| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
5. жид̇д̇ааг̇аараваг̇г̇о
5. Cittāgāravaggo
1. батамасигкаабад̣̇аван̣н̣анаа
1. Paṭhamasikkhāpadavaṇṇanā
978. жид̇д̇ааг̇аараваг̇г̇асса батамасигкаабад̣̇з – рааж̇ааг̇ааранд̇и ран̃н̃о гийл̣анагхарам̣. жид̇д̇ааг̇ааранд̇и гийл̣анажид̇д̇асаалам̣. аарааманд̇и гийл̣анаубаванам̣. уяяаананд̇и гийл̣ануяяаанам̣. богкаран̣ийнд̇и гийл̣анабогкаран̣им̣. д̇асмааязва бад̣̇абхааж̇анз ‘‘яад̇т̇а гад̇т̇ажи ран̃н̃о гийл̣ид̇у’’нд̇иаад̣̇и вуд̇д̇ам̣. д̣̇ассанааяа г̇ажчад̇и аабад̇д̇и д̣̇уггадассаад̇и зд̇т̇а бад̣̇аваараг̇ан̣анааяа д̣̇уггадам̣. яад̇т̇а тид̇аа бассад̇ийд̇и зд̇т̇а бана сажз згасмим̣язва таанз тид̇аа бад̣̇ам̣ ануд̣̇д̇харамаанаа бан̃жаби бассад̇и, згамзва баажид̇д̇ияам̣. д̇ам̣ д̇ам̣ д̣̇исаабхааг̇ам̣ ологзд̇ваа бассанд̇ияаа бана баадзггаа аабад̇д̇ияо. бхигкусса бана саб̣б̣ад̇т̇а д̣̇уггадам̣.
978. Cittāgāravaggassa paṭhamasikkhāpade – rājāgāranti rañño kīḷanagharaṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharaṇīnti kīḷanapokkharaṇiṃ. Tasmāyeva padabhājane ‘‘yattha katthaci rañño kīḷitu’’ntiādi vuttaṃ. Dassanāya gacchati āpatti dukkaṭassāti ettha padavāragaṇanāya dukkaṭaṃ. Yattha ṭhitā passatīti ettha pana sace ekasmiṃyeva ṭhāne ṭhitā padaṃ anuddharamānā pañcapi passati, ekameva pācittiyaṃ. Taṃ taṃ disābhāgaṃ oloketvā passantiyā pana pāṭekkā āpattiyo. Bhikkhussa pana sabbattha dukkaṭaṃ.
981. аараамз тид̇аад̇и аж̇жхаараамз рааж̇ааг̇аараад̣̇ийни гаронд̇и, д̇аани бассанд̇ияаа анаабад̇д̇и. г̇ажчанд̇ий ваа ааг̇ажчанд̇ий ваад̇и бин̣д̣абаад̇аад̣̇ийнам̣ ад̇т̇ааяа г̇ажчанд̇ияаа маг̇г̇о ход̇и, д̇аани бассад̇и, анаабад̇д̇и. сад̇и гаран̣ийяз г̇анд̇ваад̇и ран̃н̃о санд̇игам̣ гзнажи гаран̣ийязна г̇анд̇ваа бассад̇и, анаабад̇д̇и. аабад̣̇аасууд̇и гзнажи убад̣̇д̣̇уд̇аа бависид̇ваа бассад̇и, анаабад̇д̇и. сзсам̣ уд̇д̇аанамзва.
981.Ārāme ṭhitāti ajjhārāme rājāgārādīni karonti, tāni passantiyā anāpatti. Gacchantī vā āgacchantī vāti piṇḍapātādīnaṃ atthāya gacchantiyā maggo hoti, tāni passati, anāpatti. Sati karaṇīye gantvāti rañño santikaṃ kenaci karaṇīyena gantvā passati, anāpatti. Āpadāsūti kenaci upaddutā pavisitvā passati, anāpatti. Sesaṃ uttānameva.
зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ, akusalacittaṃ, tivedananti.
батамасигкаабад̣̇ам̣.
Paṭhamasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамасигкаабад̣̇ам̣ • 1. Paṭhamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жид̇д̇ааг̇аараваг̇г̇аван̣н̣анаа • 5. Cittāgāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамасигкаабад̣̇аван̣н̣анаа • 1. Paṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасигкаабад̣̇а-ад̇т̇аяож̇анаа • 1. Paṭhamasikkhāpada-atthayojanā
