| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༦. ཨཱརཱམཝགྒོ
6. Ārāmavaggo
༡. པཋམསིཀྑཱཔདཝཎྞནཱ
1. Paṭhamasikkhāpadavaṇṇanā
༡༠༢༥. ཨཱརཱམཝགྒསྶ པཋམསིཀྑཱཔདེ – པརིཀྑེཔཾ ཨཏིཀྐཱམེནྟིཡཱ, ཨུཔཙཱརཾ ཨོཀྐམནྟིཡཱཏི ཨེཏྠ པཋམཔཱདེ དུཀྐཊཾ, དུཏིཡཔཱདེ པཱཙིཏྟིཡཾ།
1025. Ārāmavaggassa paṭhamasikkhāpade – parikkhepaṃ atikkāmentiyā, upacāraṃ okkamantiyāti ettha paṭhamapāde dukkaṭaṃ, dutiyapāde pācittiyaṃ.
༡༠༢༧. སཱིསཱནུལོཀིཀཱཏི པཋམཾ པཝིསནྟཱིནཾ བྷིཀྑུནཱིནཾ སཱིསཾ ཨནུལོཀེནྟཱི པཝིསཏི, ཨནཱཔཏྟི། ཡཏྠ བྷིཀྑུནིཡོཏི ཡཏྠ བྷིཀྑུནིཡོ པཋམཏརཾ པཝིསིཏྭཱ སཛ྄ཛྷཱཡཙེཏིཡཝནྡནཱདཱིནི ཀརོནྟི, ཏཏྠ ཏཱསཾ སནྟིཀཾ གཙྪཱམཱིཏི གནྟུཾ ཝཊྚཏི། ཨཱཔདཱསཱུཏི ཀེནཙི ཨུཔདྡུཏཱ ཧོཏི, ཨེཝརཱུཔཱསུ ཨཱཔདཱསུ པཝིསིཏུཾ ཝཊྚཏི། སེསཾ ཨུཏྟཱནམེཝ།
1027.Sīsānulokikāti paṭhamaṃ pavisantīnaṃ bhikkhunīnaṃ sīsaṃ anulokentī pavisati, anāpatti. Yattha bhikkhuniyoti yattha bhikkhuniyo paṭhamataraṃ pavisitvā sajjhāyacetiyavandanādīni karonti, tattha tāsaṃ santikaṃ gacchāmīti gantuṃ vaṭṭati. Āpadāsūti kenaci upaddutā hoti, evarūpāsu āpadāsu pavisituṃ vaṭṭati. Sesaṃ uttānameva.
དྷུརནིཀྑེཔསམུཊྛཱནཾ – ཀིརིཡཱཀིརིཡཾ, སཉྙཱཝིམོཀྑཾ, སཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
Dhuranikkhepasamuṭṭhānaṃ – kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
པཋམསིཀྑཱཔདཾ།
Paṭhamasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡. པཋམསིཀྑཱཔདཾ • 1. Paṭhamasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམཱདིསིཀྑཱཔདཝཎྞནཱ • 1. Paṭhamādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. པཋམསིཀྑཱཔད-ཨཏྠཡོཛནཱ • 1. Paṭhamasikkhāpada-atthayojanā
