| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. батамасзнаасанасигкаабад̣̇аван̣н̣анаа
4. Paṭhamasenāsanasikkhāpadavaṇṇanā
110. жад̇уд̇т̇з абан̃н̃аад̇зд̇и аббасид̣̇д̇хз. имам̣ бана адта маасз ман̣д̣абаад̣̇ийсу табанасан̇каад̇ам̣ ад̇т̇ависзсам̣ г̇ахзд̇ваа бхаг̇авад̇аа батамамзва сигкаабад̣̇ам̣ бан̃н̃ад̇д̇анд̇и ад̇хиббааяам̣ ‘‘ануж̇аанаами, бхигкавз, адтамаасз’’д̇иаад̣̇иважанзна анубан̃н̃ад̇д̇исад̣̇исзна багаасзд̇ваа висум̣ анубан̃н̃ад̇д̇и на вуд̇д̇аа. бариваарз банзд̇ам̣ ануж̇аананаважанам̣ анубан̃н̃ад̇д̇идтаананд̇и ‘‘згаа анубан̃н̃ад̇д̇ий’’д̇и (бари. 65-67) вуд̇д̇ам̣.
110. Catutthe apaññāteti appasiddhe. Imaṃ pana aṭṭha māse maṇḍapādīsu ṭhapanasaṅkhātaṃ atthavisesaṃ gahetvā bhagavatā paṭhamameva sikkhāpadaṃ paññattanti adhippāyaṃ ‘‘anujānāmi, bhikkhave, aṭṭhamāse’’tiādivacanena anupaññattisadisena pakāsetvā visuṃ anupaññatti na vuttā. Parivāre panetaṃ anujānanavacanaṃ anupaññattiṭṭhānanti ‘‘ekā anupaññattī’’ti (pari. 65-67) vuttaṃ.
нававааяимод̇и ад̇хунаа суд̇д̇зна вийд̇агажчзна баливзтид̇аман̃жо. онад̣̇д̇ход̇и габбияажаммзна онад̣̇д̇хо. д̇з хи вассзна сийгхам̣ на нассанд̇и. ‘‘уггадтааб̣бхогаасиго’’д̇и ид̣̇ам̣ д̇асса сукабадибад̇д̇ид̣̇ассанамад̇д̇ам̣, уггадтассааби бана жийварагуди ваддад̇зва. гааяаануг̇ад̇игад̇д̇аад̇и бхигкуно д̇ад̇т̇зва нисийд̣̇анабхаавам̣ д̣̇ийбзд̇и, д̇зна жа вассабхаязна саяам̣ ан̃н̃ад̇т̇а г̇ажчанд̇асса аабад̇д̇ийд̇и д̣̇ассзд̇и . аб̣бхогаасигаанам̣ д̇зманад̇т̇ааяа нияамзд̇ваа д̣̇ааяагзхи д̣̇иннамби ад̇д̇аанам̣ рагканд̇зна рагкид̇аб̣б̣амзва.
Navavāyimoti adhunā suttena vītakacchena paliveṭhitamañco. Onaddhoti kappiyacammena onaddho. Te hi vassena sīghaṃ na nassanti. ‘‘Ukkaṭṭhaabbhokāsiko’’ti idaṃ tassa sukhapaṭipattidassanamattaṃ, ukkaṭṭhassāpi pana cīvarakuṭi vaṭṭateva. Kāyānugatikattāti bhikkhuno tattheva nisīdanabhāvaṃ dīpeti, tena ca vassabhayena sayaṃ aññattha gacchantassa āpattīti dasseti . Abbhokāsikānaṃ temanatthāya niyametvā dāyakehi dinnampi attānaṃ rakkhantena rakkhitabbameva.
‘‘валаахагаанам̣ анудтид̇абхаавам̣ саллагкзд̇ваа’’д̇и иминаа г̇имхаанзби мзгхз удтид̇з аб̣бхогаасз нигкибид̇ум̣ на ваддад̇ийд̇и д̣̇ийбзд̇и. д̇ад̇ра д̇ад̇раад̇и жзд̇ияан̇г̇ан̣аад̣̇игз д̇асмим̣ д̇асмим̣ аб̣бхогаасз нияамзд̇ваа нигкид̇д̇аа. маж̇жхад̇о бадтааяа баад̣̇адтаанаабхимукаад̇и яад̇т̇а саманд̇ад̇о саммаж̇ж̇ид̇ваа ан̇г̇ан̣амаж̇жхз саб̣б̣ад̣̇аа гажаварасса сан̇гад̣дханзна маж̇жхз ваалигаа сан̃жид̇аа ход̇и. д̇ад̇т̇а гад̇д̇аб̣б̣авид̇хид̣̇ассанад̇т̇ам̣ вуд̇д̇ам̣. ужжавад̇т̇убаад̣̇адтаанаабхимукам̣ ваа ваалигаа харид̇аб̣б̣аа. яад̇т̇а ваа бана гон̣зсу ваалигаа сан̃жид̇аа, д̇ад̇т̇а д̇ад̇о бадтааяа абарад̣̇исаабхимукаа харид̇аб̣б̣аад̇и гзжи ад̇т̇ам̣ вад̣̇анд̇и. гзжи бана ‘‘саммадтадтаанасса бад̣̇авал̣ан̃ж̇зна авигобанад̇т̇ааяа саяам̣ асаммадтадтаанз тад̇ваа ад̇д̇ано баад̣̇аабхимукам̣ ваалигаа харид̇аб̣б̣аад̇и вуд̇д̇а’’нд̇и вад̣̇анд̇и, д̇ад̇т̇а ‘‘маж̇жхад̇о бадтааяаа’’д̇и важанасса баяож̇анам̣ на д̣̇иссад̇и.
‘‘Valāhakānaṃ anuṭṭhitabhāvaṃ sallakkhetvā’’ti iminā gimhānepi meghe uṭṭhite abbhokāse nikkhipituṃ na vaṭṭatīti dīpeti. Tatra tatrāti cetiyaṅgaṇādike tasmiṃ tasmiṃ abbhokāse niyametvā nikkhittā. Majjhato paṭṭhāya pādaṭṭhānābhimukhāti yattha samantato sammajjitvā aṅgaṇamajjhe sabbadā kacavarassa saṅkaḍḍhanena majjhe vālikā sañcitā hoti. Tattha kattabbavidhidassanatthaṃ vuttaṃ. Uccavatthupādaṭṭhānābhimukhaṃ vā vālikā haritabbā. Yattha vā pana koṇesu vālikā sañcitā, tattha tato paṭṭhāya aparadisābhimukhā haritabbāti keci atthaṃ vadanti. Keci pana ‘‘sammaṭṭhaṭṭhānassa padavaḷañjena avikopanatthāya sayaṃ asammaṭṭhaṭṭhāne ṭhatvā attano pādābhimukhaṃ vālikā haritabbāti vutta’’nti vadanti, tattha ‘‘majjhato paṭṭhāyā’’ti vacanassa payojanaṃ na dissati.
111. ван̇габаад̣̇ад̇аамад̇д̇зна гул̣ийрабаад̣̇агасса сзсзхи висзсо, на аданийсу баад̣̇аббавзсанависзсзнаад̇и д̣̇ассзд̇ум̣ ‘‘яо ваа бана гожий’’д̇иаад̣̇и вуд̇д̇ам̣. д̇ассаад̇и убасамбаннассзва.
111. Vaṅkapādatāmattena kuḷīrapādakassa sesehi viseso, na aṭanīsu pādappavesanavisesenāti dassetuṃ ‘‘yo vā pana kocī’’tiādi vuttaṃ. Tassāti upasampannasseva.
нисийд̣̇ид̇ваа…бз… баажид̇д̇ияанд̇и зд̇т̇а мзгхудтаанаабхаавам̣ н̃ад̇ваа ‘‘бажчаа ааг̇анд̇ваа уд̣̇д̇хариссаамий’’д̇и аабхог̇зна г̇ажчанд̇асса анаабад̇д̇и, д̇зна бунааг̇анд̇аб̣б̣амзва. габбам̣ лабхид̇ваад̇и ‘‘г̇ажча, маа ид̇ха д̇идтаа’’д̇и вуд̇д̇аважанам̣ лабхид̇ваа.
Nisīditvā…pe… pācittiyanti ettha meghuṭṭhānābhāvaṃ ñatvā ‘‘pacchā āgantvā uddharissāmī’’ti ābhogena gacchantassa anāpatti, tena punāgantabbameva. Kappaṃ labhitvāti ‘‘gaccha, mā idha tiṭṭhā’’ti vuttavacanaṃ labhitvā.
ааваасигаанам̣язва балиб̣од̇ход̇и ааг̇анд̇угзсу гин̃жи авад̇ваа нисийд̣̇ид̇ваа ‘‘ааваасигаа зва уд̣̇д̇хариссанд̇ий’’д̇и г̇ад̇зсуби ааваасигаанамзва балиб̣од̇хо. махаабажжариваад̣̇з бана ‘‘ид̣̇ам̣ амхаага’’нд̇и авад̇вааби нисиннаанамзваад̇и ад̇хиббааяо. ‘‘сант̇арид̇ваа ваа сант̇араабзд̇ваа ваа’’д̇и вуд̇д̇ад̇д̇аа анаан̣ад̇д̇ияаа бан̃н̃аабид̇ад̇д̇ааби д̣̇уггадз гааран̣ам̣ вуд̇д̇ам̣. уссаарагод̇и сарабхаан̣аго. со хи уд̣̇д̇хам̣ уд̣̇д̇хам̣ баал̣ибаатам̣ саарзд̇и бавад̇д̇зд̇ийд̇и уссаарагод̇и вужжад̇и.
Āvāsikānaṃyeva palibodhoti āgantukesu kiñci avatvā nisīditvā ‘‘āvāsikā eva uddharissantī’’ti gatesupi āvāsikānameva palibodho. Mahāpaccarivāde pana ‘‘idaṃ amhāka’’nti avatvāpi nisinnānamevāti adhippāyo. ‘‘Santharitvā vā santharāpetvā vā’’ti vuttattā anāṇattiyā paññāpitattāpi dukkaṭe kāraṇaṃ vuttaṃ. Ussārakoti sarabhāṇako. So hi uddhaṃ uddhaṃ pāḷipāṭhaṃ sāreti pavattetīti ussārakoti vuccati.
112. ван̣н̣аанурагкан̣ад̇т̇ам̣ гад̇аад̇и бадакан̣д̣аад̣̇ийхи сиб̣б̣ид̇ваа гад̇аа. бхуумияам̣ ад̇т̇арид̇аб̣б̣аад̇и жимилигааяа сад̇и д̇ассаа убари, асад̇и суд̣̇д̇хабхуумияам̣ ад̇т̇арид̇аб̣б̣аа. ‘‘сийхажаммаад̣̇ийнам̣ барихаран̣зязва бадигкзбо’’д̇и иминаа ман̃жабийтаад̣̇ийсу ад̇т̇арид̇ваа буна сам̣харид̇ваа табанаад̣̇ивасзна ад̇д̇ано ад̇т̇ааяа барихаран̣амзва на ваддад̇и, бхуумад̇т̇аран̣аад̣̇ивасзна барибхог̇о бана ад̇д̇ано барихаран̣ам̣ на ход̇ийд̇и д̣̇ассзд̇и. канд̇хагз хи ‘‘анд̇оби ман̃жз бан̃н̃ад̇д̇аани хонд̇и, б̣ахиби ман̃жз бан̃н̃ад̇д̇аани хонд̇ий’’д̇и звам̣ ад̇д̇ано ад̇д̇ано ад̇т̇ааяа ман̃жаад̣̇ийсу бан̃н̃абзд̇ваа барихаран̣авад̇т̇усмим̣ –
112.Vaṇṇānurakkhaṇatthaṃ katāti paṭakhaṇḍādīhi sibbitvā katā. Bhūmiyaṃ attharitabbāti cimilikāya sati tassā upari, asati suddhabhūmiyaṃ attharitabbā. ‘‘Sīhacammādīnaṃ pariharaṇeyeva paṭikkhepo’’ti iminā mañcapīṭhādīsu attharitvā puna saṃharitvā ṭhapanādivasena attano atthāya pariharaṇameva na vaṭṭati, bhūmattharaṇādivasena paribhogo pana attano pariharaṇaṃ na hotīti dasseti. Khandhake hi ‘‘antopi mañce paññattāni honti, bahipi mañce paññattāni hontī’’ti evaṃ attano attano atthāya mañcādīsu paññapetvā pariharaṇavatthusmiṃ –
‘‘на, бхигкавз, махаажаммаани д̇хаарзд̇аб̣б̣аани сийхажаммам̣ б̣яаг̇гхажаммам̣ д̣̇ийбижаммам̣. яо д̇хаарзяяа, аабад̇д̇и д̣̇уггадассаа’’д̇и (махаава. 255) –
‘‘Na, bhikkhave, mahācammāni dhāretabbāni sīhacammaṃ byagghacammaṃ dīpicammaṃ. Yo dhāreyya, āpatti dukkaṭassā’’ti (mahāva. 255) –
бадигкзбо гад̇о. д̇асмаа вуд̇д̇анаязнзвзд̇т̇а ад̇хиббааяо д̣̇адтаб̣б̣о. д̣̇аарумаяабийтанд̇и палагамаяабийтамзва. баад̣̇агат̇алиганд̇и ад̇ход̇абаад̣̇ам̣ яасмим̣ гхам̣санд̇аа д̇хованд̇и, д̇ам̣ д̣̇аарупалагаад̣̇и.
Paṭikkhepo kato. Tasmā vuttanayenevettha adhippāyo daṭṭhabbo. Dārumayapīṭhanti phalakamayapīṭhameva. Pādakathalikanti adhotapādaṃ yasmiṃ ghaṃsantā dhovanti, taṃ dāruphalakādi.
113. ‘‘ааг̇анд̇ваа уд̣̇д̇хариссаамийд̇и г̇ажчад̇ий’’д̇и вуд̇д̇ад̇д̇аа ан̃н̃знаби гааран̣зна анод̇аабзнд̇ассаби ааг̇аманз саабзгкасса анаабад̇д̇и. д̇знзва маад̇игаадтагат̇ааяам̣ ‘‘ман̃жаад̣̇ийнам̣ сан̇гхигад̇аа, вуд̇д̇алагкан̣з д̣̇зсз сант̇аран̣ам̣ ваа сант̇араабанам̣ ваа, абалиб̣уд̣̇д̇хад̇аа, аабад̣̇ааяа абхааво, нирабзгкад̇аа, лзд̣д̣убаад̇аад̇иггамо’’д̇и (ган̇каа. адта. батамасзнаасанасигкаабад̣̇аван̣н̣анаа) звамзд̇т̇а нирабзгкад̇ааяа сад̣̇д̇хим̣ ча ан̇г̇аани вуд̇д̇аани.
113. ‘‘Āgantvā uddharissāmīti gacchatī’’ti vuttattā aññenapi kāraṇena anotāpentassapi āgamane sāpekkhassa anāpatti. Teneva mātikāṭṭhakathāyaṃ ‘‘mañcādīnaṃ saṅghikatā, vuttalakkhaṇe dese santharaṇaṃ vā santharāpanaṃ vā, apalibuddhatā, āpadāya abhāvo, nirapekkhatā, leḍḍupātātikkamo’’ti (kaṅkhā. aṭṭha. paṭhamasenāsanasikkhāpadavaṇṇanā) evamettha nirapekkhatāya saddhiṃ cha aṅgāni vuttāni.
батамасзнаасанасигкаабад̣̇аван̣н̣анаа нидтид̇аа.
Paṭhamasenāsanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. батамасзнаасанасигкаабад̣̇аван̣н̣анаа • 4. Paṭhamasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. батамасзнаасанасигкаабад̣̇ам̣ • 4. Paṭhamasenāsanasikkhāpadaṃ
