| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၅. စိတ္တာဂာရဝဂ္ဂော
5. Cittāgāravaggo
၁. ပဌမသိက္ခာပဒ-အတ္ထယောဇနာ
1. Paṭhamasikkhāpada-atthayojanā
၉၇၈. စိတ္တာဂာရဝဂ္ဂသ္သ ပဌမေ ရညော ကီဠနဋ္ဌာနံ အဂာရံ ရာဇာဂာရန္တိ ဝစနတ္ထံ ဒသ္သေန္တော အာဟ ‘‘ရညော ကီဠနဃရ’’န္တိ။ စိတ္တံ အဂာရံ စိတ္တာဂာရံ။ အာရာမန္တိ နဂရတော နာတိဒူရအာရာမောတိ အာဟ ‘‘ဥပဝန’’န္တိ။ ဥယ္ယာနန္တိ သမ္ပန္နပုပ္ဖဖလတာယ ဥဒ္ဓံ ဥလ္လောကေတ္ဝာ မနုသ္သာ ယန္တိ ဂစ္ဆန္တိ ဧတ္ထာတိ ဥယ္ယာနံ။ ပောက္ခရဏိန္တိ ပောက္ခရံ ပဒုမံ နေတီတိ ပောက္ခရဏီ။ ပဉ္စပီတိ ရာဇာဂာရာဒီနိ ပဉ္စပိ။ သဗ္ဗတ္ထာတိ ဒသ္သနတ္ထာယ ဂမနေ စ ဂန္တ္ဝာ ပသ္သနေ စာတိ သဗ္ဗေသု။
978. Cittāgāravaggassa paṭhame rañño kīḷanaṭṭhānaṃ agāraṃ rājāgāranti vacanatthaṃ dassento āha ‘‘rañño kīḷanaghara’’nti. Cittaṃ agāraṃ cittāgāraṃ. Ārāmanti nagarato nātidūraārāmoti āha ‘‘upavana’’nti. Uyyānanti sampannapupphaphalatāya uddhaṃ ulloketvā manussā yanti gacchanti etthāti uyyānaṃ. Pokkharaṇinti pokkharaṃ padumaṃ netīti pokkharaṇī. Pañcapīti rājāgārādīni pañcapi. Sabbatthāti dassanatthāya gamane ca gantvā passane cāti sabbesu.
၉၈၁. ‘‘အဇ္ဈာရာမေ’’တိအာဒိနာ အာရာမေ ဌိတာယ အာရာမတော ဗဟိ ကတေ ရာဇာဂာရာဒိကေ ပသ္သန္တိယာပိ အနာပတ္တီတိ ဒသ္သေတိ။ တာနီတိ ရာဇာဂာရာဒီနီတိ။ ပဌမံ။
981. ‘‘Ajjhārāme’’tiādinā ārāme ṭhitāya ārāmato bahi kate rājāgārādike passantiyāpi anāpattīti dasseti. Tānīti rājāgārādīnīti. Paṭhamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁. ပဌမသိက္ခာပဒံ • 1. Paṭhamasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၁. ပဌမသိက္ခာပဒဝဏ္ဏနာ • 1. Paṭhamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. စိတ္တာဂာရဝဂ္ဂဝဏ္ဏနာ • 5. Cittāgāravaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁. ပဌမသိက္ခာပဒဝဏ္ဏနာ • 1. Paṭhamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမာဒိသိက္ခာပဒဝဏ္ဏနာ • 1. Paṭhamādisikkhāpadavaṇṇanā
