| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๔. ตุวฎฺฎวคฺควณฺณนา
4. Tuvaṭṭavaggavaṇṇanā
๑. ปฐมสิกฺขาปทวณฺณนา
1. Paṭhamasikkhāpadavaṇṇanā
๙๓๔-๕. เอกาย นิปนฺนาย อปรา นิปชฺชติ, อาปตฺติ ปาจิตฺติยสฺสาติ ‘‘อุภินฺนมฺปิ ปฐมนิปนฺนาย อนุฎฺฐาปนา’’ติ วตฺวา เอตฺถ กิริยากิริยนฺติ เอเก, ตํ อฎฺฐกถาย วิรุชฺฌติฯ ‘‘กิริย’’นฺติ หิ อฎฺฐกถายํ วุตฺตํฯ อถ กสฺสา อาปตฺตีติ? อุภินฺนมฺปิ นิปชฺชนกิริยํ ปฎิจฺจฯ อิมสฺส อนาปตฺติวาเร ‘‘ววตฺถานํ ทเสฺสตฺวา’’ติ นตฺถิ, ตสฺมา ววตฺถานํ กตฺวา นิปชฺชิตุํ น วฎฺฎตีติ เอเกฯ วิปุลตเร วฎฺฎตีติ เอเกฯ ‘‘อนฺตรํ กตฺวา นิปชฺชิตุํ วฎฺฎตี’’ติ โปราณคณฺฐิปเท ลิขิตํฯ
934-5.Ekāya nipannāya aparā nipajjati, āpatti pācittiyassāti ‘‘ubhinnampi paṭhamanipannāya anuṭṭhāpanā’’ti vatvā ettha kiriyākiriyanti eke, taṃ aṭṭhakathāya virujjhati. ‘‘Kiriya’’nti hi aṭṭhakathāyaṃ vuttaṃ. Atha kassā āpattīti? Ubhinnampi nipajjanakiriyaṃ paṭicca. Imassa anāpattivāre ‘‘vavatthānaṃ dassetvā’’ti natthi, tasmā vavatthānaṃ katvā nipajjituṃ na vaṭṭatīti eke. Vipulatare vaṭṭatīti eke. ‘‘Antaraṃ katvā nipajjituṃ vaṭṭatī’’ti porāṇagaṇṭhipade likhitaṃ.
ปฐมสิกฺขาปทวณฺณนา นิฎฺฐิตาฯ
Paṭhamasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๑. ปฐมสิกฺขาปทํ • 1. Paṭhamasikkhāpadaṃ
