| Library / Tipiṭaka / တိပိဋက • Tipiṭaka / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā |
၃. နဂ္ဂဝဂ္ဂော
3. Naggavaggo
၁. ပဌမသိက္ခာပဒဝဏ္ဏနာ
1. Paṭhamasikkhāpadavaṇṇanā
၈၈၃-၆. နဂ္ဂဝဂ္ဂသ္သ ပဌမသိက္ခာပဒေ – ဗ္ရဟ္မစရိယံ စိဏ္ဏေနာတိ ဗ္ရဟ္မစရိယေန စိဏ္ဏေန; အထ ဝာ ဗ္ရဟ္မစရိယသ္သ စရဏေနာတိ; ဧဝံ ကရဏတ္ထေ ဝာ သာမိအတ္ထေ ဝာ ဥပယောဂဝစနံ ဝေဒိတဗ္ဗံ။ အစ္ဆိန္နစီဝရိကာယာတိ ဣဒံ ဥဒကသာဋိကံ သန္ဓာယ ဝုတ္တံ, န အညံ စီဝရံ။ တသ္မာ ဥဒကသာဋိကာယ အစ္ဆိန္နာယ ဝာ နဋ္ဌာယ ဝာ နဂ္ဂာယ န္ဟာယန္တိယာ အနာပတ္တိ။ သစေပိ ဥဒကသာဋိကစီဝရံ မဟဂ္ဃံ ဟောတိ, န သက္ကာ နိဝာသေတ္ဝာ ဗဟိ ဂန္တုံ, ဧဝမ္ပိ နဂ္ဂာယ န္ဟာယိတုံ ဝဋ္ဋတိ။ သေသမေတ္ထ ဥတ္တာနမေဝ။
883-6. Naggavaggassa paṭhamasikkhāpade – brahmacariyaṃ ciṇṇenāti brahmacariyena ciṇṇena; atha vā brahmacariyassa caraṇenāti; evaṃ karaṇatthe vā sāmiatthe vā upayogavacanaṃ veditabbaṃ. Acchinnacīvarikāyāti idaṃ udakasāṭikaṃ sandhāya vuttaṃ, na aññaṃ cīvaraṃ. Tasmā udakasāṭikāya acchinnāya vā naṭṭhāya vā naggāya nhāyantiyā anāpatti. Sacepi udakasāṭikacīvaraṃ mahagghaṃ hoti, na sakkā nivāsetvā bahi gantuṃ, evampi naggāya nhāyituṃ vaṭṭati. Sesamettha uttānameva.
ဧဠကလောမသမုဋ္ဌာနံ – ကိရိယံ, နောသညာဝိမောက္ခံ, အစိတ္တကံ, ပဏ္ဏတ္တိဝဇ္ဇံ, ကာယကမ္မံ, တိစိတ္တံ, တိဝေဒနန္တိ။
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ပဌမသိက္ခာပဒံ။
Paṭhamasikkhāpadaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁. ပဌမသိက္ခာပဒံ • 1. Paṭhamasikkhāpadaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၃. နဂ္ဂဝဂ္ဂဝဏ္ဏနာ • 3. Naggavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁-၂. ပဌမဒုတိယသိက္ခာပဒဝဏ္ဏနာ • 1-2. Paṭhamadutiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမာဒိသိက္ခာပဒဝဏ္ဏနာ • 1. Paṭhamādisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁. ပဌမသိက္ခာပဒ-အတ္ထယောဇနာ • 1. Paṭhamasikkhāpada-atthayojanā
