| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
8. гумаарийбхууд̇аваг̇г̇о
8. Kumārībhūtavaggo
1. батамасигкаабад̣̇ам̣
1. Paṭhamasikkhāpadaṃ
1119. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо уунавийсад̇ивассам̣ гумаарибхууд̇ам̣ вудтаабзнд̇и. д̇аа агкамаа хонд̇и сийд̇асса ун̣хасса ж̇игхажчааяа бибаасааяа д̣ам̣самагасаваад̇аад̇абасарийсабасампассаанам̣ д̣̇уруд̇д̇аанам̣ д̣̇урааг̇ад̇аанам̣ важанабат̇аанам̣. уббаннаанам̣ саарийригаанам̣ взд̣̇анаанам̣ д̣̇угкаанам̣ д̇иб̣б̣аанам̣ караанам̣ гадугаанам̣ асаад̇аанам̣ аманаабаанам̣ баан̣ахараанам̣ анад̇хиваасагаж̇аад̇игаа хонд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо уунавийсад̇ивассам̣ гумаарибхууд̇ам̣ вудтаабзссанд̇ий’’д̇и…бз… сажжам̣ гира, бхигкавз, бхигкунияо уунавийсад̇ивассам̣ гумаарибхууд̇ам̣ вудтаабзнд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо уунавийсад̇ивассам̣ гумаарибхууд̇ам̣ вудтаабзссанд̇и! уунавийсад̇ивассаа, бхигкавз, гумаарибхууд̇аа агкамаа ход̇и сийд̇асса ун̣хасса…бз… баан̣ахараанам̣ анад̇хиваасагаж̇аад̇игаа ход̇и. вийсад̇ивассаава ко, бхигкавз, гумаарибхууд̇аа камаа ход̇и сийд̇асса ун̣хасса…бз… баан̣ахараанам̣ ад̇хиваасагаж̇аад̇игаа ход̇и. нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1119. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo ūnavīsativassaṃ kumāribhūtaṃ vuṭṭhāpenti. Tā akkhamā honti sītassa uṇhassa jighacchāya pipāsāya ḍaṃsamakasavātātapasarīsapasamphassānaṃ duruttānaṃ durāgatānaṃ vacanapathānaṃ. Uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ anadhivāsakajātikā honti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo ūnavīsativassaṃ kumāribhūtaṃ vuṭṭhāpessantī’’ti…pe… saccaṃ kira, bhikkhave, bhikkhuniyo ūnavīsativassaṃ kumāribhūtaṃ vuṭṭhāpentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo ūnavīsativassaṃ kumāribhūtaṃ vuṭṭhāpessanti! Ūnavīsativassā, bhikkhave, kumāribhūtā akkhamā hoti sītassa uṇhassa…pe… pāṇaharānaṃ anadhivāsakajātikā hoti. Vīsativassāva kho, bhikkhave, kumāribhūtā khamā hoti sītassa uṇhassa…pe… pāṇaharānaṃ adhivāsakajātikā hoti. Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1120. ‘‘яаа бана бхигкуний уунавийсад̇ивассам̣ гумаарибхууд̇ам̣ вудтаабзяяа, баажид̇д̇ияа’’нд̇и.
1120.‘‘Yā pana bhikkhunī ūnavīsativassaṃkumāribhūtaṃ vuṭṭhāpeyya, pācittiya’’nti.
1121. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1121.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
уунавийсад̇ивассаа наама аббад̇д̇авийсад̇ивассаа. гумаарибхууд̇аа наама сааман̣зрий вужжад̇и. вудтаабзяяаад̇и убасамбаад̣̇зяяа.
Ūnavīsativassā nāma appattavīsativassā. Kumāribhūtā nāma sāmaṇerī vuccati. Vuṭṭhāpeyyāti upasampādeyya.
‘‘вудтаабзссаамий’’д̇и г̇ан̣ам̣ ваа аажариним̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз убаж̇жхааяааяа аабад̇д̇и баажид̇д̇ияасса. г̇ан̣асса жа аажаринияаа жа аабад̇д̇и д̣̇уггадасса.
‘‘Vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyāya āpatti pācittiyassa. Gaṇassa ca ācariniyā ca āpatti dukkaṭassa.
1122. уунавийсад̇ивассааяа уунавийсад̇ивассасан̃н̃аа вудтаабзд̇и, аабад̇д̇и баажид̇д̇ияасса. уунавийсад̇ивассааяа взмад̇игаа вудтаабзд̇и, аабад̇д̇и д̣̇уггадасса. уунавийсад̇ивассааяа барибун̣н̣асан̃н̃аа вудтаабзд̇и, анаабад̇д̇и. барибун̣н̣авийсад̇ивассааяа уунавийсад̇ивассасан̃н̃аа, аабад̇д̇и д̣̇уггадасса. барибун̣н̣авийсад̇ивассааяа взмад̇игаа, аабад̇д̇и д̣̇уггадасса. барибун̣н̣авийсад̇ивассааяа барибун̣н̣асан̃н̃аа, анаабад̇д̇и.
1122. Ūnavīsativassāya ūnavīsativassasaññā vuṭṭhāpeti, āpatti pācittiyassa. Ūnavīsativassāya vematikā vuṭṭhāpeti, āpatti dukkaṭassa. Ūnavīsativassāya paripuṇṇasaññā vuṭṭhāpeti, anāpatti. Paripuṇṇavīsativassāya ūnavīsativassasaññā, āpatti dukkaṭassa. Paripuṇṇavīsativassāya vematikā, āpatti dukkaṭassa. Paripuṇṇavīsativassāya paripuṇṇasaññā, anāpatti.
1123. анаабад̇д̇и уунавийсад̇ивассам̣ барибун̣н̣асан̃н̃аа вудтаабзд̇и, барибун̣н̣авийсад̇ивассам̣ барибун̣н̣асан̃н̃аа вудтаабзд̇и, уммад̇д̇игааяа, аад̣̇игаммигааяаад̇и.
1123. Anāpatti ūnavīsativassaṃ paripuṇṇasaññā vuṭṭhāpeti, paripuṇṇavīsativassaṃ paripuṇṇasaññā vuṭṭhāpeti, ummattikāya, ādikammikāyāti.
батамасигкаабад̣̇ам̣ нидтид̇ам̣.
Paṭhamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1-2-3. батамад̣̇уд̇ияад̇ад̇ияасигкаабад̣̇аван̣н̣анаа • 1-2-3. Paṭhamadutiyatatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. гумаарибхууд̇аваг̇г̇аван̣н̣анаа • 8. Kumāribhūtavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1-2-3. батама-д̣̇уд̇ияа-д̇ад̇ияасигкаабад̣̇а-ад̇т̇аяож̇анаа • 1-2-3. Paṭhama-dutiya-tatiyasikkhāpada-atthayojanā
