| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. батамасзнаасанасигкаабад̣̇аван̣н̣анаа
4. Paṭhamasenāsanasikkhāpadavaṇṇanā
110. ‘‘зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇ий’’д̇и важанад̇о, бариваарз ‘‘згаа бан̃н̃ад̇д̇и, згаа анубан̃н̃ад̇д̇ий’’д̇и (бари. 226) важанад̇о жа ид̇ха ад̇т̇и анубан̃н̃ад̇д̇ийд̇и сид̣̇д̇хам̣. гин̃жааби сид̣̇д̇хам̣, ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇аа’’д̇иаад̣̇инаа бана бан̃н̃ад̇д̇идтаанам̣ на бан̃н̃ааяад̇и, гзвалам̣ ‘‘ануж̇аанаами, бхигкавз, адтамаасз…бз… нигкибид̇у’’нд̇и зд̇д̇агамзва вуд̇д̇ам̣, д̇ам̣ гасмаад̇и жз? батамабан̃н̃ад̇д̇ияам̣ вуд̇д̇анаязнзва вад̇д̇аб̣б̣ад̇о ависзсад̇д̇аа на вуд̇д̇ам̣. яад̣̇и звам̣ гаа зд̇т̇а анубан̃н̃ад̇д̇ийд̇и? аж̇жхогаасзд̇и. аяаманубан̃н̃ад̇д̇и бан̃н̃ад̇д̇ияамби ад̇т̇ийд̇и жз? ад̇т̇и, д̇ам̣ бана огаасамад̇д̇ад̣̇ийбанам̣, д̣̇уд̇ияам̣ жаад̇увассигамаасасан̇каад̇агаалад̣̇ийбанам̣. яасмаа убхаяамби згам̣ гаалогаасам̣ згад̇о гад̇ваа ‘‘аж̇жхогаасз’’д̇и вуд̇д̇анд̇и д̣̇ийбзнд̇о бхаг̇аваа ‘‘ануж̇аанаами, бхигкавз…бз… нигкибид̇у’’нд̇и аахаад̇и взд̣̇ид̇аб̣б̣ам̣. д̇знзва маад̇игаадтагат̇ааяам̣ (ган̇каа. адта. батамасзнаасанасигкаабад̣̇аван̣н̣анаа) вуд̇д̇ам̣ ‘‘яад̇т̇а жа яад̣̇аа жа сант̇арид̇ум̣ на ваддад̇и, д̇ам̣ саб̣б̣амид̇ха аж̇жхогаасасан̇кяамзва г̇ад̇анд̇и взд̣̇ид̇аб̣б̣а’’нд̇и. хзманд̇агааласса анаабад̇д̇исамаяад̇д̇аа ид̣̇ам̣ сигкаабад̣̇ам̣ нид̣̇аанаанабзгканд̇и сид̣̇д̇хам̣, д̇ат̇аа хи аж̇жхогаасабад̣̇асаамад̇т̇иязна аяам̣ висзсо – вассаанагаалз овассагадтаанз аж̇жхогаасз, ман̣д̣абаад̣̇имхи жа на ваддад̇и. хзманд̇агаалз багад̇иаж̇жхогаасз на ваддад̇и, саб̣б̣амид̇ха овассагзби ман̣д̣абаад̣̇имхи ваддад̇и, д̇ан̃жа ко яад̇т̇а химавассзна сзнаасанам̣ на д̇змзд̇и, г̇имхагаалз багад̇иаж̇жхогаасзби ваддад̇и, д̇ан̃жа ко агааламзгхаад̣̇ассанзязваад̇и аяам̣ висзсо ‘‘адта маасз’’д̇и жа ‘‘авассигасан̇гзд̇з’’д̇и жа зд̇зсам̣ д̣̇виннам̣ бад̣̇аанам̣ саамад̇т̇ияад̇оби сид̣̇д̇хо.
110. ‘‘Evañcidaṃ bhagavatā bhikkhūnaṃ sikkhāpadaṃ paññattaṃ hotī’’ti vacanato, parivāre ‘‘ekā paññatti, ekā anupaññattī’’ti (pari. 226) vacanato ca idha atthi anupaññattīti siddhaṃ. Kiñcāpi siddhaṃ, ‘‘evañca pana, bhikkhave, imaṃ sikkhāpadaṃ uddiseyyāthā’’tiādinā pana paññattiṭṭhānaṃ na paññāyati, kevalaṃ ‘‘anujānāmi, bhikkhave, aṭṭhamāse…pe… nikkhipitu’’nti ettakameva vuttaṃ, taṃ kasmāti ce? Paṭhamapaññattiyaṃ vuttanayeneva vattabbato avisesattā na vuttaṃ. Yadi evaṃ kā ettha anupaññattīti? Ajjhokāseti. Ayamanupaññatti paññattiyampi atthīti ce? Atthi, taṃ pana okāsamattadīpanaṃ, dutiyaṃ cātuvassikamāsasaṅkhātakāladīpanaṃ. Yasmā ubhayampi ekaṃ kālokāsaṃ ekato katvā ‘‘ajjhokāse’’ti vuttanti dīpento bhagavā ‘‘anujānāmi, bhikkhave…pe… nikkhipitu’’nti āhāti veditabbaṃ. Teneva mātikāṭṭhakathāyaṃ (kaṅkhā. aṭṭha. paṭhamasenāsanasikkhāpadavaṇṇanā) vuttaṃ ‘‘yattha ca yadā ca santharituṃ na vaṭṭati, taṃ sabbamidha ajjhokāsasaṅkhyameva gatanti veditabba’’nti. Hemantakālassa anāpattisamayattā idaṃ sikkhāpadaṃ nidānānapekkhanti siddhaṃ, tathā hi ajjhokāsapadasāmatthiyena ayaṃ viseso – vassānakāle ovassakaṭṭhāne ajjhokāse, maṇḍapādimhi ca na vaṭṭati. Hemantakāle pakatiajjhokāse na vaṭṭati, sabbamidha ovassakepi maṇḍapādimhi vaṭṭati, tañca kho yattha himavassena senāsanaṃ na temeti, gimhakāle pakatiajjhokāsepi vaṭṭati, tañca kho akālameghādassaneyevāti ayaṃ viseso ‘‘aṭṭha māse’’ti ca ‘‘avassikasaṅkete’’ti ca etesaṃ dvinnaṃ padānaṃ sāmatthiyatopi siddho.
гин̃жа бхияяо – адтагат̇ааяам̣ санд̣̇ассид̇ависзсова. жаммаад̣̇инаа онад̣̇д̇хаго ваа нававааяимо ваа на сийгхам̣ винассад̇и. гааяаануг̇ад̇игад̇д̇аад̇и гааяз яад̇т̇а, д̇ад̇т̇а г̇ад̇ад̇д̇аа. сан̇гхигаман̃жаад̣̇имхи гааяам̣ пусаабзд̇ваа вихарид̇ум̣ на ваддад̇ийд̇и д̇хаммасирид̇т̇зро. ‘‘сан̇гхигам̣ бана ‘аж̇жхогаасабарибхог̇зна барибхун̃ж̇ат̇а, бханд̇з, яат̇аасука’нд̇и д̣̇ааяагаа д̣̇знд̇и сзнаасанам̣, зваруубз анаабад̇д̇ий’’д̇и анд̇хагадтагат̇ааяам̣ важанад̇о, ид̇ха жа бадигкзбаабхаавад̇о ваддад̇и. ‘‘ан̃н̃ан̃жа зваруубанд̇и абарз’’д̇и вуд̇д̇ам̣. ‘‘баад̣̇адтаанаабхимукаад̇и нисийд̣̇анд̇асса баад̣̇абад̇анадтаанаабхимукаа’’д̇и ликид̇ам̣. саммаж̇ж̇анд̇асса баад̣̇адтаанаабхимуканд̇и аажарияасса д̇агго.
Kiñca bhiyyo – aṭṭhakathāyaṃ sandassitavisesova. Cammādinā onaddhako vā navavāyimo vā na sīghaṃ vinassati. Kāyānugatikattāti kāye yattha, tattha gatattā. Saṅghikamañcādimhi kāyaṃ phusāpetvā viharituṃ na vaṭṭatīti dhammasiritthero. ‘‘Saṅghikaṃ pana ‘ajjhokāsaparibhogena paribhuñjatha, bhante, yathāsukha’nti dāyakā denti senāsanaṃ, evarūpe anāpattī’’ti andhakaṭṭhakathāyaṃ vacanato, idha ca paṭikkhepābhāvato vaṭṭati. ‘‘Aññañca evarūpanti apare’’ti vuttaṃ. ‘‘Pādaṭṭhānābhimukhāti nisīdantassa pādapatanaṭṭhānābhimukhā’’ti likhitaṃ. Sammajjantassa pādaṭṭhānābhimukhanti ācariyassa takko.
111. ‘‘баад̣̇уд̣̇д̇хаарзнаад̇и б̣ахиубажаарз тид̇ад̇д̇аа’’д̇и ликид̇ам̣. г̇ажчанд̇и, д̣̇уггадам̣ д̇хаммагат̇игасса вияа. гасмаа на баажид̇д̇ияам̣? бажчаа ааг̇ад̇зхи вуд̣дхад̇арзхи удтаабзд̇ваа г̇ахзд̇аб̣б̣ад̇о. д̇хаммагат̇игасса бана анудтабзд̇аб̣б̣ад̇д̇аа. ‘‘анаан̣ад̇д̇ияаа бан̃н̃ад̇д̇ияамби д̇асса бхааро’’д̇и вуд̇д̇ам̣.
111.‘‘Pāduddhārenāti bahiupacāre ṭhitattā’’ti likhitaṃ. Gacchanti, dukkaṭaṃ dhammakathikassa viya. Kasmā na pācittiyaṃ? Pacchā āgatehi vuḍḍhatarehi uṭṭhāpetvā gahetabbato. Dhammakathikassa pana anuṭṭhapetabbattā. ‘‘Anāṇattiyā paññattiyampi tassa bhāro’’ti vuttaṃ.
112. барихаран̣зязваад̇и зд̇т̇а г̇ахзд̇ваа вижааран̣зд̇и д̇хаммасирид̇т̇зро. ад̇д̇ано санд̇агагаран̣зд̇и убад̇иссад̇т̇зро. б̣ийж̇анийбад̇д̇агам̣ жад̇урассаб̣ийж̇аний.
112.Pariharaṇeyevāti ettha gahetvā vicāraṇeti dhammasiritthero. Attano santakakaraṇeti upatissatthero. Bījanīpattakaṃ caturassabījanī.
113. ‘‘яо бхигку ваа сааман̣зро ваа…бз… лаж̇ж̇ий ход̇ий’д̇и вуд̇д̇ад̇д̇аа алаж̇ж̇им̣ аабужчид̇ваа г̇анд̇ум̣ на ваддад̇ий’’д̇и вад̣̇анд̇и. баатз ‘‘гзнажи балиб̣уд̣̇д̇хам̣ ход̇ий’’д̇и жа адтагат̇ааяам̣ ‘‘балиб̣уд̣̇д̇ха’’нд̇и жа сзнаасанам̣язва санд̇хааяа вуд̇д̇ам̣, д̇асмаа д̇ат̇ааби ад̇т̇ийд̇и г̇ахзд̇аб̣б̣ам̣. ‘‘анаабужчам̣ ваа’’д̇и баато.
113. ‘‘Yo bhikkhu vā sāmaṇero vā…pe… lajjī hotī’ti vuttattā alajjiṃ āpucchitvā gantuṃ na vaṭṭatī’’ti vadanti. Pāṭhe ‘‘kenaci palibuddhaṃ hotī’’ti ca aṭṭhakathāyaṃ ‘‘palibuddha’’nti ca senāsanaṃyeva sandhāya vuttaṃ, tasmā tathāpi atthīti gahetabbaṃ. ‘‘Anāpucchaṃ vā’’ti pāṭho.
батамасзнаасанасигкаабад̣̇аван̣н̣анаа нидтид̇аа.
Paṭhamasenāsanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. батамасзнаасанасигкаабад̣̇ам̣ • 4. Paṭhamasenāsanasikkhāpadaṃ
