| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৪. তুৰট্টৰগ্গৰণ্ণনা
4. Tuvaṭṭavaggavaṇṇanā
১. পঠমসিক্খাপদৰণ্ণনা
1. Paṭhamasikkhāpadavaṇṇanā
৯৩৪-৫. একায নিপন্নায অপরা নিপজ্জতি, আপত্তি পাচিত্তিযস্সাতি ‘‘উভিন্নম্পি পঠমনিপন্নায অনুট্ঠাপনা’’তি ৰত্ৰা এত্থ কিরিযাকিরিযন্তি একে, তং অট্ঠকথায ৰিরুজ্ঝতি। ‘‘কিরিয’’ন্তি হি অট্ঠকথাযং ৰুত্তং। অথ কস্সা আপত্তীতি? উভিন্নম্পি নিপজ্জনকিরিযং পটিচ্চ। ইমস্স অনাপত্তিৰারে ‘‘ৰৰত্থানং দস্সেত্ৰা’’তি নত্থি, তস্মা ৰৰত্থানং কত্ৰা নিপজ্জিতুং ন ৰট্টতীতি একে। ৰিপুলতরে ৰট্টতীতি একে। ‘‘অন্তরং কত্ৰা নিপজ্জিতুং ৰট্টতী’’তি পোরাণগণ্ঠিপদে লিখিতং।
934-5.Ekāya nipannāya aparā nipajjati, āpatti pācittiyassāti ‘‘ubhinnampi paṭhamanipannāya anuṭṭhāpanā’’ti vatvā ettha kiriyākiriyanti eke, taṃ aṭṭhakathāya virujjhati. ‘‘Kiriya’’nti hi aṭṭhakathāyaṃ vuttaṃ. Atha kassā āpattīti? Ubhinnampi nipajjanakiriyaṃ paṭicca. Imassa anāpattivāre ‘‘vavatthānaṃ dassetvā’’ti natthi, tasmā vavatthānaṃ katvā nipajjituṃ na vaṭṭatīti eke. Vipulatare vaṭṭatīti eke. ‘‘Antaraṃ katvā nipajjituṃ vaṭṭatī’’ti porāṇagaṇṭhipade likhitaṃ.
পঠমসিক্খাপদৰণ্ণনা নিট্ঠিতা।
Paṭhamasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১. পঠমসিক্খাপদং • 1. Paṭhamasikkhāpadaṃ
