| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪. ਪਾਚਿਤ੍ਤਿਯਕਣ੍ਡਂ
4. Pācittiyakaṇḍaṃ
੧. ਲਸੁਣવਗ੍ਗੋ
1. Lasuṇavaggo
੧. ਪਠਮਸਿਕ੍ਖਾਪਦ-ਅਤ੍ਥਯੋਜਨਾ
1. Paṭhamasikkhāpada-atthayojanā
ਤਿਂਸਕਾਨਨ੍ਤਰਂ ਤਿਂਸਕਾਨਂ ਅਨਨ੍ਤਰੇ ਕਾਲੇ ਛਸਟ੍ਠਿਸਤਸਙ੍ਗਹਾ ਛਉਤ੍ਤਰਸਟ੍ਠਿਅਧਿਕਸਤੇਹਿ ਸਿਕ੍ਖਾਪਦੇਹਿ ਸਙ੍ਗਹਿਤਾ ਯੇ ਧਮ੍ਮਾ ਸਙ੍ਗੀਤਿਕਾਰੇਹਿ ਸਙ੍ਗੀਤਾ, ਦਾਨਿ ਇਮਸ੍ਮਿਂ ਕਾਲੇ ਤੇਸਮ੍ਪਿ ਧਮ੍ਮਾਨਂ ਅਯਂ વਣ੍ਣਨਾ ਹੋਤੀਤਿ ਯੋਜਨਾ।
Tiṃsakānantaraṃ tiṃsakānaṃ anantare kāle chasaṭṭhisatasaṅgahā chauttarasaṭṭhiadhikasatehi sikkhāpadehi saṅgahitā ye dhammā saṅgītikārehi saṅgītā, dāni imasmiṃ kāle tesampi dhammānaṃ ayaṃ vaṇṇanā hotīti yojanā.
੭੯੩. ਤਤ੍ਥਾਤਿ ਤੇਸੁ ਛਸਟ੍ਠਿਸਤਸਙ੍ਗਹੇਸੁ ਸਿਕ੍ਖਾਪਦੇਸੁ, ਪਠਮਸਿਕ੍ਖਾਪਦੇਤਿ ਸਮ੍ਬਨ੍ਧੋ। ‘‘ਦ੍વੇ ਤਯੋ’’ਤਿ ਏਤ੍ਥ વਾਸਦ੍ਦੋ ਲੁਤ੍ਤਨਿਦ੍ਦਿਟ੍ਠੋਤਿ ਆਹ ‘‘ਦ੍વੇ વਾ ਤਯੋ વਾ’’ਤਿ। ਫੋਟਲਕੇਤਿ ਕਨ੍ਦੇ, ਮਿਞ੍ਜੇ વਾ। ਏਤਨ੍ਤਿ ‘‘ਗਣ੍ਡਿਕੇ’’ਤਿ ਏਤਂ ਨਾਮਂ। ‘‘ਪਮਾਣ’’ਨ੍ਤਿਇਮਿਨਾ ਮਤ੍ਤਸਦ੍ਦੋ ਪਮਾਣਤ੍ਥੋવ, ਨ ਅਪ੍ਪਤ੍ਥੋ, ਨਾਪਿ ਅવਧਾਰਣਤ੍ਥੋਤਿ ਦਸ੍ਸੇਤਿ। ਲਸੁਣਨ੍ਤਿ ਸੇਤવਣ੍ਣਮੂਲਂ ਮਹਾਕਨ੍ਦਂ। ਮਹਾਕਨ੍ਦੋ ਹਿ ਬ੍ਯਞ੍ਜਨਸਮ੍ਪਾਕਾਦੀਸੁ ਆਮਗਨ੍ਧਾਨਂ ਅਭਿਭવਨਤ੍ਤਾ ਲਸੀਯਤਿ ਕਨ੍ਤੀਯਤੀਤਿ ਲਸੁਣਨ੍ਤਿ વੁਚ੍ਚਤਿ।
793.Tatthāti tesu chasaṭṭhisatasaṅgahesu sikkhāpadesu, paṭhamasikkhāpadeti sambandho. ‘‘Dve tayo’’ti ettha vāsaddo luttaniddiṭṭhoti āha ‘‘dve vā tayo vā’’ti. Phoṭalaketi kande, miñje vā. Etanti ‘‘gaṇḍike’’ti etaṃ nāmaṃ. ‘‘Pamāṇa’’ntiiminā mattasaddo pamāṇatthova, na appattho, nāpi avadhāraṇatthoti dasseti. Lasuṇanti setavaṇṇamūlaṃ mahākandaṃ. Mahākando hi byañjanasampākādīsu āmagandhānaṃ abhibhavanattā lasīyati kantīyatīti lasuṇanti vuccati.
ਸੁવਣ੍ਣਹਂਸਯੋਨਿਨ੍ਤਿ ਸੁવਣ੍ਣਮਯੇਨ ਪਤ੍ਤੇਨ ਯੁਤ੍ਤਂ ਹਂਸਯੋਨਿਂ। ਜਾਤਿਸ੍ਸਰੋਤਿ ਜਾਤਿਂ ਭવਂ ਸਰਤਿ ਜਾਨਾਤੀਤਿ ਜਾਤਿਸ੍ਸਰੋ। ਅਥਾਤਿ ਜਾਤਿਸ੍ਸਰਸ੍ਸ ਨਿਪ੍ਫਨ੍ਨਤ੍ਤਾ। ਨਿਪ੍ਫਨ੍ਨਤ੍ਥੋ ਹਿ ਅਥਸਦ੍ਦੋ। ਪੁਬ੍ਬਸਿਨੇਹੇਨਾਤਿ ਪੁਬ੍ਬੇ ਮਨੁਸ੍ਸਭવੇ ਭਾવਿਤੇਨ ਸਿਨੇਹੇਨ। ਤਾਸਨ੍ਤਿ ਪਜਾਪਤਿਯਾ ਚ ਤਿਸ੍ਸਨ੍ਨਂ ਧੀਤਰਾਨਞ੍ਚ। ਤਂ ਪਨਾਤਿ ਪਤ੍ਤਂ ਪਨ।
Suvaṇṇahaṃsayoninti suvaṇṇamayena pattena yuttaṃ haṃsayoniṃ. Jātissaroti jātiṃ bhavaṃ sarati jānātīti jātissaro. Athāti jātissarassa nipphannattā. Nipphannattho hi athasaddo. Pubbasinehenāti pubbe manussabhave bhāvitena sinehena. Tāsanti pajāpatiyā ca tissannaṃ dhītarānañca. Taṃ panāti pattaṃ pana.
੭੯੫. ਮਗਧੇਸੂਤਿ ਮਗਧਰਟ੍ਠੇ ਠਿਤੇਸੁ ਜਨਪਦੇਸੁ। ਹੀਤਿ ਸਚ੍ਚਂ, ਯਸ੍ਮਾ વਾ। ਇਧਾਤਿ ‘‘ਲਸੁਣਂ ਖਾਦੇਯ੍ਯਾ’’ਤਿਪਦੇ। ਤਮ੍ਪੀਤਿ ਮਾਗਧਕਮ੍ਪਿ। ਗਣ੍ਡਿਕਲਸੁਣਮੇવਾਤਿ ਗਣ੍ਡੋ ਫੋਟੋ ਏਤਸ੍ਸਤ੍ਥੀਤਿ ਗਣ੍ਡਿਕਂ। ਗਣ੍ਡਸਦ੍ਦੋ ਹਿ ਫੋਟਪਰਿਯਾਯੋ, ਬਹੁਤ੍ਥੇ ਇਕਪਚ੍ਚਯੋ। ਬਹੁਗਣ੍ਡਿਕਲਸੁਣਨ੍ਤਿ ਹਿ વੁਤ੍ਤਂ ਹੋਤਿ। ਗਣ੍ਡਸਦ੍ਦੋ ਹਿ ਫੋਟੇ ਚ ਕਪੋਲੇ ਚਾਤਿ ਦ੍વੀਸੁ ਅਤ੍ਥੇਸੁ વਤ੍ਤਤਿ, ਇਧ ਪਨ ਫੋਟੇ વਤ੍ਤਤੀਤਿ ਦਟ੍ਠਬ੍ਬਂ। ਪੋਤ੍ਥਕੇਸੁ ਪਨ ਓਟ੍ਠਜੇਨ ਚਤੁਤ੍ਥਕ੍ਖਰੇਨ ਪਾਠੋ ਅਤ੍ਥਿ, ਸੋ વੀਮਂਸਿਤ੍વਾ ਗਹੇਤਬ੍ਬੋ। ਬਹੂਸੁ ਹਿ ਪੁਬ੍ਬਪੋਤ੍ਥਕੇਸੁ ਕਣ੍ਠਜੋ ਤਤਿਯਕ੍ਖਰੋ ਚ ਓਟ੍ਠਜੋ ਚਤੁਤ੍ਥਕ੍ਖਰੋ ਚਾਤਿ ਦ੍વੇ ਅਕ੍ਖਰਾ ਅਞ੍ਞਮਞ੍ਞਂ ਪਰਿવਤ੍ਤਿਤ੍વਾ ਤਿਟ੍ਠਨ੍ਤਿ। ਨ ਏਕਦ੍વਿਤਿਮਿਞ੍ਜਕਨ੍ਤਿ ਏਕਮਿਞ੍ਜੋ ਪਲਣ੍ਡੁਕੋ ਨ ਹੋਤਿ, ਦ੍વਿਮਿਞ੍ਜੋ ਭਞ੍ਜਨਕੋ ਨ ਹੋਤਿ, ਤਿਮਿਞ੍ਜੋ ਹਰਿਤਕੋ ਨ ਹੋਤੀਤਿ ਅਤ੍ਥੋ। ਕੁਰੁਨ੍ਦਿਯਂ ਪਨ વੁਤ੍ਤਨ੍ਤਿ ਸਮ੍ਬਨ੍ਧੋ। ਸਙ੍ਖਾਦਿਤ੍વਾਤਿ ਦਨ੍ਤੇਹਿ ਚੁਣ੍ਣવਿਚੁਣ੍ਣਂ ਕਤ੍વਾ।
795.Magadhesūti magadharaṭṭhe ṭhitesu janapadesu. Hīti saccaṃ, yasmā vā. Idhāti ‘‘lasuṇaṃ khādeyyā’’tipade. Tampīti māgadhakampi. Gaṇḍikalasuṇamevāti gaṇḍo phoṭo etassatthīti gaṇḍikaṃ. Gaṇḍasaddo hi phoṭapariyāyo, bahutthe ikapaccayo. Bahugaṇḍikalasuṇanti hi vuttaṃ hoti. Gaṇḍasaddo hi phoṭe ca kapole cāti dvīsu atthesu vattati, idha pana phoṭe vattatīti daṭṭhabbaṃ. Potthakesu pana oṭṭhajena catutthakkharena pāṭho atthi, so vīmaṃsitvā gahetabbo. Bahūsu hi pubbapotthakesu kaṇṭhajo tatiyakkharo ca oṭṭhajo catutthakkharo cāti dve akkharā aññamaññaṃ parivattitvā tiṭṭhanti. Na ekadvitimiñjakanti ekamiñjo palaṇḍuko na hoti, dvimiñjo bhañjanako na hoti, timiñjo haritako na hotīti attho. Kurundiyaṃ pana vuttanti sambandho. Saṅkhāditvāti dantehi cuṇṇavicuṇṇaṃ katvā.
੭੯੭. ਪਲਣ੍ਡੁਕੋਤਿ ਸੁਕਨ੍ਦਕੋ ਏਕੋ ਲਸੁਣવਿਸੇਸੋ। ਭਞ੍ਜਨਕਾਦੀਨਿ ਲੋਕਸਙ੍ਕੇਤੋਪਦੇਸਤੋ ਦਟ੍ਠਬ੍ਬਾਨਿ। ਹੀਤਿ ਸਚ੍ਚਂ। ਤਸ੍ਸਾਤਿ ਚਾਪਲਸੁਣਸ੍ਸ। ਸਭਾવੇਨੇવਾਤਿ ਸੂਪਸਮ੍ਪਾਕਾਦਿਂ વਿਨਾ ਅਤ੍ਤਨੋ ਸਭਾવਤੋ ਏવ। ਤਨ੍ਤਿ ਮਾਗਧਕਂ, ਪਕ੍ਖਿਪਿਤੁਨ੍ਤਿ ਸਮ੍ਬਨ੍ਧੋ। ਹੀਤਿ ਸਚ੍ਚਂ। ਯਤ੍ਥ ਕਤ੍ਥਚੀਤਿ ਯੇਸੁ ਕੇਸੁਚੀਤਿ। ਪਠਮਂ।
797.Palaṇḍukoti sukandako eko lasuṇaviseso. Bhañjanakādīni lokasaṅketopadesato daṭṭhabbāni. Hīti saccaṃ. Tassāti cāpalasuṇassa. Sabhāvenevāti sūpasampākādiṃ vinā attano sabhāvato eva. Tanti māgadhakaṃ, pakkhipitunti sambandho. Hīti saccaṃ. Yattha katthacīti yesu kesucīti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧. ਪਠਮਸਿਕ੍ਖਾਪਦਂ • 1. Paṭhamasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੧. ਪਠਮਲਸੁਣਸਿਕ੍ਖਾਪਦવਣ੍ਣਨਾ • 1. Paṭhamalasuṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਲਸੁਣવਗ੍ਗવਣ੍ਣਨਾ • 1. Lasuṇavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਠਮਲਸੁਣਸਿਕ੍ਖਾਪਦવਣ੍ਣਨਾ • 1. Paṭhamalasuṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਲਸੁਣਾਦਿਸਿਕ੍ਖਾਪਦવਣ੍ਣਨਾ • 1. Paṭhamalasuṇādisikkhāpadavaṇṇanā
