| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. батамасигкаасуд̇д̇ам̣
6. Paṭhamasikkhāsuttaṃ
87. ‘‘саад̇хигамид̣̇ам̣ , бхигкавз, д̣̇ияад̣дхасигкаабад̣̇асад̇ам̣ анвад̣̇д̇хамаасам̣ уд̣̇д̣̇зсам̣ ааг̇ажчад̇и, яад̇т̇а ад̇д̇агаамаа гулабуд̇д̇аа сигканд̇и. д̇иссо имаа, бхигкавз, сигкаа яад̇т̇зд̇ам̣ саб̣б̣ам̣ самод̇хаанам̣ г̇ажчад̇и. гад̇амаа д̇иссо? ад̇хисийласигкаа, ад̇хижид̇д̇асигкаа ад̇хибан̃н̃аасигкаа – имаа ко, бхигкавз, д̇иссо сигкаа, яад̇т̇зд̇ам̣ саб̣б̣ам̣ самод̇хаанам̣ г̇ажчад̇и.
87. ‘‘Sādhikamidaṃ , bhikkhave, diyaḍḍhasikkhāpadasataṃ anvaddhamāsaṃ uddesaṃ āgacchati, yattha attakāmā kulaputtā sikkhanti. Tisso imā, bhikkhave, sikkhā yatthetaṃ sabbaṃ samodhānaṃ gacchati. Katamā tisso? Adhisīlasikkhā, adhicittasikkhā adhipaññāsikkhā – imā kho, bhikkhave, tisso sikkhā, yatthetaṃ sabbaṃ samodhānaṃ gacchati.
‘‘ид̇ха, бхигкавз, бхигку сийлзсу барибуурагаарий ход̇и самаад̇хисмим̣ мад̇д̇асо гаарий бан̃н̃ааяа мад̇д̇асо гаарий. со яаани д̇аани куд̣̇д̣̇аанукуд̣̇д̣̇агаани сигкаабад̣̇аани д̇аани аабаж̇ж̇ад̇иби вудтаад̇иби. д̇ам̣ гисса хзд̇у? на хи мзд̇т̇а, бхигкавз, абхаб̣б̣ад̇аа вуд̇д̇аа. яаани жа ко д̇аани сигкаабад̣̇аани аад̣̇иб̣рахмажарияагаани б̣рахмажарияасааруббаани, д̇ад̇т̇а д̇хувасийло 1 жа ход̇и тид̇асийло 2 жа, самаад̣̇ааяа сигкад̇и сигкаабад̣̇зсу. со д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о.
‘‘Idha, bhikkhave, bhikkhu sīlesu paripūrakārī hoti samādhismiṃ mattaso kārī paññāya mattaso kārī. So yāni tāni khuddānukhuddakāni sikkhāpadāni tāni āpajjatipi vuṭṭhātipi. Taṃ kissa hetu? Na hi mettha, bhikkhave, abhabbatā vuttā. Yāni ca kho tāni sikkhāpadāni ādibrahmacariyakāni brahmacariyasāruppāni, tattha dhuvasīlo 3 ca hoti ṭhitasīlo 4 ca, samādāya sikkhati sikkhāpadesu. So tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo.
‘‘ид̇ха бана, бхигкавз, бхигку сийлзсу барибуурагаарий ход̇и самаад̇хисмим̣ мад̇д̇асо гаарий бан̃н̃ааяа мад̇д̇асо гаарий. со яаани д̇аани куд̣̇д̣̇аанукуд̣̇д̣̇агаани сигкаабад̣̇аани д̇аани аабаж̇ж̇ад̇иби вудтаад̇иби. д̇ам̣ гисса хзд̇у? на хи мзд̇т̇а, бхигкавз, абхаб̣б̣ад̇аа вуд̇д̇аа. яаани жа ко д̇аани сигкаабад̣̇аани аад̣̇иб̣рахмажарияагаани б̣рахмажарияасааруббаани д̇ад̇т̇а д̇хувасийло жа ход̇и тид̇асийло жа, самаад̣̇ааяа сигкад̇и сигкаабад̣̇зсу. со д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и.
‘‘Idha pana, bhikkhave, bhikkhu sīlesu paripūrakārī hoti samādhismiṃ mattaso kārī paññāya mattaso kārī. So yāni tāni khuddānukhuddakāni sikkhāpadāni tāni āpajjatipi vuṭṭhātipi. Taṃ kissa hetu? Na hi mettha, bhikkhave, abhabbatā vuttā. Yāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu. So tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva imaṃ lokaṃ āgantvā dukkhassantaṃ karoti.
‘‘ид̇ха бана, бхигкавз, бхигку сийлзсу барибуурагаарий ход̇и самаад̇хисмим̣ барибуурагаарий бан̃н̃ааяа мад̇д̇асо гаарий. со яаани д̇аани куд̣̇д̣̇аанукуд̣̇д̣̇агаани сигкаабад̣̇аани д̇аани аабаж̇ж̇ад̇иби вудтаад̇иби. д̇ам̣ гисса хзд̇у? на хи мзд̇т̇а, бхигкавз, абхаб̣б̣ад̇аа вуд̇д̇аа. яаани жа ко д̇аани сигкаабад̣̇аани аад̣̇иб̣рахмажарияагаани б̣рахмажарияасааруббаани д̇ад̇т̇а д̇хувасийло жа ход̇и тид̇асийло жа, самаад̣̇ааяа сигкад̇и сигкаабад̣̇зсу. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа.
‘‘Idha pana, bhikkhave, bhikkhu sīlesu paripūrakārī hoti samādhismiṃ paripūrakārī paññāya mattaso kārī. So yāni tāni khuddānukhuddakāni sikkhāpadāni tāni āpajjatipi vuṭṭhātipi. Taṃ kissa hetu? Na hi mettha, bhikkhave, abhabbatā vuttā. Yāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu. So pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā.
‘‘ид̇ха бана, бхигкавз, бхигку сийлзсу барибуурагаарий ход̇и самаад̇хисмим̣ барибуурагаарий бан̃н̃ааяа барибуурагаарий. со яаани д̇аани куд̣̇д̣̇аанукуд̣̇д̣̇агаани сигкаабад̣̇аани д̇аани аабаж̇ж̇ад̇иби вудтаад̇иби. д̇ам̣ гисса хзд̇у? на хи мзд̇т̇а, бхигкавз, абхаб̣б̣ад̇аа вуд̇д̇аа. яаани жа ко д̇аани сигкаабад̣̇аани аад̣̇иб̣рахмажарияагаани б̣рахмажарияасааруббаани д̇ад̇т̇а д̇хувасийло жа ход̇и тид̇асийло жа, самаад̣̇ааяа сигкад̇и сигкаабад̣̇зсу. со аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и.
‘‘Idha pana, bhikkhave, bhikkhu sīlesu paripūrakārī hoti samādhismiṃ paripūrakārī paññāya paripūrakārī. So yāni tāni khuddānukhuddakāni sikkhāpadāni tāni āpajjatipi vuṭṭhātipi. Taṃ kissa hetu? Na hi mettha, bhikkhave, abhabbatā vuttā. Yāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati.
‘‘ид̇и ко, бхигкавз, бад̣̇зсам̣ бад̣̇зсагаарий аараад̇хзд̇и барибуурам̣ барибуурагаарий. аван̃жхаани д̇взваахам̣ 5, бхигкавз, сигкаабад̣̇аани вад̣̇аамий’’д̇и. чадтам̣.
‘‘Iti kho, bhikkhave, padesaṃ padesakārī ārādheti paripūraṃ paripūrakārī. Avañjhāni tvevāhaṃ 6, bhikkhave, sikkhāpadāni vadāmī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. батамасигкаасуд̇д̇аван̣н̣анаа • 6. Paṭhamasikkhāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. батамасигкаасуд̇д̇аван̣н̣анаа • 6. Paṭhamasikkhāsuttavaṇṇanā
