| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
9. чад̇д̇убааханаваг̇г̇о
9. Chattupāhanavaggo
1. батамасигкаабад̣̇аван̣н̣анаа
1. Paṭhamasikkhāpadavaṇṇanā
1181. чад̇д̇аваг̇г̇асса батамасигкаабад̣̇з – сагимби д̇хаарзд̇и аабад̇д̇и баажид̇д̇ияассаад̇и маг̇г̇аг̇аманз згабаяог̇знзва д̣̇ивасамби д̇хаарзд̇и, згаава аабад̇д̇и. сажз гад̣̇д̣̇амаад̣̇ийни бад̇ваа убааханаа омун̃жид̇ваа чад̇д̇амзва д̇хаарзнд̇ий г̇ажчад̇и, д̣̇уггадам̣. ат̇ааби г̇ажчаад̣̇ийни д̣̇исваа чад̇д̇ам̣ абанаамзд̇ваа убааханаарул̣хаава г̇ажчад̇и, д̣̇уггадамзва. сажз чад̇д̇амби абанаамзд̇ваа убааханааби омун̃жид̇ваа буна д̇хаарзд̇и, буна баажид̇д̇ияам̣. звам̣ баяог̇аг̇ан̣анааяа аабад̇д̇ияо взд̣̇ид̇аб̣б̣аа. сзсам̣ уд̇д̇аанамзва. зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
1181. Chattavaggassa paṭhamasikkhāpade – sakimpi dhāreti āpatti pācittiyassāti maggagamane ekapayogeneva divasampi dhāreti, ekāva āpatti. Sace kaddamādīni patvā upāhanā omuñcitvā chattameva dhārentī gacchati, dukkaṭaṃ. Athāpi gacchādīni disvā chattaṃ apanāmetvā upāhanāruḷhāva gacchati, dukkaṭameva. Sace chattampi apanāmetvā upāhanāpi omuñcitvā puna dhāreti, puna pācittiyaṃ. Evaṃ payogagaṇanāya āpattiyo veditabbā. Sesaṃ uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
батамасигкаабад̣̇ам̣.
Paṭhamasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамасигкаабад̣̇ам̣ • 1. Paṭhamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасигкаабад̣̇а-ад̇т̇аяож̇анаа • 1. Paṭhamasikkhāpada-atthayojanā
