| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. батамасзнаасанасигкаабад̣̇аван̣н̣анаа
4. Paṭhamasenāsanasikkhāpadavaṇṇanā
108-110. жад̇уд̇т̇з химавассзнаад̇и химамзва вуд̇д̇ам̣. абан̃н̃аад̇зд̇и аббад̇ийд̇з, аббасид̣̇д̇хзд̇и ад̇т̇о. ‘‘ман̣д̣абз ваа ругкамуулз ваад̇и важанад̇о вивадан̇г̇ан̣зби нигкибид̇ум̣ ваддад̇ий’’д̇и д̇ийсуби г̇ан̣тибад̣̇зсу вуд̇д̇ам̣. г̇ожараббасуд̇аад̇и г̇ожарадтаанам̣ бадибаннаа. ‘‘адта маасз’’д̇и иминаа вассаанам̣ жаад̇умаасам̣ жзби д̣̇зво на вассад̇и, бадигкид̇д̇амзваад̇и ааха ‘‘адта маасзд̇и важанад̇о…бз… нигкибид̇ум̣ на ваддад̇иязваа’’д̇и. д̇ад̇т̇а жад̇д̇ааро маасзд̇и вассаанасса жад̇д̇ааро маасз. авассигасан̇гзд̇зд̇и иминаа анун̃н̃аад̇зби адта маасз яад̇т̇а хзманд̇з д̣̇зво вассад̇и, д̇ад̇т̇а абарзби жад̇д̇ааро маасаа бадигкид̇д̇аад̇и ааха ‘‘авассигасан̇гзд̇зд̇и важанад̇о’’д̇иаад̣̇и. иминаа имам̣ д̣̇ийбзд̇и ‘‘яасмим̣ д̣̇зсз хзманд̇з д̣̇зво вассад̇и, д̇ад̇т̇а адта маасз бадигкибид̇ваа жад̇д̇ааро маасаа анун̃н̃аад̇аа. яад̇т̇а бана вассаанзязва вассад̇и, д̇ад̇т̇а жад̇д̇ааро маасз бадигкибид̇ваа адта маасаа анун̃н̃аад̇аа’’д̇и.
108-110. Catutthe himavassenāti himameva vuttaṃ. Apaññāteti appatīte, appasiddheti attho. ‘‘Maṇḍape vā rukkhamūle vāti vacanato vivaṭaṅgaṇepi nikkhipituṃ vaṭṭatī’’ti tīsupi gaṇṭhipadesu vuttaṃ. Gocarappasutāti gocaraṭṭhānaṃ paṭipannā. ‘‘Aṭṭha māse’’ti iminā vassānaṃ cātumāsaṃ cepi devo na vassati, paṭikkhittamevāti āha ‘‘aṭṭha māseti vacanato…pe… nikkhipituṃ na vaṭṭatiyevā’’ti. Tattha cattāro māseti vassānassa cattāro māse. Avassikasaṅketeti iminā anuññātepi aṭṭha māse yattha hemante devo vassati, tattha aparepi cattāro māsā paṭikkhittāti āha ‘‘avassikasaṅketeti vacanato’’tiādi. Iminā imaṃ dīpeti ‘‘yasmiṃ dese hemante devo vassati, tattha aṭṭha māse paṭikkhipitvā cattāro māsā anuññātā. Yattha pana vassāneyeva vassati, tattha cattāro māse paṭikkhipitvā aṭṭha māsā anuññātā’’ti.
иминаава наязна маж̇жхимабад̣̇зсз яад̇т̇а хзманд̇з химавассам̣ вассад̇и, д̇ад̇т̇ааби адтзва маасаа бадигкид̇д̇аад̇и взд̣̇ид̇аб̣б̣аа. д̇асмаа вассаанагаалз багад̇иаж̇жхогаасз овассагаман̣д̣абз ругкамуулз жа сант̇арид̇ум̣ на ваддад̇и, хзманд̇агаалз багад̇иаж̇жхогаасз овассагаман̣д̣абаад̣̇ийсуби ваддад̇и. д̇ан̃жа ко яад̇т̇а химавассзна сзнаасанам̣ на д̇змад̇и, г̇имхагаалзби багад̇иаж̇жхогаасаад̣̇ийсу ваддад̇иязва, д̇ан̃жа ко агааламзгхаад̣̇ассанз, гаагаад̣̇ийнам̣ ниб̣ад̣̇д̇хаваасаругкамуулз бана гад̣̇аажиби на ваддад̇ийд̇и звамзд̇т̇а винижчаяо взд̣̇ид̇аб̣б̣о.
Imināva nayena majjhimapadese yattha hemante himavassaṃ vassati, tatthāpi aṭṭheva māsā paṭikkhittāti veditabbā. Tasmā vassānakāle pakatiajjhokāse ovassakamaṇḍape rukkhamūle ca santharituṃ na vaṭṭati, hemantakāle pakatiajjhokāse ovassakamaṇḍapādīsupi vaṭṭati. Tañca kho yattha himavassena senāsanaṃ na temati, gimhakālepi pakatiajjhokāsādīsu vaṭṭatiyeva, tañca kho akālameghādassane, kākādīnaṃ nibaddhavāsarukkhamūle pana kadācipi na vaṭṭatīti evamettha vinicchayo veditabbo.
иман̃жа бана ад̇т̇ависзсам̣ г̇ахзд̇ваа бхаг̇авад̇аа батамамзва сигкаабад̣̇ам̣ бан̃н̃ад̇д̇анд̇и висум̣ анубан̃н̃ад̇д̇и на вуд̇д̇аа. д̇знзва хи маад̇игаадтагат̇ааяам̣ (ган̇каа. адта. батамасзнаасанасигкаабад̣̇аван̣н̣анаа) вуд̇д̇ам̣ ‘‘ид̇и яад̇т̇а жа яад̣̇аа жа сант̇арид̇ум̣ на ваддад̇и, д̇ам̣ саб̣б̣амид̇ха аж̇жхогаасасан̇камзва г̇ад̇а’’нд̇и. ат̇а ваа ависзсзна аж̇жхогаасз сант̇аран̣асант̇араабанаани бадигкибид̇ваа ‘‘ийд̣̇исз гаалз ийд̣̇исз жа бад̣̇зсз табзт̇аа’’д̇и ануж̇аананамад̇д̇знзва аланд̇и на сигкаабад̣̇з висум̣ анубан̃н̃ад̇д̇и уд̣̇д̇хадаад̇и взд̣̇ид̇аб̣б̣аа. бариваарз (бари. 65-67) бана имассзва сигкаабад̣̇асса ануруубавасзна бан̃н̃ад̇д̇ад̇д̇аа ‘‘згаа анубан̃н̃ад̇д̇ий’’д̇и вуд̇д̇ам̣.
Imañca pana atthavisesaṃ gahetvā bhagavatā paṭhamameva sikkhāpadaṃ paññattanti visuṃ anupaññatti na vuttā. Teneva hi mātikāṭṭhakathāyaṃ (kaṅkhā. aṭṭha. paṭhamasenāsanasikkhāpadavaṇṇanā) vuttaṃ ‘‘iti yattha ca yadā ca santharituṃ na vaṭṭati, taṃ sabbamidha ajjhokāsasaṅkhameva gata’’nti. Atha vā avisesena ajjhokāse santharaṇasantharāpanāni paṭikkhipitvā ‘‘īdise kāle īdise ca padese ṭhapethā’’ti anujānanamatteneva alanti na sikkhāpade visuṃ anupaññatti uddhaṭāti veditabbā. Parivāre (pari. 65-67) pana imasseva sikkhāpadassa anurūpavasena paññattattā ‘‘ekā anupaññattī’’ti vuttaṃ.
нававааяимо сийгхам̣ на нассад̇ийд̇и ааха ‘‘нававааяимо ваа’’д̇и. онад̣̇д̇хагод̇и жаммзна онад̣̇д̇хо. уггадтааб̣бхогаасигод̇и ид̣̇ам̣ д̇асса баривид̇аггад̣̇ассанамад̇д̇ам̣, уггадтааб̣бхогаасигасса бана жийварагуди на ваддад̇ийд̇и над̇т̇и. гааяаануг̇ад̇игад̇д̇аад̇и бхигкуно д̇ад̇т̇зва саннихид̇абхаавам̣ санд̇хааяа вуд̇д̇ам̣. иминаа жа д̇асмим̣язва гаалз анаабад̇д̇и вуд̇д̇аа, жийварагудид̇о нигкамид̇ваа бана ан̃н̃ад̇т̇а г̇ажчанд̇асса бин̣д̣ааяа бависанд̇ассаби аабад̇д̇иязва. ‘‘яасмаа бана д̣̇ааяагзхи д̣̇аанагаалзязва сахассаг̇гханагамби гамб̣алам̣ ‘баад̣̇абун̃чаним̣ гад̇ваа барибхун̃ж̇ат̇аа’д̇и д̣̇иннам̣ д̇ат̇зва барибхун̃ж̇ид̇ум̣ ваддад̇и, д̇асмаа ‘имам̣ ман̃жабийтаад̣̇исзнаасанам̣ аб̣бхогаасзби яат̇аасукам̣ барибхун̃ж̇ат̇аа’д̇и д̣̇ааяагзхи д̣̇иннам̣ жз, саб̣б̣асмимби гаалз аб̣бхогаасз нигкибид̇ум̣ ваддад̇ий’’д̇и вад̣̇анд̇и. бзсзд̇ваа г̇анд̇аб̣б̣анд̇и зд̇т̇а ‘‘яо бхигку имам̣ таанам̣ ааг̇анд̇ваа васад̇и, д̇асса д̣̇зт̇аа’’д̇и вад̇ваа бзсзд̇аб̣б̣ам̣.
Navavāyimo sīghaṃ na nassatīti āha ‘‘navavāyimo vā’’ti. Onaddhakoti cammena onaddho. Ukkaṭṭhaabbhokāsikoti idaṃ tassa parivitakkadassanamattaṃ, ukkaṭṭhaabbhokāsikassa pana cīvarakuṭi na vaṭṭatīti natthi. Kāyānugatikattāti bhikkhuno tattheva sannihitabhāvaṃ sandhāya vuttaṃ. Iminā ca tasmiṃyeva kāle anāpatti vuttā, cīvarakuṭito nikkhamitvā pana aññattha gacchantassa piṇḍāya pavisantassapi āpattiyeva. ‘‘Yasmā pana dāyakehi dānakāleyeva sahassagghanakampi kambalaṃ ‘pādapuñchaniṃ katvā paribhuñjathā’ti dinnaṃ tatheva paribhuñjituṃ vaṭṭati, tasmā ‘imaṃ mañcapīṭhādisenāsanaṃ abbhokāsepi yathāsukhaṃ paribhuñjathā’ti dāyakehi dinnaṃ ce, sabbasmimpi kāle abbhokāse nikkhipituṃ vaṭṭatī’’ti vadanti. Pesetvā gantabbanti ettha ‘‘yo bhikkhu imaṃ ṭhānaṃ āgantvā vasati, tassa dethā’’ti vatvā pesetabbaṃ.
валаахагаанам̣ анудтид̇абхаавам̣ саллагкзд̇ваад̇и иминаа жа г̇имхаанзби мзгхз удтид̇з ман̃жабийтаад̣̇им̣ яам̣гин̃жи сзнаасанам̣ аж̇жхогаасз нигкибид̇ум̣ на ваддад̇ийд̇и д̣̇ийбид̇анд̇и взд̣̇ид̇аб̣б̣ам̣. ‘‘баад̣̇адтаанаабхимукаад̇и нисийд̣̇анд̇аанам̣ баад̣̇абад̇анадтаанаабхимука’’нд̇и гзжи. ‘‘саммаж̇ж̇анд̇асса баад̣̇адтаанаабхимука’’нд̇и абарз. ‘‘б̣ахи ваалугааяа аг̇амананимид̇д̇ам̣ баад̣̇адтаанаабхимукаа ваалигаа харид̇аб̣б̣аад̇и вуд̇д̇а’’нд̇и згз . гажаварам̣ хад̇т̇зхи г̇ахзд̇ваа б̣ахи чаддзд̇аб̣б̣анд̇и иминаа гажаварам̣ чад̣д̣зссаамийд̇и ваалигаа на чад̣д̣зд̇аб̣б̣аад̇и д̣̇ийбзд̇и.
Valāhakānaṃ anuṭṭhitabhāvaṃ sallakkhetvāti iminā ca gimhānepi meghe uṭṭhite mañcapīṭhādiṃ yaṃkiñci senāsanaṃ ajjhokāse nikkhipituṃ na vaṭṭatīti dīpitanti veditabbaṃ. ‘‘Pādaṭṭhānābhimukhāti nisīdantānaṃ pādapatanaṭṭhānābhimukha’’nti keci. ‘‘Sammajjantassa pādaṭṭhānābhimukha’’nti apare. ‘‘Bahi vālukāya agamananimittaṃ pādaṭṭhānābhimukhā vālikā haritabbāti vutta’’nti eke . Kacavaraṃ hatthehi gahetvā bahi chaṭṭetabbanti iminā kacavaraṃ chaḍḍessāmīti vālikā na chaḍḍetabbāti dīpeti.
111. анд̇о сам̣взтзд̇ваа б̣ад̣̇д̇ханд̇и зрагабад̇д̇аад̣̇ийхи взн̣им̣ гад̇ваа д̇ааяа взн̣ияаа убхосу бассзсу вид̇т̇ад̇адтаанзсу б̣ахум̣ взтзд̇ваа д̇ад̇о бадтааяа яаава маж̇жхадтаанам̣, д̇аава анд̇о аагад̣дханавасзна взтзд̇ваа маж̇жхз сан̇кибид̇ваа д̇ирияам̣ д̇ад̇т̇а д̇ад̇т̇а б̣анд̇хид̇ваа гад̇ам̣. габбам̣ лабхид̇ваад̇и г̇ажчаад̇и вуд̇д̇аважанзна габбам̣ лабхид̇ваа. т̇зрасса хи аан̣ад̇д̇ияаа г̇ажчанд̇асса анаабад̇д̇и. буриманаязнзваад̇и ‘‘нисийд̣̇ид̇ваа саяам̣ г̇ажчанд̇о’’д̇иаад̣̇инаа буб̣б̣з вуд̇д̇анаязнзва. ан̃н̃ад̇т̇а г̇ажчад̇ийд̇и д̇ам̣ маг̇г̇ам̣ ад̇иггамид̇ваа ан̃н̃ад̇т̇а г̇ажчад̇и. лзд̣д̣убаад̇убажаарад̇о б̣ахи тид̇ад̇д̇аа ‘‘баад̣̇уд̣̇д̇хаарзна гаарзд̇аб̣б̣о’’д̇и вуд̇д̇ам̣, ан̃н̃ад̇т̇а г̇ажчанд̇асса батамабаад̣̇уд̣̇д̇хаарз д̣̇уггадам̣, д̣̇уд̇ияабаад̣̇уд̣̇д̇хаарз баажид̇д̇ияанд̇и ад̇т̇о. баагад̇игам̣ агад̇ваад̇и аббадисаамзд̇ваа. анд̇арасаннибаад̇зд̇и анд̇аранд̇араа саннибаад̇з.
111.Anto saṃveṭhetvā baddhanti erakapattādīhi veṇiṃ katvā tāya veṇiyā ubhosu passesu vitthataṭṭhānesu bahuṃ veṭhetvā tato paṭṭhāya yāva majjhaṭṭhānaṃ, tāva anto ākaḍḍhanavasena veṭhetvā majjhe saṅkhipitvā tiriyaṃ tattha tattha bandhitvā kataṃ. Kappaṃ labhitvāti gacchāti vuttavacanena kappaṃ labhitvā. Therassa hi āṇattiyā gacchantassa anāpatti. Purimanayenevāti ‘‘nisīditvā sayaṃ gacchanto’’tiādinā pubbe vuttanayeneva. Aññattha gacchatīti taṃ maggaṃ atikkamitvā aññattha gacchati. Leḍḍupātupacārato bahi ṭhitattā ‘‘pāduddhārena kāretabbo’’ti vuttaṃ, aññattha gacchantassa paṭhamapāduddhāre dukkaṭaṃ, dutiyapāduddhāre pācittiyanti attho. Pākatikaṃ akatvāti appaṭisāmetvā. Antarasannipāteti antarantarā sannipāte.
ааваасигаанам̣язва балиб̣од̇ход̇и зд̇т̇а ааг̇анд̇угзхи ааг̇анд̇ваа гин̃жи авад̇ваа д̇ад̇т̇а нисиннзби ааваасигаанам̣язва балиб̣од̇ход̇и ад̇хиббааяо. махаабажжариваад̣̇з бана ‘‘ан̃н̃зсу ааг̇анд̇ваа нисиннзсуу’’д̇и ид̣̇ам̣ амхааганд̇и вад̇ваа ваа авад̇ваа ваа нисиннзсууд̇и ад̇хиббааяо. махааадтагат̇ааваад̣̇з ‘‘аабад̇д̇ий’’д̇и баажид̇д̇ияамзва вуд̇д̇ам̣. махаабажжарияам̣ бана сант̇аран̣асант̇араабанз сад̇и баажид̇д̇иязна бхавид̇аб̣б̣анд̇и анаан̣ад̇д̇ияаа бан̃н̃ад̇д̇ад̇д̇аа д̣̇уггадам̣ вуд̇д̇ам̣. ‘‘ид̣̇ам̣ уссаарагасса, ид̣̇ам̣ д̇хаммагат̇игассаа’’д̇и висум̣ бан̃н̃ад̇д̇ад̇д̇аа анаан̣ад̇д̇ияаа бан̃н̃ад̇д̇зби баажид̇д̇иязнзва бхавид̇аб̣б̣анд̇и ад̇хиббааязна ‘‘д̇асмим̣ ааг̇анд̇ваа нисиннз д̇асса балиб̣од̇хо’’д̇и вуд̇д̇ам̣. гзжи бана вад̣̇анд̇и ‘‘анаан̣ад̇д̇ияаа бан̃н̃ад̇д̇зби д̇хаммагат̇игасса анудтаабанийяад̇д̇аа баажид̇д̇иязна бхавид̇аб̣б̣ам̣, ааг̇анд̇угасса бана бажчаа ааг̇ад̇зхи вуд̣дхад̇арзхи удтаабзд̇аб̣б̣ад̇д̇аа д̣̇уггадам̣ вуд̇д̇а’’нд̇и.
Āvāsikānaṃyeva palibodhoti ettha āgantukehi āgantvā kiñci avatvā tattha nisinnepi āvāsikānaṃyeva palibodhoti adhippāyo. Mahāpaccarivāde pana ‘‘aññesu āgantvā nisinnesū’’ti idaṃ amhākanti vatvā vā avatvā vā nisinnesūti adhippāyo. Mahāaṭṭhakathāvāde ‘‘āpattī’’ti pācittiyameva vuttaṃ. Mahāpaccariyaṃ pana santharaṇasantharāpane sati pācittiyena bhavitabbanti anāṇattiyā paññattattā dukkaṭaṃ vuttaṃ. ‘‘Idaṃ ussārakassa, idaṃ dhammakathikassā’’ti visuṃ paññattattā anāṇattiyā paññattepi pācittiyeneva bhavitabbanti adhippāyena ‘‘tasmiṃ āgantvā nisinne tassa palibodho’’ti vuttaṃ. Keci pana vadanti ‘‘anāṇattiyā paññattepi dhammakathikassa anuṭṭhāpanīyattā pācittiyena bhavitabbaṃ, āgantukassa pana pacchā āgatehi vuḍḍhatarehi uṭṭhāpetabbattā dukkaṭaṃ vutta’’nti.
112. бхуумияам̣ ад̇т̇арид̇аб̣б̣аад̇и жимилигааяа сад̇и д̇ассаа убари, асад̇и суд̣̇д̇хабхуумияам̣ ад̇т̇арид̇аб̣б̣аа. сийхажаммаад̣̇ийнам̣ барихаран̣зязва бадигкзбо взд̣̇ид̇аб̣б̣од̇и иминаа –
112.Bhūmiyaṃ attharitabbāti cimilikāya sati tassā upari, asati suddhabhūmiyaṃ attharitabbā. Sīhacammādīnaṃ pariharaṇeyeva paṭikkhepo veditabboti iminā –
‘‘на , бхигкавз, махаажаммаани д̇хаарзд̇аб̣б̣аани сийхажаммам̣ б̣яаг̇гхажаммам̣ д̣̇ийбижаммам̣, яо д̇хаарзяяа, аабад̇д̇и д̣̇уггадассаа’’д̇и (махаава. 255) –
‘‘Na , bhikkhave, mahācammāni dhāretabbāni sīhacammaṃ byagghacammaṃ dīpicammaṃ, yo dhāreyya, āpatti dukkaṭassā’’ti (mahāva. 255) –
звам̣ вуд̇д̇ааяа канд̇хагабаал̣ияаа ад̇хиббааяам̣ вибхаавзд̇и. ид̣̇ам̣ вуд̇д̇ам̣ ход̇и – ‘‘анд̇оби ман̃жз бан̃н̃ад̇д̇аани хонд̇и, б̣ахиби ман̃жз бан̃н̃ад̇д̇аани хонд̇ий’’д̇и имасмим̣ вад̇т̇усмим̣ сигкаабад̣̇асса бан̃н̃ад̇д̇ад̇д̇аа ман̃жабийтзсу ад̇т̇арид̇ваа барибхог̇оязва бадигкид̇д̇о, бхуумад̇т̇аран̣авасзна барибхог̇о бана аббадигкид̇д̇од̇и. яад̣̇и звам̣ ‘‘барихаран̣зязва бадигкзбо’’д̇и ид̣̇ам̣ гасмаа вуд̇д̇анд̇и? яат̇аа ‘‘ануж̇аанаами, бхигкавз, саб̣б̣ам̣ баасаад̣̇абарибхог̇а’’нд̇и (жуул̣ава. 320) важанад̇о буг̇г̇алигзби сзнаасанз сзнаасанабарибхог̇авасзна нияамид̇ам̣ суван̣н̣агхадаад̣̇игам̣ барибхун̃ж̇ид̇ум̣ ваддамаанамби гзвалам̣ ад̇д̇ано санд̇агам̣ гад̇ваа барибхун̃ж̇ид̇ум̣ на ваддад̇и, звамид̣̇ам̣ бхуумад̇т̇аран̣авасзна барибхун̃ж̇ияамаанамби ад̇д̇ано санд̇агам̣ гад̇ваа д̇ам̣ д̇ам̣ вихаарам̣ харид̇ваа барибхун̃ж̇ид̇ум̣ на ваддад̇ийд̇и д̣̇ассанад̇т̇ам̣ ‘‘барихаран̣зязва бадигкзбо взд̣̇ид̇аб̣б̣о’’д̇и вуд̇д̇ам̣. д̣̇аарумаяабийтанд̇и палагамаяамзва бийтам̣ вуд̇д̇ам̣. баад̣̇агат̇алиганд̇и ад̇ход̇абаад̣̇адтабанагам̣. аж̇жхогаасз раж̇анам̣ бажид̇ваа…бз… бадисаамзд̇аб̣б̣анд̇и зд̇т̇а т̇звз асад̇и раж̇анагаммз нидтид̇з бадисаамзд̇аб̣б̣ам̣.
Evaṃ vuttāya khandhakapāḷiyā adhippāyaṃ vibhāveti. Idaṃ vuttaṃ hoti – ‘‘antopi mañce paññattāni honti, bahipi mañce paññattāni hontī’’ti imasmiṃ vatthusmiṃ sikkhāpadassa paññattattā mañcapīṭhesu attharitvā paribhogoyeva paṭikkhitto, bhūmattharaṇavasena paribhogo pana appaṭikkhittoti. Yadi evaṃ ‘‘pariharaṇeyeva paṭikkhepo’’ti idaṃ kasmā vuttanti? Yathā ‘‘anujānāmi, bhikkhave, sabbaṃ pāsādaparibhoga’’nti (cūḷava. 320) vacanato puggalikepi senāsane senāsanaparibhogavasena niyamitaṃ suvaṇṇaghaṭādikaṃ paribhuñjituṃ vaṭṭamānampi kevalaṃ attano santakaṃ katvā paribhuñjituṃ na vaṭṭati, evamidaṃ bhūmattharaṇavasena paribhuñjiyamānampi attano santakaṃ katvā taṃ taṃ vihāraṃ haritvā paribhuñjituṃ na vaṭṭatīti dassanatthaṃ ‘‘pariharaṇeyeva paṭikkhepo veditabbo’’ti vuttaṃ. Dārumayapīṭhanti phalakamayameva pīṭhaṃ vuttaṃ. Pādakathalikanti adhotapādaṭṭhapanakaṃ. Ajjhokāse rajanaṃ pacitvā…pe… paṭisāmetabbanti ettha theve asati rajanakamme niṭṭhite paṭisāmetabbaṃ.
113. ‘‘бхигку ваа сааман̣зро ваа аараамиго ваа лаж̇ж̇ий ход̇ийд̇и вуд̇д̇ад̇д̇аа алаж̇ж̇им̣ аабужчид̇ваа г̇анд̇ум̣ на ваддад̇ий’’д̇и вад̣̇анд̇и. од̇аабзнд̇о г̇ажчад̇ийд̇и зд̇т̇а ‘‘гин̃жааби ‘зд̇д̇агам̣ д̣̇уурам̣ г̇анд̇аб̣б̣а’нд̇и барижчзд̣̇о над̇т̇и, д̇ат̇ааби лзд̣д̣убаад̇ам̣ ад̇иггамма наад̇ид̣̇уурам̣ г̇анд̇аб̣б̣а’’нд̇и вад̣̇анд̇и. сзсамзд̇т̇а уд̇д̇аанамзва. ман̃жаад̣̇ийнам̣ сан̇гхигад̇аа, вуд̇д̇алагкан̣з д̣̇зсз сант̇аран̣ам̣ ваа сант̇араабанам̣ ваа, абалиб̣уд̣̇д̇хад̇аа, аабад̣̇ааяа абхааво, лзд̣д̣убаад̇аад̇иггамод̇и имаани банзд̇т̇а бан̃жа ан̇г̇аани.
113.‘‘Bhikkhu vā sāmaṇero vā ārāmiko vā lajjī hotīti vuttattā alajjiṃ āpucchitvā gantuṃ na vaṭṭatī’’ti vadanti. Otāpento gacchatīti ettha ‘‘kiñcāpi ‘ettakaṃ dūraṃ gantabba’nti paricchedo natthi, tathāpi leḍḍupātaṃ atikkamma nātidūraṃ gantabba’’nti vadanti. Sesamettha uttānameva. Mañcādīnaṃ saṅghikatā, vuttalakkhaṇe dese santharaṇaṃ vā santharāpanaṃ vā, apalibuddhatā, āpadāya abhāvo, leḍḍupātātikkamoti imāni panettha pañca aṅgāni.
маад̇игаадтагат̇ааяам̣ (ган̇каа. адта. батамасзнаасанасигкаабад̣̇аван̣н̣анаа) бана анаабужчам̣ ваа г̇ажчзяяаад̇и зд̇т̇а ‘‘яо бхигку ваа сааман̣зро ваа аараамиго ваа лаж̇ж̇ий ход̇и, ад̇д̇ано балиб̣од̇хам̣ вияа ман̃н̃ад̇и, д̇ат̇ааруубам̣ анаабужчид̇ваа д̇ам̣ сзнаасанам̣ д̇асса анияяаад̇зд̇ваа нирабзгко г̇ажчад̇и, т̇аамамаж̇жхимасса бурисасса лзд̣д̣убаад̇ам̣ ад̇иггамзяяа, згзна баад̣̇зна лзд̣д̣убаад̇аад̇иггамз д̣̇уггадам̣, д̣̇уд̇ияабаад̣̇аад̇иггамз баажид̇д̇ияа’’нд̇и вад̇ваа ан̇г̇зсуби нирабзгкад̇ааяа сад̣̇д̇хим̣ ча ан̇г̇аани вуд̇д̇аани. баал̣ияам̣ бана адтагат̇ааяан̃жа ‘‘нирабзгко г̇ажчад̇ий’’д̇и аяам̣ висзсо на д̣̇иссад̇и. ‘‘од̇аабзнд̇о г̇ажчад̇ий’’д̇и жа од̇аабанависаяз зва саабзгкаг̇аманз анаабад̇д̇и вуд̇д̇аа. яад̣̇и ан̃н̃ад̇т̇ааби саабзгкаг̇аманз анаабад̇д̇и сияаа, ‘‘анаабад̇д̇и саабзгко г̇ажчад̇ий’’д̇и ависзсзна вад̇д̇аб̣б̣ам̣ бхавзяяа, д̇асмаа виймам̣сид̇ваа яуд̇д̇ад̇арам̣ г̇ахзд̇аб̣б̣анд̇и.
Mātikāṭṭhakathāyaṃ (kaṅkhā. aṭṭha. paṭhamasenāsanasikkhāpadavaṇṇanā) pana anāpucchaṃ vā gaccheyyāti ettha ‘‘yo bhikkhu vā sāmaṇero vā ārāmiko vā lajjī hoti, attano palibodhaṃ viya maññati, tathārūpaṃ anāpucchitvā taṃ senāsanaṃ tassa aniyyātetvā nirapekkho gacchati, thāmamajjhimassa purisassa leḍḍupātaṃ atikkameyya, ekena pādena leḍḍupātātikkame dukkaṭaṃ, dutiyapādātikkame pācittiya’’nti vatvā aṅgesupi nirapekkhatāya saddhiṃ cha aṅgāni vuttāni. Pāḷiyaṃ pana aṭṭhakathāyañca ‘‘nirapekkho gacchatī’’ti ayaṃ viseso na dissati. ‘‘Otāpento gacchatī’’ti ca otāpanavisaye eva sāpekkhagamane anāpatti vuttā. Yadi aññatthāpi sāpekkhagamane anāpatti siyā, ‘‘anāpatti sāpekkho gacchatī’’ti avisesena vattabbaṃ bhaveyya, tasmā vīmaṃsitvā yuttataraṃ gahetabbanti.
батамасзнаасанасигкаабад̣̇аван̣н̣анаа нидтид̇аа.
Paṭhamasenāsanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. батамасзнаасанасигкаабад̣̇ам̣ • 4. Paṭhamasenāsanasikkhāpadaṃ
