| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. ниссаг̇г̇ияаган̣д̣ам̣ (бхигкунийвибхан̇г̇о)
3. Nissaggiyakaṇḍaṃ (bhikkhunīvibhaṅgo)
1. бад̇д̇аваг̇г̇о
1. Pattavaggo
1. батамасигкаабад̣̇ам̣
1. Paṭhamasikkhāpadaṃ
имз ко банааяяааяо д̇им̣са ниссаг̇г̇ияаа баажид̇д̇ияаа
Ime kho panāyyāyo tiṃsa nissaggiyā pācittiyā
д̇хаммаа уд̣̇д̣̇зсам̣ ааг̇ажчанд̇и.
Dhammā uddesaṃ āgacchanti.
733. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо б̣ахуу бад̇д̇з саннижаяам̣ гаронд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо б̣ахуу бад̇д̇з саннижаяам̣ гариссанд̇и, бад̇д̇аваан̣иж̇ж̇ам̣ ваа бхигкунияо гариссанд̇и, аамад̇д̇игаабан̣ам̣ ваа басаарзссанд̇ий’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо бад̇д̇асаннижаяам̣ гариссанд̇ий’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо бад̇д̇асаннижаяам̣ гаронд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо бад̇д̇асаннижаяам̣ гариссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
733. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo bahū patte sannicayaṃ karonti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘kathañhi nāma bhikkhuniyo bahū patte sannicayaṃ karissanti, pattavāṇijjaṃ vā bhikkhuniyo karissanti, āmattikāpaṇaṃ vā pasāressantī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo pattasannicayaṃ karissantī’’ti…pe… saccaṃ kira, bhikkhave, chabbaggiyā bhikkhuniyo pattasannicayaṃ karontīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo pattasannicayaṃ karissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
734. ‘‘яаа бана бхигкуний бад̇д̇асаннижаяам̣ гарзяяа , ниссаг̇г̇ияам̣ баажид̇д̇ияа’’нд̇и.
734.‘‘Yā pana bhikkhunī pattasannicayaṃ kareyya, nissaggiyaṃ pācittiya’’nti.
735. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
735.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бад̇д̇о наама д̣̇вз бад̇д̇аа – аяобад̇д̇о, мад̇д̇игаабад̇д̇о. д̇аяо бад̇д̇асса ван̣н̣аа – уггадто бад̇д̇о, маж̇жхимо бад̇д̇о, омаго бад̇д̇о. уггадто наама бад̇д̇о ад̣дхаал̣хагод̣̇анам̣ г̇ан̣хаад̇и жад̇убхааг̇ам̣ каад̣̇анам̣ д̇ад̣̇убияам̣ б̣яан̃ж̇анам̣. маж̇жхимо наама бад̇д̇о наал̣игод̣̇анам̣ г̇ан̣хаад̇и жад̇убхааг̇ам̣ каад̣̇анам̣ д̇ад̣̇убияам̣ б̣яан̃ж̇анам̣. омаго наама бад̇д̇о бад̇т̇од̣̇анам̣ г̇ан̣хаад̇и жад̇убхааг̇ам̣ каад̣̇анам̣ д̇ад̣̇убияам̣ б̣яан̃ж̇анам̣. д̇ад̇о уггадто абад̇д̇о омаго абад̇д̇о.
Patto nāma dve pattā – ayopatto, mattikāpatto. Tayo pattassa vaṇṇā – ukkaṭṭho patto, majjhimo patto, omako patto. Ukkaṭṭhonāmapatto aḍḍhāḷhakodanaṃ gaṇhāti catubhāgaṃ khādanaṃ tadupiyaṃ byañjanaṃ. Majjhimo nāmapatto nāḷikodanaṃ gaṇhāti catubhāgaṃ khādanaṃ tadupiyaṃ byañjanaṃ. Omakonāmapatto patthodanaṃ gaṇhāti catubhāgaṃ khādanaṃ tadupiyaṃ byañjanaṃ. Tato ukkaṭṭho apatto omako apatto.
саннижаяам̣ гарзяяаад̇и анад̇хидтид̇о авигаббид̇о.
Sannicayaṃ kareyyāti anadhiṭṭhito avikappito.
ниссаг̇г̇ияо ход̇ийд̇и саха арун̣уг̇г̇аманаа ниссаг̇г̇ияо ход̇и. ниссаж̇ж̇ид̇аб̣б̣о сан̇гхасса ваа г̇ан̣асса ваа згабхигкунияаа ваа. зван̃жа бана, бхигкавз, ниссаж̇ж̇ид̇аб̣б̣о. д̇ааяа бхигкунияаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘аяам̣ мз, аяяз, бад̇д̇о рад̇д̇аад̇игганд̇о ниссаг̇г̇ияо, имаахам̣ сан̇гхасса ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇ааяа бхигкунияаа бадиб̣алааяа аабад̇д̇и бадиг̇г̇ахзд̇аб̣б̣аа. ниссадтабад̇д̇о д̣̇аад̇аб̣б̣о –
Nissaggiyohotīti saha aruṇuggamanā nissaggiyo hoti. Nissajjitabbo saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbo. Tāya bhikkhuniyā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ayaṃ me, ayye, patto rattātikkanto nissaggiyo, imāhaṃ saṅghassa nissajjāmī’’ti. Nissajjitvā āpatti desetabbā. Byattāya bhikkhuniyā paṭibalāya āpatti paṭiggahetabbā. Nissaṭṭhapatto dātabbo –
‘‘сун̣аад̇у мз, аяяз, сан̇гхо. аяам̣ бад̇д̇о ид̇т̇аннаамааяа бхигкунияаа ниссаг̇г̇ияо сан̇гхасса ниссадто. яад̣̇и сан̇гхасса бад̇д̇агаллам̣, сан̇гхо имам̣ бад̇д̇ам̣ ид̇т̇аннаамааяа бхигкунияаа д̣̇ад̣̇зяяаа’’д̇и.
‘‘Suṇātu me, ayye, saṅgho. Ayaṃ patto itthannāmāya bhikkhuniyā nissaggiyo saṅghassa nissaṭṭho. Yadi saṅghassa pattakallaṃ, saṅgho imaṃ pattaṃ itthannāmāya bhikkhuniyā dadeyyā’’ti.
д̇ааяа бхигкунияаа самб̣ахулаа бхигкунияо убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамассу важанийяаа – ‘‘аяам̣ мз, аяяааяо, бад̇д̇о рад̇д̇аад̇игганд̇о ниссаг̇г̇ияо, имаахам̣ аяяаанам̣ ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇ааяа бхигкунияаа бадиб̣алааяа аабад̇д̇и бадиг̇г̇ахзд̇аб̣б̣аа. ниссадтабад̇д̇о д̣̇аад̇аб̣б̣о –
Tāya bhikkhuniyā sambahulā bhikkhuniyo upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassu vacanīyā – ‘‘ayaṃ me, ayyāyo, patto rattātikkanto nissaggiyo, imāhaṃ ayyānaṃ nissajjāmī’’ti. Nissajjitvā āpatti desetabbā. Byattāya bhikkhuniyā paṭibalāya āpatti paṭiggahetabbā. Nissaṭṭhapatto dātabbo –
‘‘сун̣анд̇у мз аяяааяо. аяам̣ бад̇д̇о ид̇т̇аннаамааяа бхигкунияаа ниссаг̇г̇ияо аяяаанам̣ ниссадто. яад̣̇и аяяаанам̣ бад̇д̇агаллам̣, аяяааяо имам̣ бад̇д̇ам̣ ид̇т̇аннаамааяа бхигкунияаа д̣̇ад̣̇зяяу’’нд̇и.
‘‘Suṇantu me ayyāyo. Ayaṃ patto itthannāmāya bhikkhuniyā nissaggiyo ayyānaṃ nissaṭṭho. Yadi ayyānaṃ pattakallaṃ, ayyāyo imaṃ pattaṃ itthannāmāya bhikkhuniyā dadeyyu’’nti.
д̇ааяа бхигкунияаа згам̣ бхигкуним̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяаа – ‘‘аяам̣ мз, аяяз, бад̇д̇о рад̇д̇аад̇игганд̇о ниссаг̇г̇ияо. имаахам̣ аяяааяа ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. д̇ааяа бхигкунияаа аабад̇д̇и бадиг̇г̇ахзд̇аб̣б̣аа. ниссадтабад̇д̇о д̣̇аад̇аб̣б̣о – ‘‘имам̣ бад̇д̇ам̣ аяяааяа д̣̇аммий’’д̇и.
Tāya bhikkhuniyā ekaṃ bhikkhuniṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyā – ‘‘ayaṃ me, ayye, patto rattātikkanto nissaggiyo. Imāhaṃ ayyāya nissajjāmī’’ti. Nissajjitvā āpatti desetabbā. Tāya bhikkhuniyā āpatti paṭiggahetabbā. Nissaṭṭhapatto dātabbo – ‘‘imaṃ pattaṃ ayyāya dammī’’ti.
736. рад̇д̇аад̇игганд̇з ад̇игганд̇асан̃н̃аа, ниссаг̇г̇ияам̣ баажид̇д̇ияам̣. рад̇д̇аад̇игганд̇з взмад̇игаа, ниссаг̇г̇ияам̣ баажид̇д̇ияам̣. рад̇д̇аад̇игганд̇з анад̇игганд̇асан̃н̃аа, ниссаг̇г̇ияам̣ баажид̇д̇ияам̣. анад̇хидтид̇з ад̇хидтид̇асан̃н̃аа, ниссаг̇г̇ияам̣ баажид̇д̇ияам̣. авигаббид̇з вигаббид̇асан̃н̃аа, ниссаг̇г̇ияам̣ баажид̇д̇ияам̣. ависсаж̇ж̇ид̇з виссаж̇ж̇ид̇асан̃н̃аа , ниссаг̇г̇ияам̣ баажид̇д̇ияам̣. анадтз надтасан̃н̃аа… авинадтз винадтасан̃н̃аа… абхиннз бхиннасан̃н̃аа… авилуд̇д̇з вилуд̇д̇асан̃н̃аа, ниссаг̇г̇ияам̣ баажид̇д̇ияам̣.
736. Rattātikkante atikkantasaññā, nissaggiyaṃ pācittiyaṃ. Rattātikkante vematikā, nissaggiyaṃ pācittiyaṃ. Rattātikkante anatikkantasaññā, nissaggiyaṃ pācittiyaṃ. Anadhiṭṭhite adhiṭṭhitasaññā, nissaggiyaṃ pācittiyaṃ. Avikappite vikappitasaññā, nissaggiyaṃ pācittiyaṃ. Avissajjite vissajjitasaññā , nissaggiyaṃ pācittiyaṃ. Anaṭṭhe naṭṭhasaññā… avinaṭṭhe vinaṭṭhasaññā… abhinne bhinnasaññā… avilutte viluttasaññā, nissaggiyaṃ pācittiyaṃ.
ниссаг̇г̇ияам̣ бад̇д̇ам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадасса. рад̇д̇аанад̇игганд̇з ад̇игганд̇асан̃н̃аа, аабад̇д̇и д̣̇уггадасса. рад̇д̇аанад̇игганд̇з взмад̇игаа, аабад̇д̇и д̣̇уггадасса. рад̇д̇аанад̇игганд̇з анад̇игганд̇асан̃н̃аа анаабад̇д̇и.
Nissaggiyaṃ pattaṃ anissajjitvā paribhuñjati, āpatti dukkaṭassa. Rattānatikkante atikkantasaññā, āpatti dukkaṭassa. Rattānatikkante vematikā, āpatti dukkaṭassa. Rattānatikkante anatikkantasaññā anāpatti.
737. анаабад̇д̇и анд̇оарун̣з ад̇хидтзд̇и, вигаббзд̇и, виссаж̇ж̇зд̇и, нассад̇и, винассад̇и, бхиж̇ж̇ад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, уммад̇д̇игааяа, аад̣̇игаммигааяаад̇и.
737. Anāpatti antoaruṇe adhiṭṭheti, vikappeti, vissajjeti, nassati, vinassati, bhijjati, acchinditvā gaṇhanti, vissāsaṃ gaṇhanti, ummattikāya, ādikammikāyāti.
д̇зна ко бана самаязна чаб̣б̣аг̇г̇ияаа бхигкунияо ниссадтабад̇д̇ам̣ на д̣̇знд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ниссадтабад̇д̇о на д̣̇аад̇аб̣б̣о. яаа на д̣̇ад̣̇зяяа, аабад̇д̇и д̣̇уггадассаад̇и.
Tena kho pana samayena chabbaggiyā bhikkhuniyo nissaṭṭhapattaṃ na denti. Bhagavato etamatthaṃ ārocesuṃ. Na, bhikkhave, nissaṭṭhapatto na dātabbo. Yā na dadeyya, āpatti dukkaṭassāti.
батамасигкаабад̣̇ам̣ нидтид̇ам̣.
Paṭhamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / батаманиссаг̇г̇ияабаажид̇д̇ияасигкаабад̣̇аван̣н̣анаа • Paṭhamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батаманиссаг̇г̇ияабаажид̇д̇ияасигкаабад̣̇аван̣н̣анаа • 1. Paṭhamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батаманиссаг̇г̇ияабаажид̇д̇ияасигкаабад̣̇а-ад̇т̇аяож̇анаа • 1. Paṭhamanissaggiyapācittiyasikkhāpada-atthayojanā
