| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൬. ആരാമവഗ്ഗോ
6. Ārāmavaggo
൧. പഠമസിക്ഖാപദവണ്ണനാ
1. Paṭhamasikkhāpadavaṇṇanā
൧൦൨൫. ആരാമവഗ്ഗസ്സ പഠമസിക്ഖാപദേ – പരിക്ഖേപം അതിക്കാമേന്തിയാ, ഉപചാരം ഓക്കമന്തിയാതി ഏത്ഥ പഠമപാദേ ദുക്കടം, ദുതിയപാദേ പാചിത്തിയം.
1025. Ārāmavaggassa paṭhamasikkhāpade – parikkhepaṃ atikkāmentiyā, upacāraṃ okkamantiyāti ettha paṭhamapāde dukkaṭaṃ, dutiyapāde pācittiyaṃ.
൧൦൨൭. സീസാനുലോകികാതി പഠമം പവിസന്തീനം ഭിക്ഖുനീനം സീസം അനുലോകേന്തീ പവിസതി, അനാപത്തി. യത്ഥ ഭിക്ഖുനിയോതി യത്ഥ ഭിക്ഖുനിയോ പഠമതരം പവിസിത്വാ സജ്ഝായചേതിയവന്ദനാദീനി കരോന്തി, തത്ഥ താസം സന്തികം ഗച്ഛാമീതി ഗന്തും വട്ടതി. ആപദാസൂതി കേനചി ഉപദ്ദുതാ ഹോതി, ഏവരൂപാസു ആപദാസു പവിസിതും വട്ടതി. സേസം ഉത്താനമേവ.
1027.Sīsānulokikāti paṭhamaṃ pavisantīnaṃ bhikkhunīnaṃ sīsaṃ anulokentī pavisati, anāpatti. Yattha bhikkhuniyoti yattha bhikkhuniyo paṭhamataraṃ pavisitvā sajjhāyacetiyavandanādīni karonti, tattha tāsaṃ santikaṃ gacchāmīti gantuṃ vaṭṭati. Āpadāsūti kenaci upaddutā hoti, evarūpāsu āpadāsu pavisituṃ vaṭṭati. Sesaṃ uttānameva.
ധുരനിക്ഖേപസമുട്ഠാനം – കിരിയാകിരിയം, സഞ്ഞാവിമോക്ഖം, സചിത്തകം, പണ്ണത്തിവജ്ജം, കായകമ്മം, വചീകമ്മം, തിചിത്തം, തിവേദനന്തി.
Dhuranikkhepasamuṭṭhānaṃ – kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
പഠമസിക്ഖാപദം.
Paṭhamasikkhāpadaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൧. പഠമസിക്ഖാപദം • 1. Paṭhamasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമാദിസിക്ഖാപദവണ്ണനാ • 1. Paṭhamādisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧. പഠമസിക്ഖാപദ-അത്ഥയോജനാ • 1. Paṭhamasikkhāpada-atthayojanā
