| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³ • Bhikkhunīvibhaṅga |
3. நக்³க³வக்³கோ³
3. Naggavaggo
1. பட²மஸிக்கா²பத³ங்
1. Paṭhamasikkhāpadaṃ
883. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஸம்ப³ஹுலா 1 பி⁴க்கு²னியோ அசிரவதியா நதி³யா வேஸியாஹி ஸத்³தி⁴ங் நக்³கா³ ஏகதித்தே² நஹாயந்தி. வேஸியா தா பி⁴க்கு²னியோ உப்பண்டே³ஸுங் – ‘‘கிங் நு கோ² நாம தும்ஹாகங், அய்யே, த³ஹரானங் 2 ப்³ரஹ்மசரியங் சிண்ணேன, நனு நாம காமா பரிபு⁴ஞ்ஜிதப்³பா³ ! யதா³ ஜிண்ணா ப⁴விஸ்ஸத² ததா³ ப்³ரஹ்மசரியங் சரிஸ்ஸத². ஏவங் தும்ஹாகங் உபோ⁴ அத்தா² பரிக்³க³ஹிதா ப⁴விஸ்ஸந்தீ’’தி. பி⁴க்கு²னியோ வேஸியாஹி உப்பண்டி³யமானா மங்கூ அஹேஸுங். அத² கோ² தா பி⁴க்கு²னியோ உபஸ்ஸயங் க³ந்த்வா பி⁴க்கு²னீனங் ஏதமத்த²ங் ஆரோசேஸுங். பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, பி⁴க்கு²னீனங் ஸிக்கா²பத³ங் பஞ்ஞபெஸ்ஸாமி த³ஸ அத்த²வஸே படிச்ச – ஸங்க⁴ஸுட்டு²தாய…பே॰… வினயானுக்³க³ஹாய. ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –
883. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā 3 bhikkhuniyo aciravatiyā nadiyā vesiyāhi saddhiṃ naggā ekatitthe nahāyanti. Vesiyā tā bhikkhuniyo uppaṇḍesuṃ – ‘‘kiṃ nu kho nāma tumhākaṃ, ayye, daharānaṃ 4 brahmacariyaṃ ciṇṇena, nanu nāma kāmā paribhuñjitabbā ! Yadā jiṇṇā bhavissatha tadā brahmacariyaṃ carissatha. Evaṃ tumhākaṃ ubho atthā pariggahitā bhavissantī’’ti. Bhikkhuniyo vesiyāhi uppaṇḍiyamānā maṅkū ahesuṃ. Atha kho tā bhikkhuniyo upassayaṃ gantvā bhikkhunīnaṃ etamatthaṃ ārocesuṃ. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhunīnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya…pe… vinayānuggahāya. Evañca pana, bhikkhave, bhikkhuniyo imaṃ sikkhāpadaṃ uddisantu –
884. ‘‘யா பன பி⁴க்கு²னீ நக்³கா³ நஹாயெய்ய, பாசித்திய’’ந்தி.
884.‘‘Yāpana bhikkhunī naggā nahāyeyya, pācittiya’’nti.
885. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.
885.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
நக்³கா³ நஹாயெய்யாதி அனிவத்தா² வா அபாருதா வா நஹாயதி, பயோகே³ து³க்கடங். நஹானபரியோஸானே ஆபத்தி பாசித்தியஸ்ஸ.
Naggā nahāyeyyāti anivatthā vā apārutā vā nahāyati, payoge dukkaṭaṃ. Nahānapariyosāne āpatti pācittiyassa.
886. அனாபத்தி அச்சி²ன்னசீவரிகாய வா நட்ட²சீவரிகாய வா, ஆபதா³ஸு, உம்மத்திகாய, ஆதி³கம்மிகாயாதி.
886. Anāpatti acchinnacīvarikāya vā naṭṭhacīvarikāya vā, āpadāsu, ummattikāya, ādikammikāyāti.
பட²மஸிக்கா²பத³ங் நிட்டி²தங்.
Paṭhamasikkhāpadaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 1. பட²மஸிக்கா²பத³வண்ணனா • 1. Paṭhamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. நக்³க³வக்³க³வண்ணனா • 3. Naggavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1-2. பட²மது³தியஸிக்கா²பத³வண்ணனா • 1-2. Paṭhamadutiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. பட²மஸிக்கா²பத³-அத்த²யோஜனா • 1. Paṭhamasikkhāpada-atthayojanā
