| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. батамасигкаасуд̇д̇аван̣н̣анаа
6. Paṭhamasikkhāsuttavaṇṇanā
87. чадтз ад̇д̇агаамаад̇и ад̇д̇ано хид̇агаамаа. яад̇т̇зд̇ам̣ саб̣б̣ам̣ самод̇хаанам̣ г̇ажчад̇ийд̇и яаасу сигкаасу саб̣б̣амзд̇ам̣ д̣̇ияад̣дхасигкаабад̣̇асад̇ам̣ сан̇г̇ахам̣ г̇ажчад̇и. барибуурагаарий ход̇ийд̇и самад̇д̇агаарий ход̇и. мад̇д̇асо гаарийд̇и бамаан̣зна гаараго, саб̣б̣зна саб̣б̣ам̣ гаад̇ум̣ на саггод̇ийд̇и ад̇т̇о. куд̣̇д̣̇аанукуд̣̇д̣̇агаанийд̇и жад̇д̇аари баарааж̇игаани табзд̇ваа сзсасигкаабад̣̇аани. д̇ад̇рааби сан̇гхаад̣̇исзсам̣ куд̣̇д̣̇агам̣, т̇уллажжаяам̣ анукуд̣̇д̣̇агам̣ наама. т̇уллажжаяан̃жа куд̣̇д̣̇агам̣, баажид̇д̇ияам̣ анукуд̣̇д̣̇агам̣ наама, баажид̇д̇ияан̃жа куд̣̇д̣̇агам̣, баадид̣̇зсанияад̣̇уггадад̣̇уб̣бхаасид̇аани анукуд̣̇д̣̇агаани наама. имз бана ан̇г̇уд̇д̇арамахаанигааяавал̣ан̃ж̇анагааажарияаа ‘‘жад̇д̇аари баарааж̇игаани табзд̇ваа сзсаани саб̣б̣ааниби куд̣̇д̣̇аанукуд̣̇д̣̇агааний’’д̇и вад̣̇анд̇и. д̇аани аабаж̇ж̇ад̇иби вудтаад̇ибийд̇и зд̇т̇а бана кийн̣аасаво д̇аава логаваж̇ж̇ам̣ наабаж̇ж̇ад̇и, бан̣н̣ад̇д̇иваж̇ж̇амзва аабаж̇ж̇ад̇и. аабаж̇ж̇анд̇о жа гааязнаби ваажааяаби жид̇д̇знаби аабаж̇ж̇ад̇и. гааязна аабаж̇ж̇анд̇о гудигаарасахасзяяаад̣̇ийни аабаж̇ж̇ад̇и, ваажааяа аабаж̇ж̇анд̇о сан̃жарид̇д̇абад̣̇асод̇хаммаад̣̇ийни, жид̇д̇зна аабаж̇ж̇анд̇о руубияабадиг̇г̇ахан̣ам̣ аабаж̇ж̇ад̇и. сзгкзсуби зсзва наяо. на хи мзд̇т̇а, бхигкавз, абхаб̣б̣ад̇аа вуд̇д̇аад̇и, бхигкавз, на хи маяаа зд̇т̇а зваруубам̣ аабад̇д̇им̣ аабаж̇ж̇анз жа вудтаанз жа арияабуг̇г̇аласса абхаб̣б̣ад̇аа гат̇ид̇аа. аад̣̇иб̣рахмажарияагаанийд̇и маг̇г̇аб̣рахмажарияасса аад̣̇ибхууд̇аани жад̇д̇аари махаасийласигкаабад̣̇аани. б̣рахмажарияасааруббаанийд̇и д̇ааниязва жад̇умаг̇г̇аб̣рахмажарияасса сааруббаани анужчавигаани. д̇ад̇т̇аад̇и д̇зсу сигкаабад̣̇зсу. д̇хувасийлод̇и ниб̣ад̣̇д̇хасийло. тид̇асийлод̇и бад̇идтид̇асийло. сод̇аабаннод̇и сод̇асан̇каад̇зна маг̇г̇зна палам̣ аабанно. авинибаад̇ад̇хаммод̇и жад̇уусу абааязсу абад̇анасабхааво. нияад̇од̇и сод̇аабад̇д̇имаг̇г̇анияаамзна нияад̇о. самб̣од̇хибарааяан̣од̇и убаримаг̇г̇ад̇д̇аяасамб̣од̇хибарааяан̣о.
87. Chaṭṭhe attakāmāti attano hitakāmā. Yatthetaṃ sabbaṃ samodhānaṃ gacchatīti yāsu sikkhāsu sabbametaṃ diyaḍḍhasikkhāpadasataṃ saṅgahaṃ gacchati. Paripūrakārī hotīti samattakārī hoti. Mattaso kārīti pamāṇena kārako, sabbena sabbaṃ kātuṃ na sakkotīti attho. Khuddānukhuddakānīti cattāri pārājikāni ṭhapetvā sesasikkhāpadāni. Tatrāpi saṅghādisesaṃ khuddakaṃ, thullaccayaṃ anukhuddakaṃ nāma. Thullaccayañca khuddakaṃ, pācittiyaṃ anukhuddakaṃ nāma, pācittiyañca khuddakaṃ, pāṭidesaniyadukkaṭadubbhāsitāni anukhuddakāni nāma. Ime pana aṅguttaramahānikāyavaḷañjanakaācariyā ‘‘cattāri pārājikāni ṭhapetvā sesāni sabbānipi khuddānukhuddakānī’’ti vadanti. Tāni āpajjatipi vuṭṭhātipīti ettha pana khīṇāsavo tāva lokavajjaṃ nāpajjati, paṇṇattivajjameva āpajjati. Āpajjanto ca kāyenapi vācāyapi cittenapi āpajjati. Kāyena āpajjanto kuṭikārasahaseyyādīni āpajjati, vācāya āpajjanto sañcarittapadasodhammādīni, cittena āpajjanto rūpiyapaṭiggahaṇaṃ āpajjati. Sekkhesupi eseva nayo. Na hi mettha, bhikkhave, abhabbatā vuttāti, bhikkhave, na hi mayā ettha evarūpaṃ āpattiṃ āpajjane ca vuṭṭhāne ca ariyapuggalassa abhabbatā kathitā. Ādibrahmacariyakānīti maggabrahmacariyassa ādibhūtāni cattāri mahāsīlasikkhāpadāni. Brahmacariyasāruppānīti tāniyeva catumaggabrahmacariyassa sāruppāni anucchavikāni. Tatthāti tesu sikkhāpadesu. Dhuvasīloti nibaddhasīlo. Ṭhitasīloti patiṭṭhitasīlo. Sotāpannoti sotasaṅkhātena maggena phalaṃ āpanno. Avinipātadhammoti catūsu apāyesu apatanasabhāvo. Niyatoti sotāpattimagganiyāmena niyato. Sambodhiparāyaṇoti uparimaggattayasambodhiparāyaṇo.
д̇ануд̇д̇аад̇и д̇анубхааво. сагад̣̇ааг̇аамино хи рааг̇аад̣̇аяо аб̣бхабадалам̣ вияа мажчигаабад̇д̇ам̣ вияа жа д̇анугаа хонд̇и, на б̣ахалаа. орамбхааг̇ияаананд̇и хздтаабхааг̇ияаанам̣. сам̣яож̇анаананд̇и б̣анд̇ханаанам̣. баригкаяаад̇и баригкаязна. обабаад̇иго ход̇ийд̇и уббаннаго ход̇и. д̇ад̇т̇а бариниб̣б̣ааяийд̇и хздтаа анод̇арид̇ваа убариязва бариниб̣б̣аанад̇хаммо. анаавад̇д̇ид̇хаммод̇и яониг̇ад̇ивасзна анааг̇аманад̇хаммо.
Tanuttāti tanubhāvo. Sakadāgāmino hi rāgādayo abbhapaṭalaṃ viya macchikāpattaṃ viya ca tanukā honti, na bahalā. Orambhāgiyānanti heṭṭhābhāgiyānaṃ. Saṃyojanānanti bandhanānaṃ. Parikkhayāti parikkhayena. Opapātiko hotīti uppannako hoti. Tattha parinibbāyīti heṭṭhā anotaritvā upariyeva parinibbānadhammo. Anāvattidhammoti yonigativasena anāgamanadhammo.
бад̣̇зсам̣ бад̣̇зсагаарийд̇иаад̣̇ийсу бад̣̇зсагаарий буг̇г̇ало наама сод̇аабанно жа сагад̣̇ааг̇аамий жа анааг̇аамий жа, со бад̣̇зсамзва самбаад̣̇зд̇и. барибуурагаарий наама арахаа, со барибуурамзва самбаад̣̇зд̇и. аван̃жхаанийд̇и ад̇ужчаани сапалаани сауд̣̇раяаанийд̇и ад̇т̇о. ид̇хааби д̇иссо сигкаа миссагаава гат̇ид̇аа.
Padesaṃ padesakārītiādīsu padesakārī puggalo nāma sotāpanno ca sakadāgāmī ca anāgāmī ca, so padesameva sampādeti. Paripūrakārī nāma arahā, so paripūrameva sampādeti. Avañjhānīti atucchāni saphalāni saudrayānīti attho. Idhāpi tisso sikkhā missakāva kathitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. батамасигкаасуд̇д̇ам̣ • 6. Paṭhamasikkhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. батамасигкаасуд̇д̇аван̣н̣анаа • 6. Paṭhamasikkhāsuttavaṇṇanā
