| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. анд̇хагаараваг̇г̇аван̣н̣анаа
2. Andhakāravaggavaṇṇanā
1. батамасигкаабад̣̇аван̣н̣анаа
1. Paṭhamasikkhāpadavaṇṇanā
839. ‘‘д̣̇ивааби анд̇хагаарам̣ ад̇т̇и, д̇аббадисзд̇ханад̇т̇ам̣ ‘рад̇д̇анд̇хагаарз’д̇и вуд̇д̇а’’нд̇и вад̣̇анд̇и бораан̣аа. санд̇идтзяяаад̇и зд̇т̇а таанаабад̣̇зсзна жад̇уб̣б̣ид̇хоби ирияаабат̇о сан̇г̇ахид̇о, д̇асмаа бурисасса хад̇т̇абаасз д̇зна сад̣̇д̇хим̣ жан̇гаманаад̣̇им̣ гаронд̇ияаа баажид̇д̇ияамзва. ‘‘саллабзяяа ваа’’д̇и гзвалам̣ нид̣̇аанавасзна вуд̇д̇ам̣ висзсаабхаавад̇о. ‘‘саллабзяяаваад̇и бурисасса хад̇т̇абаасз тид̇аа саллабад̇и, аабад̇д̇и баажид̇д̇ияассаа’’д̇и хи вуд̇д̇ам̣, д̇ам̣ на яуд̇д̇анд̇и згз. гасмаа? яасмаа д̇асса бурисасса хад̇т̇абаасз тид̇знзва згам̣ баажид̇д̇ияам̣. саллабанзнаби абарамби згам̣ аабаж̇ж̇ад̇ийд̇и наабаж̇ж̇ад̇и, гат̇ам̣ бан̃н̃ааяад̇ийд̇и? ан̇г̇авасзна. имасса хи рад̇д̇анд̇хагаарад̇аа, бурисасса хад̇т̇абаасз таанам̣ ваа саллабанам̣ ваа, сахааяаабхааво, рахобзгкад̇аад̇и имаани жад̇д̇аари ан̇г̇аани вуд̇д̇аани. д̇ад̇т̇а яад̣̇и таанабажжаяаа згаа аабад̇д̇и висум̣ сияаа, д̇ассаа жад̇д̇аари ан̇г̇аани сияум̣. яад̣̇и саллабанабажжаяаа згаа, д̇ассааби бан̃жа ан̇г̇аани сияум̣. д̇асмаа маад̇игаадтагат̇ааяам̣ ‘‘жад̇д̇аари ваа бан̃жа ваа ан̇г̇ааний’’д̇и вад̇д̇аб̣б̣ам̣ сияаа, на жа вуд̇д̇ам̣, д̇асмаа саллабанабажжаяаа висум̣ над̇т̇ийд̇и. ад̇т̇иязва, маад̇игаадтагат̇ааважанан̃жа д̇ад̣̇ад̇т̇амзваад̇и згз. гат̇ам̣? сахуббад̇д̇ид̇о д̣̇виннам̣ аабад̇д̇ийнам̣. гим̣ вуд̇д̇ам̣ ход̇и? саллабанз сад̇и таанабажжаяаа аабаж̇ж̇ид̇аб̣б̣ам̣ жад̇уран̇г̇игам̣, саллабанабажжаяаа аабаж̇ж̇ид̇аб̣б̣ам̣ жад̇уран̇г̇иганд̇и д̣̇вз баажид̇д̇ияаани сахуббаннаани згад̇о аабаж̇ж̇анд̇ийд̇и. ид̣̇ам̣ аяуд̇д̇ам̣ баал̣ивирод̇хад̇о. баал̣ияан̃хи ‘‘саллабзяяа ваад̇и бурисасса хад̇т̇абаасз тид̇аа саллабад̇и, аабад̇д̇и баажид̇д̇ияассаа’’д̇и вуд̇д̇ам̣. яад̣̇и д̣̇вз сияум̣, ‘‘аабад̇д̇и д̣̇виннам̣ баажид̇д̇ияаана’’нд̇и на вад̇д̇аб̣б̣ад̇аа сияаад̇и. аяам̣ наяо д̣̇уд̇ияаад̣̇ийсуби яат̇ааяог̇ам̣ взд̣̇ид̇аб̣б̣о. зд̇т̇а д̣̇уд̇иязнааби сад̣̇д̇хим̣ яад̣̇и бхигкунияаа рахобзгкад̇аа ад̇т̇и, со жз бурисо, на д̣̇уд̇ияо, бурисаг̇ан̣анааяа аабад̇д̇ияо. ат̇а д̣̇уд̇ияаа бхигкуний ход̇и, д̇ассаа жа д̇зна бурисзна сад̣̇д̇хим̣ рахобзгкад̇аа ад̇т̇и, саа жа бхигкуний на д̣̇уд̇ияаа ход̇и. убхиннамби аабаж̇ж̇ад̇ийд̇и згз, вижаарзд̇ваа бана г̇ахзд̇аб̣б̣ам̣. бораан̣аг̇ан̣тибад̣̇з бана вуд̇д̇ам̣ ‘‘хад̇т̇абаасз таанзна д̣̇уггада’’нд̇и, д̇ам̣ баал̣ияаа вируж̇жхад̇и. ‘‘бурисасса хад̇т̇абаасз д̇идтад̇и, аабад̇д̇и баажид̇д̇ияассаа’’д̇и хи баал̣и, гим̣б̣ахунаа. жад̇уд̇т̇асигкаабад̣̇з маад̇игаадтагат̇ааяам̣ (ган̇каа. адта. д̣̇уд̇ияигауяяож̇анасигкаабад̣̇аван̣н̣анаа) ‘‘санд̇идтанаад̣̇ийсу д̇ийн̣и баажид̇д̇ияааний’’д̇иаад̣̇иважанад̇о вад̇т̇уг̇ан̣анааяа аабад̇д̇и взд̣̇ид̇аб̣б̣аа. ‘‘ан̇г̇аани жзд̇т̇а жад̇д̇аари бан̃жа ваа’’д̇и вад̇д̇аб̣б̣анд̇и саннидтаанам̣.
839. ‘‘Divāpi andhakāraṃ atthi, tappaṭisedhanatthaṃ ‘rattandhakāre’ti vutta’’nti vadanti porāṇā. Santiṭṭheyyāti ettha ṭhānāpadesena catubbidhopi iriyāpatho saṅgahito, tasmā purisassa hatthapāse tena saddhiṃ caṅkamanādiṃ karontiyā pācittiyameva. ‘‘Sallapeyya vā’’ti kevalaṃ nidānavasena vuttaṃ visesābhāvato. ‘‘Sallapeyyavāti purisassa hatthapāse ṭhitā sallapati, āpatti pācittiyassā’’ti hi vuttaṃ, taṃ na yuttanti eke. Kasmā? Yasmā tassa purisassa hatthapāse ṭhiteneva ekaṃ pācittiyaṃ. Sallapanenapi aparampi ekaṃ āpajjatīti nāpajjati, kathaṃ paññāyatīti? Aṅgavasena. Imassa hi rattandhakāratā, purisassa hatthapāse ṭhānaṃ vā sallapanaṃ vā, sahāyābhāvo, rahopekkhatāti imāni cattāri aṅgāni vuttāni. Tattha yadi ṭhānapaccayā ekā āpatti visuṃ siyā, tassā cattāri aṅgāni siyuṃ. Yadi sallapanapaccayā ekā, tassāpi pañca aṅgāni siyuṃ. Tasmā mātikāṭṭhakathāyaṃ ‘‘cattāri vā pañca vā aṅgānī’’ti vattabbaṃ siyā, na ca vuttaṃ, tasmā sallapanapaccayā visuṃ natthīti. Atthiyeva, mātikāṭṭhakathāvacanañca tadatthamevāti eke. Kathaṃ? Sahuppattito dvinnaṃ āpattīnaṃ. Kiṃ vuttaṃ hoti? Sallapane sati ṭhānapaccayā āpajjitabbaṃ caturaṅgikaṃ, sallapanapaccayā āpajjitabbaṃ caturaṅgikanti dve pācittiyāni sahuppannāni ekato āpajjantīti. Idaṃ ayuttaṃ pāḷivirodhato. Pāḷiyañhi ‘‘sallapeyya vāti purisassa hatthapāse ṭhitā sallapati, āpatti pācittiyassā’’ti vuttaṃ. Yadi dve siyuṃ, ‘‘āpatti dvinnaṃ pācittiyāna’’nti na vattabbatā siyāti. Ayaṃ nayo dutiyādīsupi yathāyogaṃ veditabbo. Ettha dutiyenāpi saddhiṃ yadi bhikkhuniyā rahopekkhatā atthi, so ce puriso, na dutiyo, purisagaṇanāya āpattiyo. Atha dutiyā bhikkhunī hoti, tassā ca tena purisena saddhiṃ rahopekkhatā atthi, sā ca bhikkhunī na dutiyā hoti. Ubhinnampi āpajjatīti eke, vicāretvā pana gahetabbaṃ. Porāṇagaṇṭhipade pana vuttaṃ ‘‘hatthapāse ṭhānena dukkaṭa’’nti, taṃ pāḷiyā virujjhati. ‘‘Purisassa hatthapāse tiṭṭhati, āpatti pācittiyassā’’ti hi pāḷi, kiṃbahunā. Catutthasikkhāpade mātikāṭṭhakathāyaṃ (kaṅkhā. aṭṭha. dutiyikauyyojanasikkhāpadavaṇṇanā) ‘‘santiṭṭhanādīsu tīṇi pācittiyānī’’tiādivacanato vatthugaṇanāya āpatti veditabbā. ‘‘Aṅgāni cettha cattāri pañca vā’’ti vattabbanti sanniṭṭhānaṃ.
батамасигкаабад̣̇аван̣н̣анаа нидтид̇аа.
Paṭhamasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамасигкаабад̣̇ам̣ • 1. Paṭhamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамасигкаабад̣̇аван̣н̣анаа • 1. Paṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасигкаабад̣̇а-ад̇т̇аяож̇анаа • 1. Paṭhamasikkhāpada-atthayojanā
