| Library / Tipiṭaka / తిపిటక • Tipiṭaka / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā |
౬. ఆరామవగ్గో
6. Ārāmavaggo
౧. పఠమసిక్ఖాపదవణ్ణనా
1. Paṭhamasikkhāpadavaṇṇanā
౧౦౨౫. ఆరామవగ్గస్స పఠమసిక్ఖాపదే – పరిక్ఖేపం అతిక్కామేన్తియా, ఉపచారం ఓక్కమన్తియాతి ఏత్థ పఠమపాదే దుక్కటం, దుతియపాదే పాచిత్తియం.
1025. Ārāmavaggassa paṭhamasikkhāpade – parikkhepaṃ atikkāmentiyā, upacāraṃ okkamantiyāti ettha paṭhamapāde dukkaṭaṃ, dutiyapāde pācittiyaṃ.
౧౦౨౭. సీసానులోకికాతి పఠమం పవిసన్తీనం భిక్ఖునీనం సీసం అనులోకేన్తీ పవిసతి, అనాపత్తి. యత్థ భిక్ఖునియోతి యత్థ భిక్ఖునియో పఠమతరం పవిసిత్వా సజ్ఝాయచేతియవన్దనాదీని కరోన్తి, తత్థ తాసం సన్తికం గచ్ఛామీతి గన్తుం వట్టతి. ఆపదాసూతి కేనచి ఉపద్దుతా హోతి, ఏవరూపాసు ఆపదాసు పవిసితుం వట్టతి. సేసం ఉత్తానమేవ.
1027.Sīsānulokikāti paṭhamaṃ pavisantīnaṃ bhikkhunīnaṃ sīsaṃ anulokentī pavisati, anāpatti. Yattha bhikkhuniyoti yattha bhikkhuniyo paṭhamataraṃ pavisitvā sajjhāyacetiyavandanādīni karonti, tattha tāsaṃ santikaṃ gacchāmīti gantuṃ vaṭṭati. Āpadāsūti kenaci upaddutā hoti, evarūpāsu āpadāsu pavisituṃ vaṭṭati. Sesaṃ uttānameva.
ధురనిక్ఖేపసముట్ఠానం – కిరియాకిరియం, సఞ్ఞావిమోక్ఖం, సచిత్తకం, పణ్ణత్తివజ్జం, కాయకమ్మం, వచీకమ్మం, తిచిత్తం, తివేదనన్తి.
Dhuranikkhepasamuṭṭhānaṃ – kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
పఠమసిక్ఖాపదం.
Paṭhamasikkhāpadaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౧. పఠమసిక్ఖాపదం • 1. Paṭhamasikkhāpadaṃ
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౧. పఠమాదిసిక్ఖాపదవణ్ణనా • 1. Paṭhamādisikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧. పఠమసిక్ఖాపద-అత్థయోజనా • 1. Paṭhamasikkhāpada-atthayojanā
