāgabhikkhūnanti attanā sabhāgabhikkhūnaṃ, santikanti sambandho. Anovassake ṭhāneti yojanā. Laggetvāti lambetvā, ayameva vā pāṭho. ‘‘Sammajjani’’nti padaṃ ‘‘gahetvā’’ti pade avuttakammaṃ, ‘‘ṭhapetabbā’’ti pade vuttakammaṃ. Dhovitvāti sammajjaniṃ suddhaṃ katvā. Uposathāgārādīsūtiādisaddena pariveṇādīni gahetabbāni.
яо бана бхигку г̇анд̇угаамо ход̇и, д̇знаад̇и яож̇анаа. д̇ад̇т̇аад̇и саалааяам̣. яад̇т̇а гад̇т̇ажийд̇и яасмим̣ гисмин̃жи таанз. баагад̇игадтаанзд̇и багад̇ияаа г̇ахид̇адтаанз. д̇ад̇ра д̇ад̇рзваад̇и д̇зсу д̇зсу жзд̇ияан̇г̇ан̣аад̣̇ийсуязва . асанасааланд̇и асанд̇и бхагканд̇и ассам̣ саалааяанд̇и асанаа, асанаа жа саа саалаа жзд̇и асанасаалаа, бхож̇анасаалаад̇и ад̇т̇о. д̇ад̇раад̇и д̇асса саммаж̇ж̇анд̇асса, д̇асмим̣ ‘‘вад̇д̇ам̣ ж̇аанид̇аб̣б̣а’’нд̇и баатз ваа. маж̇жхад̇од̇и бавид̇д̇ад̇о, суд̣̇д̇хадтаанад̇од̇и ад̇т̇о. баад̣̇адтаанаабхимукаад̇и саммаж̇ж̇анд̇асса баад̣̇адтаанам̣ абхимукаа. ваалигаа харид̇аб̣б̣аад̇и бам̣су жа ваалигаа жа абанзд̇аб̣б̣аа. саммун̃жанийсалаагааяа барам̣ бзллзд̇аб̣б̣аад̇и ад̇хиббааяо. б̣ахийд̇и саммаж̇ж̇ид̇аб̣б̣ад̇алад̇о б̣ахи.
Yo pana bhikkhu gantukāmo hoti, tenāti yojanā. Tatthāti sālāyaṃ. Yattha katthacīti yasmiṃ kismiñci ṭhāne. Pākatikaṭṭhāneti pakatiyā gahitaṭṭhāne. Tatra tatrevāti tesu tesu cetiyaṅgaṇādīsuyeva . Asanasālanti asanti bhakkhanti assaṃ sālāyanti asanā, asanā ca sā sālā ceti asanasālā, bhojanasālāti attho. Tatrāti tassa sammajjantassa, tasmiṃ ‘‘vattaṃ jānitabba’’nti pāṭhe vā. Majjhatoti pavittato, suddhaṭṭhānatoti attho. Pādaṭṭhānābhimukhāti sammajjantassa pādaṭṭhānaṃ abhimukhā. Vālikā haritabbāti paṃsu ca vālikā ca apanetabbā. Sammuñcanīsalākāya paraṃ pelletabbāti adhippāyo. Bahīti sammajjitabbatalato bahi.
111. масаарагод̇ийд̇и зд̇т̇а ид̇исад̣̇д̣̇о наамабарияааяо, масаараго наамаад̇и ад̇т̇о. звам̣ б̣унд̣̇игааб̣ад̣̇д̇ход̇ийд̇иаад̣̇ийсуби. баад̣̇з масид̇ваа виж̇жхид̇ваа д̇ад̇т̇а аданияо бавзсзд̇аб̣б̣аа зд̇т̇аад̇и масаараго. б̣унд̣̇о зва б̣унд̣̇иго, баад̣̇о, д̇асмим̣ ааб̣ад̣̇д̇хаа б̣анд̇хид̇аа аданий яассаад̇и б̣унд̣̇игааб̣ад̣̇д̇хо. гул̣ийрасса баад̣̇о вияа баад̣̇о яассаад̇и гул̣ийрабаад̣̇аго, яат̇аа гул̣ийро ван̇габаад̣̇о ход̇и, звам̣ ван̇габаад̣̇од̇и вуд̇д̇ам̣ ход̇и. аахажжа ан̇г̇з виж̇жхид̇ваа д̇ад̇т̇а бавзсид̇о баад̣̇о яассаад̇и аахажжабаад̣̇аго. аан̣инд̇и аг̇г̇акилам̣. ман̃жад̇и буг̇г̇алам̣ д̇хаарзд̇ийд̇и ман̃жо. бийтад̇и висамад̣̇угкам̣ хим̣сад̇ийд̇и бийтам̣. бан̣авод̇и зго д̇уурияависзсо, д̇асса сан̣таанам̣ гад̇ваад̇и ад̇т̇о. д̇ан̃хи зд̇арахи б̣уд̣̇д̇хабадимасса баллан̇гасан̣таанам̣ ход̇и. д̇анд̇и гожчам̣. гаронд̇и гираад̇и самб̣анд̇хо. зд̇т̇аад̇и сзнаасанабарибхог̇з. хийд̇и сажжам̣. д̇анд̇и гожчам̣ махаг̇гхам̣ ход̇и, махаг̇гхад̇д̇аа бхад̣̇д̣̇абийтанд̇иби вужжад̇и. язнаад̇и язна бхигкунаа. ‘‘т̇аамамаж̇жхимассаа’’д̇и бад̣̇зна бамаан̣амаж̇жхимам̣ нивад̇д̇зд̇и.
111.Masārakotīti ettha itisaddo nāmapariyāyo, masārako nāmāti attho. Evaṃ bundikābaddhotītiādīsupi. Pāde masitvā vijjhitvā tattha aṭaniyo pavesetabbā etthāti masārako. Bundo eva bundiko, pādo, tasmiṃ ābaddhā bandhitā aṭanī yassāti bundikābaddho. Kuḷīrassa pādo viya pādo yassāti kuḷīrapādako, yathā kuḷīro vaṅkapādo hoti, evaṃ vaṅkapādoti vuttaṃ hoti. Āhacca aṅge vijjhitvā tattha pavesito pādo yassāti āhaccapādako. Āṇinti aggakhilaṃ. Mañcati puggalaṃ dhāretīti mañco. Pīṭhati visamadukkhaṃ hiṃsatīti pīṭhaṃ. Paṇavoti eko tūriyaviseso, tassa saṇṭhānaṃ katvāti attho. Tañhi etarahi buddhapaṭimassa pallaṅkasaṇṭhānaṃ hoti. Tanti kocchaṃ. Karonti kirāti sambandho. Etthāti senāsanaparibhoge. Hīti saccaṃ. Tanti kocchaṃ mahagghaṃ hoti, mahagghattā bhaddapīṭhantipi vuccati. Yenāti yena bhikkhunā. ‘‘Thāmamajjhimassā’’ti padena pamāṇamajjhimaṃ nivatteti.
зд̇т̇аад̇и ‘‘анаабужчам̣ ваа г̇ажчзяяаа’’д̇и бад̣̇з. т̇зро аан̣аабзд̇ийд̇и яож̇анаа. аан̣аабзд̇ийд̇и жа аан̣а-д̇хаад̇уяаа зва бзсанасан̇каад̇асса хзд̇вад̇т̇асса ваажагад̇д̇аа н̣аабзсад̣̇д̣̇о свад̇т̇ова. сод̇и д̣̇ахаро. д̇ат̇аад̇и яат̇аа т̇зрзна вуд̇д̇о, д̇ат̇аа гад̇ваад̇и ад̇т̇о. д̇ад̇т̇аад̇и д̣̇иваадтаанз, ман̃жабийтз ваа. д̇ад̇од̇и табанагаалад̇о. бариб̣унд̇хзд̇и хим̣ сзд̇ийд̇и балиб̣од̇хо, барисад̣̇д̣̇о убасаг̇г̇о, со вигааравасзна ан̃н̃ат̇аа ж̇аад̇о. со балиб̣од̇хо ан̃н̃ад̇т̇а ааваасаад̣̇иго, ид̇ха бана сант̇араабид̇аман̃жаад̣̇иго. сааяанд̇и сааяанхз, бхуммад̇т̇з жзд̇ам̣ убаяог̇аважанам̣. т̇зро бхан̣ад̇ийд̇и самб̣анд̇хо. д̇ад̇т̇аад̇и ман̃жабийтз. ‘‘б̣аало ход̇ий’’д̇и вад̇ваа д̇асса ад̇т̇ам̣ д̣̇ассзнд̇о ааха ‘‘ануг̇г̇ахид̇авад̇д̇о’’д̇и. ануг̇г̇ахид̇ам̣ вад̇д̇ам̣ язнаад̇и ануг̇г̇ахид̇авад̇д̇о, т̇зро. д̇аж̇ж̇зд̇ийд̇и уб̣б̣зж̇зд̇и. д̇асминд̇и д̣̇ахарз. ассаад̇и т̇зрасса.
Etthāti ‘‘anāpucchaṃ vā gaccheyyā’’ti pade. Thero āṇāpetīti yojanā. Āṇāpetīti ca āṇa-dhātuyā eva pesanasaṅkhātassa hetvatthassa vācakattā ṇāpesaddo svatthova. Soti daharo. Tathāti yathā therena vutto, tathā katvāti attho. Tatthāti divāṭṭhāne, mañcapīṭhe vā. Tatoti ṭhapanakālato. Paribundheti hiṃ setīti palibodho, parisaddo upasaggo, so vikāravasena aññathā jāto. So palibodho aññattha āvāsādiko, idha pana santharāpitamañcādiko. Sāyanti sāyanhe, bhummatthe cetaṃ upayogavacanaṃ. Thero bhaṇatīti sambandho. Tatthāti mañcapīṭhe. ‘‘Bālo hotī’’ti vatvā tassa atthaṃ dassento āha ‘‘anuggahitavatto’’ti. Anuggahitaṃ vattaṃ yenāti anuggahitavatto, thero. Tajjetīti ubbejeti. Tasminti dahare. Assāti therassa.
аан̣ад̇д̇игкан̣зязваад̇и т̇зрасса бзсанагкан̣зязва. д̣̇ахаро вад̣̇ад̇ийд̇и яож̇анаа. ‘‘т̇зро’’д̇и бад̣̇ам̣ ‘‘вад̇ваа г̇ажчад̇ий’’д̇и бад̣̇ад̣̇ваяз гад̇д̇аа, ‘‘гаарзд̇аб̣б̣о’’д̇и бад̣̇з гаммам̣. нанд̇и ман̃жабийтам̣, ‘‘бан̃н̃абзд̇ваа’’д̇ибад̣̇амабзгкияа звам̣ вуд̇д̇ам̣. нанд̇и д̣̇ахарам̣ ваа. ‘‘вад̇ваа’’д̇и бад̣̇амабзгкияа звам̣ вуд̇д̇ам̣. д̇ад̇т̇зваад̇и ман̃жабийтзязва. ассаад̇и т̇зрасса. д̇ад̇т̇аад̇и д̣̇иваадтаанз. бхож̇анасаалад̇о ан̃н̃ад̇т̇а г̇ажчанд̇од̇и бхож̇анасаалад̇о нигкамид̇ваа ман̃жабийтабан̃н̃аабанадтаанад̇о ан̃н̃ам̣ таанам̣ г̇ажчанд̇о, т̇зрод̇и яож̇анаа. д̇ад̇т̇зваад̇и д̣̇иваадтаанзязва. яад̇рижчад̇ийд̇и яам̣ таанам̣ г̇анд̇умижчад̇ийд̇и ад̇т̇о. анд̇арасаннибаад̇зд̇и сагалам̣ ахорад̇д̇ам̣ асаннибаад̇зд̇ваа анд̇арз саннибаад̇з сад̇ийд̇и яож̇анаа.
Āṇattikkhaṇeyevāti therassa pesanakkhaṇeyeva. Daharo vadatīti yojanā. ‘‘Thero’’ti padaṃ ‘‘vatvā gacchatī’’ti padadvaye kattā, ‘‘kāretabbo’’ti pade kammaṃ. Nanti mañcapīṭhaṃ, ‘‘paññapetvā’’tipadamapekkhiya evaṃ vuttaṃ. Nanti daharaṃ vā. ‘‘Vatvā’’ti padamapekkhiya evaṃ vuttaṃ. Tatthevāti mañcapīṭheyeva. Assāti therassa. Tatthāti divāṭṭhāne. Bhojanasālato aññattha gacchantoti bhojanasālato nikkhamitvā mañcapīṭhapaññāpanaṭṭhānato aññaṃ ṭhānaṃ gacchanto, theroti yojanā. Tatthevāti divāṭṭhāneyeva. Yatricchatīti yaṃ ṭhānaṃ gantumicchatīti attho. Antarasannipāteti sakalaṃ ahorattaṃ asannipātetvā antare sannipāte satīti yojanā.
д̇ад̇т̇аад̇и д̇асмим̣ таанз. ааг̇анд̇угаа г̇ан̣ханд̇ийд̇и самб̣анд̇хо. д̇ад̇од̇и г̇ан̣ханад̇о. д̇зсанд̇и ааг̇анд̇угаанам̣ . язхийд̇и ааваасиго ваа ход̇у, ааг̇анд̇уго ваа, язхи бхигкуухи. д̇зд̇и нисиннагабхигкуу. уд̣̇д̇хам̣ баал̣ибаатам̣ саарзд̇и бавад̇д̇зд̇ийд̇и уссаараго. д̇хаммагат̇ааяам̣ саад̇хууд̇и д̇хаммагат̇иго. д̇асминд̇и уссаарагз ваа д̇хаммагат̇игз ваа. ахорад̇д̇анд̇и ахо жа рад̇д̇и жа ахорад̇д̇ам̣, ажжанд̇асам̣яог̇абад̣̇ам̣. ид̇арасминд̇и батамам̣ нисиннабхигкуд̇о ан̃н̃асмим̣ бхигкумхийд̇и яож̇анаа. анд̇оубажаарадтзязваад̇и лзд̣д̣убаад̇асан̇каад̇асса убажаарасса анд̇о тид̇зязва, анаад̣̇арз жзд̇ам̣ бхуммам̣. саб̣б̣ад̇т̇аад̇и аабад̇д̇иваараанаабад̇д̇иваарзсу.
Tatthāti tasmiṃ ṭhāne. Āgantukā gaṇhantīti sambandho. Tatoti gaṇhanato. Tesanti āgantukānaṃ . Yehīti āvāsiko vā hotu, āgantuko vā, yehi bhikkhūhi. Teti nisinnakabhikkhū. Uddhaṃ pāḷipāṭhaṃ sāreti pavattetīti ussārako. Dhammakathāyaṃ sādhūti dhammakathiko. Tasminti ussārake vā dhammakathike vā. Ahorattanti aho ca ratti ca ahorattaṃ, accantasaṃyogapadaṃ. Itarasminti paṭhamaṃ nisinnabhikkhuto aññasmiṃ bhikkhumhīti yojanā. Antoupacāraṭṭheyevāti leḍḍupātasaṅkhātassa upacārassa anto ṭhiteyeva, anādare cetaṃ bhummaṃ. Sabbatthāti āpattivāraanāpattivāresu.
112. жимилигам̣ ваад̇иаад̣̇ийсу винижчаяо звам̣ взд̣̇ид̇аб̣б̣од̇и яож̇анаа. д̇анд̇и жимилигад̇т̇аран̣ам̣. уд̇д̇ари ад̇т̇арид̇аб̣б̣анд̇и уд̇д̇арад̇т̇аран̣анд̇и д̣̇ассзнд̇о ааха ‘‘уд̇д̇арад̇т̇аран̣ам̣ наамаа’’д̇иаад̣̇и. бхуумияанд̇и суд̇хаад̣̇ибаригаммзна агад̇ааяам̣ багад̇ибхуумияам̣. жаммакан̣д̣од̇и зд̇т̇а жаммам̣язва анд̇з кан̣д̣ад̇д̇аа чиннад̇д̇аа жаммакан̣д̣од̇и вужжад̇и. нану сийхажаммаад̣̇ийни на габбанд̇ийд̇и ааха ‘‘адтагат̇аасу хий’’д̇иаад̣̇и. хийд̇и сажжам̣. д̇асмаад̇и яасмаа на д̣̇иссад̇и, д̇асмаа. барихаран̣зязваад̇и ад̇д̇ано санд̇аганд̇и барижчинд̣̇ид̇ваа, буг̇г̇алиганд̇и ваа бариг̇г̇ахзд̇ваа д̇ам̣ д̇ам̣ таанам̣ харан̣зязва. баад̣̇о бун̃чийяад̇и сод̇хийяад̇и зд̇ааяаад̇и баад̣̇абун̃чанийд̇и гад̇ваа раж̇ж̇убилод̇игааяо баад̣̇абун̃чанийд̇и вужжад̇ийд̇и ааха ‘‘баад̣̇абун̃чаний наамаа’’д̇иаад̣̇и. маяасад̣̇д̣̇алобам̣ гад̇ваа палагабийтанд̇и вуд̇д̇анд̇и ааха ‘‘палагабийтам̣ наама палагамаяам̣ бийта’’нд̇и. палаган̃жа бийтан̃жа палагабийтанд̇и ваа д̣̇ассзд̇ум̣ вуд̇д̇ам̣ ‘‘ат̇а ваа’’д̇и. зд̇знаад̇и ‘‘палагабийта’’нд̇и бад̣̇зна. ‘‘сан̇г̇ахид̇а’’нд̇и бад̣̇з гаран̣ам̣, гад̇д̇аа ваа. б̣ийж̇анибад̇д̇аганд̇и жад̇урассаб̣ийж̇анийязва сагун̣абад̇д̇асад̣̇исад̇д̇аа б̣ийж̇анибад̇д̇агам̣, сад̣̇исад̇т̇з го. ‘‘аж̇жхогаасз’’д̇и бад̣̇ам̣ ‘‘бажид̇ваа’’д̇и бад̣̇з аад̇хааро. аг̇г̇исаалааяанд̇и аг̇г̇инаа бажанасаалааяам̣. баб̣бхаарзд̇и лзн̣асад̣̇исз баб̣бхаарз. яад̇т̇аад̇и яасмим̣ таанз.
112. Cimilikaṃ vātiādīsu vinicchayo evaṃ veditabboti yojanā. Tanti cimilikattharaṇaṃ. Uttari attharitabbanti uttarattharaṇanti dassento āha ‘‘uttarattharaṇaṃ nāmā’’tiādi. Bhūmiyanti sudhādiparikammena akatāyaṃ pakatibhūmiyaṃ. Cammakhaṇḍoti ettha cammaṃyeva ante khaṇḍattā chinnattā cammakhaṇḍoti vuccati. Nanu sīhacammādīni na kappantīti āha ‘‘aṭṭhakathāsu hī’’tiādi. Hīti saccaṃ. Tasmāti yasmā na dissati, tasmā. Pariharaṇeyevāti attano santakanti paricchinditvā, puggalikanti vā pariggahetvā taṃ taṃ ṭhānaṃ haraṇeyeva. Pādo puñchīyati sodhīyati etāyāti pādapuñchanīti katvā rajjupilotikāyo pādapuñchanīti vuccatīti āha ‘‘pādapuñchanī nāmā’’tiādi. Mayasaddalopaṃ katvā phalakapīṭhanti vuttanti āha ‘‘phalakapīṭhaṃ nāma phalakamayaṃ pīṭha’’nti. Phalakañca pīṭhañca phalakapīṭhanti vā dassetuṃ vuttaṃ ‘‘atha vā’’ti. Etenāti ‘‘phalakapīṭha’’nti padena. ‘‘Saṅgahita’’nti pade karaṇaṃ, kattā vā. Bījanipattakanti caturassabījanīyeva sakuṇapattasadisattā bījanipattakaṃ, sadisatthe ko. ‘‘Ajjhokāse’’ti padaṃ ‘‘pacitvā’’ti pade ādhāro. Aggisālāyanti agginā pacanasālāyaṃ. Pabbhāreti leṇasadise pabbhāre. Yatthāti yasmiṃ ṭhāne.
яасминд̇и буг̇г̇алз. ‘‘ад̇д̇ано буг̇г̇алигамива ход̇ий’’д̇и иминаа анаабад̇д̇ийд̇и д̣̇ассзд̇и.
Yasminti puggale. ‘‘Attano puggalikamiva hotī’’ti iminā anāpattīti dasseti.
113. яо бхигку ваа лаж̇ж̇ий ход̇и, д̇ат̇ааруубам̣ бхигкум̣ ваа д̇и яож̇анаа. ‘‘лаж̇ж̇ий ход̇ий’’д̇и вад̇ваа д̇асса ад̇т̇ам̣ д̣̇ассзнд̇о ааха ‘‘ад̇д̇ано балиб̣од̇хам̣ вияа ман̃н̃ад̇ий’’д̇и. яод̇и аабужчаго бхигку. ‘‘гзнажи убад̣̇д̣̇уд̇ам̣ ход̇ий’’д̇и сан̇кзбзна вуд̇д̇амад̇т̇ам̣ вид̇т̇аарзнд̇о ааха ‘‘сажзби хий’’д̇иаад̣̇и. хисад̣̇д̣̇о вид̇т̇аараж̇од̇аго. вуд̣дхад̇аро бхигку г̇ан̣хаад̇ийд̇и самб̣анд̇хо. д̇ам̣ бад̣̇зсанд̇и сзнаасанадтабид̇адтаанам̣. аабад̣̇аасууд̇и вибад̇д̇ийсууд̇и. жад̇уд̇т̇ам̣.
113. Yo bhikkhu vā lajjī hoti, tathārūpaṃ bhikkhuṃ vā ti yojanā. ‘‘Lajjī hotī’’ti vatvā tassa atthaṃ dassento āha ‘‘attano palibodhaṃ viya maññatī’’ti. Yoti āpucchako bhikkhu. ‘‘Kenaci upaddutaṃ hotī’’ti saṅkhepena vuttamatthaṃ vitthārento āha ‘‘sacepi hī’’tiādi. Hisaddo vitthārajotako. Vuḍḍhataro bhikkhu gaṇhātīti sambandho. Taṃ padesanti senāsanaṭṭhapitaṭṭhānaṃ. Āpadāsūti vipattīsūti. Catutthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
