| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੫. ਚਿਤ੍ਤਾਗਾਰવਗ੍ਗੋ
5. Cittāgāravaggo
੧. ਪਠਮਸਿਕ੍ਖਾਪਦવਣ੍ਣਨਾ
1. Paṭhamasikkhāpadavaṇṇanā
੯੭੮. ਚਿਤ੍ਤਾਗਾਰવਗ੍ਗਸ੍ਸ ਪਠਮਸਿਕ੍ਖਾਪਦੇ – ਰਾਜਾਗਾਰਨ੍ਤਿ ਰਞ੍ਞੋ ਕੀਲ਼ਨਘਰਂ। ਚਿਤ੍ਤਾਗਾਰਨ੍ਤਿ ਕੀਲ਼ਨਚਿਤ੍ਤਸਾਲਂ। ਆਰਾਮਨ੍ਤਿ ਕੀਲ਼ਨਉਪવਨਂ। ਉਯ੍ਯਾਨਨ੍ਤਿ ਕੀਲ਼ਨੁਯ੍ਯਾਨਂ। ਪੋਕ੍ਖਰਣੀਨ੍ਤਿ ਕੀਲ਼ਨਪੋਕ੍ਖਰਣਿਂ। ਤਸ੍ਮਾਯੇવ ਪਦਭਾਜਨੇ ‘‘ਯਤ੍ਥ ਕਤ੍ਥਚਿ ਰਞ੍ਞੋ ਕੀਲ਼ਿਤੁ’’ਨ੍ਤਿਆਦਿ વੁਤ੍ਤਂ। ਦਸ੍ਸਨਾਯ ਗਚ੍ਛਤਿ ਆਪਤ੍ਤਿ ਦੁਕ੍ਕਟਸ੍ਸਾਤਿ ਏਤ੍ਥ ਪਦવਾਰਗਣਨਾਯ ਦੁਕ੍ਕਟਂ। ਯਤ੍ਥ ਠਿਤਾ ਪਸ੍ਸਤੀਤਿ ਏਤ੍ਥ ਪਨ ਸਚੇ ਏਕਸ੍ਮਿਂਯੇવ ਠਾਨੇ ਠਿਤਾ ਪਦਂ ਅਨੁਦ੍ਧਰਮਾਨਾ ਪਞ੍ਚਪਿ ਪਸ੍ਸਤਿ, ਏਕਮੇવ ਪਾਚਿਤ੍ਤਿਯਂ। ਤਂ ਤਂ ਦਿਸਾਭਾਗਂ ਓਲੋਕੇਤ੍વਾ ਪਸ੍ਸਨ੍ਤਿਯਾ ਪਨ ਪਾਟੇਕ੍ਕਾ ਆਪਤ੍ਤਿਯੋ। ਭਿਕ੍ਖੁਸ੍ਸ ਪਨ ਸਬ੍ਬਤ੍ਥ ਦੁਕ੍ਕਟਂ।
978. Cittāgāravaggassa paṭhamasikkhāpade – rājāgāranti rañño kīḷanagharaṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharaṇīnti kīḷanapokkharaṇiṃ. Tasmāyeva padabhājane ‘‘yattha katthaci rañño kīḷitu’’ntiādi vuttaṃ. Dassanāya gacchati āpatti dukkaṭassāti ettha padavāragaṇanāya dukkaṭaṃ. Yattha ṭhitā passatīti ettha pana sace ekasmiṃyeva ṭhāne ṭhitā padaṃ anuddharamānā pañcapi passati, ekameva pācittiyaṃ. Taṃ taṃ disābhāgaṃ oloketvā passantiyā pana pāṭekkā āpattiyo. Bhikkhussa pana sabbattha dukkaṭaṃ.
੯੮੧. ਆਰਾਮੇ ਠਿਤਾਤਿ ਅਜ੍ਝਾਰਾਮੇ ਰਾਜਾਗਾਰਾਦੀਨਿ ਕਰੋਨ੍ਤਿ, ਤਾਨਿ ਪਸ੍ਸਨ੍ਤਿਯਾ ਅਨਾਪਤ੍ਤਿ। ਗਚ੍ਛਨ੍ਤੀ વਾ ਆਗਚ੍ਛਨ੍ਤੀ વਾਤਿ ਪਿਣ੍ਡਪਾਤਾਦੀਨਂ ਅਤ੍ਥਾਯ ਗਚ੍ਛਨ੍ਤਿਯਾ ਮਗ੍ਗੋ ਹੋਤਿ, ਤਾਨਿ ਪਸ੍ਸਤਿ, ਅਨਾਪਤ੍ਤਿ। ਸਤਿ ਕਰਣੀਯੇ ਗਨ੍ਤ੍વਾਤਿ ਰਞ੍ਞੋ ਸਨ੍ਤਿਕਂ ਕੇਨਚਿ ਕਰਣੀਯੇਨ ਗਨ੍ਤ੍વਾ ਪਸ੍ਸਤਿ, ਅਨਾਪਤ੍ਤਿ। ਆਪਦਾਸੂਤਿ ਕੇਨਚਿ ਉਪਦ੍ਦੁਤਾ ਪવਿਸਿਤ੍વਾ ਪਸ੍ਸਤਿ, ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવ।
981.Ārāme ṭhitāti ajjhārāme rājāgārādīni karonti, tāni passantiyā anāpatti. Gacchantī vā āgacchantī vāti piṇḍapātādīnaṃ atthāya gacchantiyā maggo hoti, tāni passati, anāpatti. Sati karaṇīye gantvāti rañño santikaṃ kenaci karaṇīyena gantvā passati, anāpatti. Āpadāsūti kenaci upaddutā pavisitvā passati, anāpatti. Sesaṃ uttānameva.
ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ।
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ, akusalacittaṃ, tivedananti.
ਪਠਮਸਿਕ੍ਖਾਪਦਂ।
Paṭhamasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧. ਪਠਮਸਿਕ੍ਖਾਪਦਂ • 1. Paṭhamasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਚਿਤ੍ਤਾਗਾਰવਗ੍ਗવਣ੍ਣਨਾ • 5. Cittāgāravaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਠਮਸਿਕ੍ਖਾਪਦવਣ੍ਣਨਾ • 1. Paṭhamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਪਠਮਸਿਕ੍ਖਾਪਦ-ਅਤ੍ਥਯੋਜਨਾ • 1. Paṭhamasikkhāpada-atthayojanā
