| Library / Tipiṭaka / তিপিটক • Tipiṭaka / ভিক্খুনীৰিভঙ্গ • Bhikkhunīvibhaṅga |
৩. নগ্গৰগ্গো
3. Naggavaggo
১. পঠমসিক্খাপদং
1. Paṭhamasikkhāpadaṃ
৮৮৩. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন সম্বহুলা 1 ভিক্খুনিযো অচিরৰতিযা নদিযা ৰেসিযাহি সদ্ধিং নগ্গা একতিত্থে নহাযন্তি। ৰেসিযা তা ভিক্খুনিযো উপ্পণ্ডেসুং – ‘‘কিং নু খো নাম তুম্হাকং, অয্যে, দহরানং 2 ব্রহ্মচরিযং চিণ্ণেন, ননু নাম কামা পরিভুঞ্জিতব্বা ! যদা জিণ্ণা ভৰিস্সথ তদা ব্রহ্মচরিযং চরিস্সথ। এৰং তুম্হাকং উভো অত্থা পরিগ্গহিতা ভৰিস্সন্তী’’তি। ভিক্খুনিযো ৰেসিযাহি উপ্পণ্ডিযমানা মঙ্কূ অহেসুং। অথ খো তা ভিক্খুনিযো উপস্সযং গন্ত্ৰা ভিক্খুনীনং এতমত্থং আরোচেসুং। ভিক্খুনিযো ভিক্খূনং এতমত্থং আরোচেসুং। ভিক্খূ ভগৰতো এতমত্থং আরোচেসুং। অথ খো ভগৰা এতস্মিং নিদানে এতস্মিং পকরণে ধম্মিং কথং কত্ৰা ভিক্খূ আমন্তেসি – ‘‘তেন হি, ভিক্খৰে, ভিক্খুনীনং সিক্খাপদং পঞ্ঞপেস্সামি দস অত্থৰসে পটিচ্চ – সঙ্ঘসুট্ঠুতায…পে॰… ৰিনযানুগ্গহায। এৰঞ্চ পন, ভিক্খৰে, ভিক্খুনিযো ইমং সিক্খাপদং উদ্দিসন্তু –
883. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā 3 bhikkhuniyo aciravatiyā nadiyā vesiyāhi saddhiṃ naggā ekatitthe nahāyanti. Vesiyā tā bhikkhuniyo uppaṇḍesuṃ – ‘‘kiṃ nu kho nāma tumhākaṃ, ayye, daharānaṃ 4 brahmacariyaṃ ciṇṇena, nanu nāma kāmā paribhuñjitabbā ! Yadā jiṇṇā bhavissatha tadā brahmacariyaṃ carissatha. Evaṃ tumhākaṃ ubho atthā pariggahitā bhavissantī’’ti. Bhikkhuniyo vesiyāhi uppaṇḍiyamānā maṅkū ahesuṃ. Atha kho tā bhikkhuniyo upassayaṃ gantvā bhikkhunīnaṃ etamatthaṃ ārocesuṃ. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhunīnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya…pe… vinayānuggahāya. Evañca pana, bhikkhave, bhikkhuniyo imaṃ sikkhāpadaṃ uddisantu –
৮৮৪. ‘‘যা পন ভিক্খুনী নগ্গা নহাযেয্য, পাচিত্তিয’’ন্তি।
884.‘‘Yāpana bhikkhunī naggā nahāyeyya, pācittiya’’nti.
৮৮৫. যা পনাতি যা যাদিসা…পে॰… ভিক্খুনীতি…পে॰… অযং ইমস্মিং অত্থে অধিপ্পেতা ভিক্খুনীতি।
885.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
নগ্গা নহাযেয্যাতি অনিৰত্থা ৰা অপারুতা ৰা নহাযতি, পযোগে দুক্কটং। নহানপরিযোসানে আপত্তি পাচিত্তিযস্স।
Naggā nahāyeyyāti anivatthā vā apārutā vā nahāyati, payoge dukkaṭaṃ. Nahānapariyosāne āpatti pācittiyassa.
৮৮৬. অনাপত্তি অচ্ছিন্নচীৰরিকায ৰা নট্ঠচীৰরিকায ৰা, আপদাসু, উম্মত্তিকায, আদিকম্মিকাযাতি।
886. Anāpatti acchinnacīvarikāya vā naṭṭhacīvarikāya vā, āpadāsu, ummattikāya, ādikammikāyāti.
পঠমসিক্খাপদং নিট্ঠিতং।
Paṭhamasikkhāpadaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ১. পঠমসিক্খাপদৰণ্ণনা • 1. Paṭhamasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. নগ্গৰগ্গৰণ্ণনা • 3. Naggavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ১-২. পঠমদুতিযসিক্খাপদৰণ্ণনা • 1-2. Paṭhamadutiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমাদিসিক্খাপদৰণ্ণনা • 1. Paṭhamādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. পঠমসিক্খাপদ-অত্থযোজনা • 1. Paṭhamasikkhāpada-atthayojanā
