| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
9. чад̇д̇убааханаваг̇г̇о
9. Chattupāhanavaggo
1. батамасигкаабад̣̇ам̣
1. Paṭhamasikkhāpadaṃ
1178. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо чад̇д̇убааханам̣ д̇хаарзнд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо чад̇д̇убааханам̣ д̇хаарзссанд̇и, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо чад̇д̇убааханам̣ д̇хаарзссанд̇ий’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо чад̇д̇убааханам̣ д̇хаарзнд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо чад̇д̇убааханам̣ д̇хаарзссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1178. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo chattupāhanaṃ dhārenti. Manussā ujjhāyanti khiyyanti vipācenti – ‘‘kathañhi nāma bhikkhuniyo chattupāhanaṃ dhāressanti, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo chattupāhanaṃ dhāressantī’’ti…pe… saccaṃ kira, bhikkhave, chabbaggiyā bhikkhuniyo chattupāhanaṃ dhārentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo chattupāhanaṃ dhāressanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний чад̇д̇убааханам̣ д̇хаарзяяа, баажид̇д̇ияа’’нд̇и.
‘‘Yā pana bhikkhunī chattupāhanaṃ dhāreyya, pācittiya’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
1179. д̇зна ко бана самаязна ан̃н̃ад̇араа бхигкуний г̇илаанаа ход̇и. д̇ассаа винаа чад̇д̇убааханам̣ на паасу ход̇и…бз… бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, г̇илаанааяа бхигкунияаа чад̇д̇убааханам̣. зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1179. Tena kho pana samayena aññatarā bhikkhunī gilānā hoti. Tassā vinā chattupāhanaṃ na phāsu hoti…pe… bhagavato etamatthaṃ ārocesuṃ…pe… anujānāmi, bhikkhave, gilānāya bhikkhuniyā chattupāhanaṃ. Evañca pana, bhikkhave, bhikkhuniyo imaṃ sikkhāpadaṃ uddisantu –
1180. ‘‘яаа бана бхигкуний аг̇илаанаа чад̇д̇убааханам̣ д̇хаарзяяа, баажид̇д̇ияа’’нд̇и.
1180.‘‘Yā pana bhikkhunī agilānā chattupāhanaṃ dhāreyya, pācittiya’’nti.
1181. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1181.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аг̇илаанаа наама яассаа винаа чад̇д̇убааханам̣ паасу ход̇и.
Agilānā nāma yassā vinā chattupāhanaṃ phāsu hoti.
г̇илаанаа наама яассаа винаа чад̇д̇убааханам̣ на паасу ход̇и.
Gilānā nāma yassā vinā chattupāhanaṃ na phāsu hoti.
чад̇д̇ам̣ наама д̇ийн̣и чад̇д̇аани – сзд̇ажчад̇д̇ам̣, гилан̃ж̇ажчад̇д̇ам̣, бан̣н̣ажчад̇д̇ам̣ ман̣д̣алаб̣ад̣̇д̇хам̣ салаагаб̣ад̣̇д̇хам̣. д̇хаарзяяаад̇и сагимби д̇хаарзд̇и, аабад̇д̇и баажид̇д̇ияасса.
Chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ salākabaddhaṃ. Dhāreyyāti sakimpi dhāreti, āpatti pācittiyassa.
1182. аг̇илаанаа аг̇илаанасан̃н̃аа чад̇д̇убааханам̣ д̇хаарзд̇и, аабад̇д̇и баажид̇д̇ияасса. аг̇илаанаа взмад̇игаа чад̇д̇убааханам̣ д̇хаарзд̇и, аабад̇д̇и баажид̇д̇ияасса. аг̇илаанаа г̇илаанасан̃н̃аа чад̇д̇убааханам̣ д̇хаарзд̇и, аабад̇д̇и баажид̇д̇ияасса.
1182. Agilānā agilānasaññā chattupāhanaṃ dhāreti, āpatti pācittiyassa. Agilānā vematikā chattupāhanaṃ dhāreti, āpatti pācittiyassa. Agilānā gilānasaññā chattupāhanaṃ dhāreti, āpatti pācittiyassa.
чад̇д̇ам̣ д̇хаарзд̇и на убааханам̣, аабад̇д̇и д̣̇уггадасса. убааханам̣ д̇хаарзд̇и на чад̇д̇ам̣, аабад̇д̇и д̣̇уггадасса . г̇илаанаа аг̇илаанасан̃н̃аа, аабад̇д̇и д̣̇уггадасса. г̇илаанаа взмад̇игаа, аабад̇д̇и д̣̇уггадасса. г̇илаанаа г̇илаанасан̃н̃аа, анаабад̇д̇и.
Chattaṃ dhāreti na upāhanaṃ, āpatti dukkaṭassa. Upāhanaṃ dhāreti na chattaṃ, āpatti dukkaṭassa . Gilānā agilānasaññā, āpatti dukkaṭassa. Gilānā vematikā, āpatti dukkaṭassa. Gilānā gilānasaññā, anāpatti.
1183. анаабад̇д̇и г̇илаанааяа, аараамз аараамуубажаарз д̇хаарзд̇и, аабад̣̇аасу, уммад̇д̇игааяа, аад̣̇игаммигааяаад̇и.
1183. Anāpatti gilānāya, ārāme ārāmūpacāre dhāreti, āpadāsu, ummattikāya, ādikammikāyāti.
батамасигкаабад̣̇ам̣ нидтид̇ам̣.
Paṭhamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамасигкаабад̣̇аван̣н̣анаа • 1. Paṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасигкаабад̣̇а-ад̇т̇аяож̇анаа • 1. Paṭhamasikkhāpada-atthayojanā
