| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. батамасигкаасуд̇д̇аван̣н̣анаа
6. Paṭhamasikkhāsuttavaṇṇanā
87. чадтз самад̇д̇агаарийд̇и ануунзна барибуурзна аагаарзна саманнааг̇ад̇о. сигкаабад̣̇аанам̣ куд̣̇д̣̇аанукуд̣̇д̣̇агад̇д̇ам̣ абзгкаасид̣̇д̇ханд̇и ааха ‘‘д̇ад̇рааби сан̇гхаад̣̇исзсам̣ куд̣̇д̣̇ага’’нд̇иаад̣̇и. ан̇г̇уд̇д̇арамахаанигааяавал̣ан̃ж̇анагааажарияаад̇и ан̇г̇уд̇д̇аранигааяам̣ барихаранд̇аа аажарияаа, ан̇г̇уд̇д̇арабхаан̣агаад̇и вуд̇д̇ам̣ ход̇и. логаваж̇ж̇ам̣ наабаж̇ж̇ад̇и логаваж̇ж̇асигкаабад̣̇аанам̣ вийд̇иггамасаад̇хагасса гилзсаг̇аханасса саб̣б̣асо бахийнад̇д̇аа. бан̣н̣ад̇д̇иваж̇ж̇амзва аабаж̇ж̇ад̇и бан̣н̣ад̇д̇ивийд̇иггамам̣ ваа аж̇аанад̇оби аабад̇д̇исамбхавад̇о. жид̇д̇зна аабаж̇ж̇анд̇о руубияаббадиг̇г̇ахан̣ам̣ аабаж̇ж̇ад̇ийд̇и убанигкид̇д̇асаад̣̇иязна аабаж̇ж̇ад̇и.
87. Chaṭṭhe samattakārīti anūnena paripūrena ākārena samannāgato. Sikkhāpadānaṃ khuddānukhuddakattaṃ apekkhāsiddhanti āha ‘‘tatrāpi saṅghādisesaṃ khuddaka’’ntiādi. Aṅguttaramahānikāyavaḷañjanakaācariyāti aṅguttaranikāyaṃ pariharantā ācariyā, aṅguttarabhāṇakāti vuttaṃ hoti. Lokavajjaṃ nāpajjati lokavajjasikkhāpadānaṃ vītikkamasādhakassa kilesagahanassa sabbaso pahīnattā. Paṇṇattivajjameva āpajjati paṇṇattivītikkamaṃ vā ajānatopi āpattisambhavato. Cittena āpajjanto rūpiyappaṭiggahaṇaṃ āpajjatīti upanikkhittasādiyena āpajjati.
б̣рахмажарияасса аад̣̇ибхууд̇аани аад̣̇иб̣рахмажарияаани, д̇аани зва аад̣̇иб̣рахмажарияагаани яат̇аа ‘‘винаяо зва взнаяиго’’д̇и ааха ‘‘маг̇г̇аб̣рахмажарияассаа’’д̇иаад̣̇и. жад̇д̇аари махаасийласигкаабад̣̇аанийд̇и жад̇д̇аари баарааж̇игаани санд̇хааяа вад̣̇ад̇и. бадибагкад̇хаммаанам̣ анавасзсад̇о саванад̇о баг̇гхаран̣ад̇о сод̇о, арияамаг̇г̇од̇и ааха ‘‘сод̇асан̇каад̇зна маг̇г̇знаа’’д̇и. винибаад̇зд̇и вируубам̣ сад̣̇угкам̣ саубааяаасам̣ нибаад̇зд̇ийд̇и винибаад̇о, абааяад̣̇угкз кибанаго. д̇хаммод̇и сабхааво. наасса винибаад̇о д̇хаммод̇и авинибаад̇ад̇хаммо, на ад̇д̇аанам̣ абааязсу винибаад̇анасабхаавод̇и вуд̇д̇ам̣ ход̇и. гасмаа? яз д̇хаммаа абааяаг̇аманийяаа, д̇зсам̣ бахийнад̇д̇аа. д̇знааха ‘‘авинибаад̇ад̇хаммод̇и жад̇уусу абааязсу абад̇анасабхааво’’д̇и. д̇ад̇т̇а абад̇анасабхаавод̇и ануббаж̇ж̇анасабхааво. сод̇аабад̇д̇имаг̇г̇анияаамзна нияад̇од̇и убаримаг̇г̇аад̇хиг̇амасса авассам̣бхаавийбхаавад̇о нияад̇о. д̇знзвааха ‘‘самб̣од̇хибарааяан̣о’’д̇и. хздтиманд̇ад̇о сад̇д̇амабхавад̇о убари ануббаж̇ж̇анад̇хаммад̇ааяа ваа нияад̇о. самб̣уж̇жхад̇ийд̇и самб̣од̇хи, арияамаг̇г̇о. со бана батамамаг̇г̇асса ад̇хиг̇ад̇ад̇д̇аа авасидто жа ад̇хиг̇анд̇аб̣б̣абхаавзна ижчид̇аб̣б̣од̇и убаримаг̇г̇ад̇д̇аяасан̇каад̇аа самб̣од̇хи барам̣ аяанам̣ бараа г̇ад̇и ассаад̇и самб̣од̇хибарааяан̣о. д̇знааха ‘‘убаримаг̇г̇ад̇д̇аяасамб̣од̇хибарааяан̣о’’д̇и.
Brahmacariyassa ādibhūtāni ādibrahmacariyāni, tāni eva ādibrahmacariyakāni yathā ‘‘vinayo eva venayiko’’ti āha ‘‘maggabrahmacariyassā’’tiādi. Cattāri mahāsīlasikkhāpadānīti cattāri pārājikāni sandhāya vadati. Paṭipakkhadhammānaṃ anavasesato savanato paggharaṇato soto, ariyamaggoti āha ‘‘sotasaṅkhātena maggenā’’ti. Vinipāteti virūpaṃ sadukkhaṃ saupāyāsaṃ nipātetīti vinipāto, apāyadukkhe khipanako. Dhammoti sabhāvo. Nāssa vinipāto dhammoti avinipātadhammo, na attānaṃ apāyesu vinipātanasabhāvoti vuttaṃ hoti. Kasmā? Ye dhammā apāyagamanīyā, tesaṃ pahīnattā. Tenāha ‘‘avinipātadhammoti catūsu apāyesu apatanasabhāvo’’ti. Tattha apatanasabhāvoti anuppajjanasabhāvo. Sotāpattimagganiyāmenaniyatoti uparimaggādhigamassa avassaṃbhāvībhāvato niyato. Tenevāha ‘‘sambodhiparāyaṇo’’ti. Heṭṭhimantato sattamabhavato upari anuppajjanadhammatāya vā niyato. Sambujjhatīti sambodhi, ariyamaggo. So pana paṭhamamaggassa adhigatattā avasiṭṭho ca adhigantabbabhāvena icchitabboti uparimaggattayasaṅkhātā sambodhi paraṃ ayanaṃ parā gati assāti sambodhiparāyaṇo. Tenāha ‘‘uparimaggattayasambodhiparāyaṇo’’ti.
д̇анубхааваад̇и барияудтаанаманд̣̇ад̇ааяа жа гад̣̇аажи гарахажи уббад̇д̇ияаа жа д̇анубхаавзна. д̇ануд̇д̇ан̃хи д̣̇вийхи гааран̣зхи взд̣̇ид̇аб̣б̣ам̣ ад̇хижжуббад̇д̇ияаа жа барияудтаанаманд̣̇ад̇ааяа жа. сагад̣̇ааг̇аамисса хи ваддаанусааримахааж̇анасса вияа гилзсаа абхин̣хам̣ на уббаж̇ж̇анд̇и, гад̣̇аажи гарахажи уббаж̇ж̇анд̇и вирал̣аагаараа худ̇ваа вирал̣аваабид̇з кзд̇д̇з ан̇гураа вияа. уббаж̇ж̇амаанааби жа ваддаанусааримахааж̇анассзва мад̣̇д̣̇анд̇аа паранд̇аа чаад̣̇знд̇аа анд̇хагаарам̣ гаронд̇аа на уббаж̇ж̇анд̇и, манд̣̇аманд̣̇аа уббаж̇ж̇анд̇и д̇анугаагаараа худ̇ваа аб̣бхабадаламива магкигаабад̇д̇амива жа. д̇ад̇т̇а гзжи т̇зраа бхан̣анд̇и ‘‘сагад̣̇ааг̇аамисса гилзсаа гин̃жааби жирзна уббаж̇ж̇анд̇и, б̣ахалаава уббаж̇ж̇анд̇и. д̇ат̇аа хисса буд̇д̇аа жа д̇хийд̇аро жа д̣̇иссанд̇ий’’д̇и. зд̇ам̣ бана аббамаан̣ам̣. буд̇д̇ад̇хийд̇аро хи ан̇г̇абажжан̇г̇абараамасанамад̇д̇знаби хонд̇ийд̇и. д̣̇вийхиязва гааран̣зхисса гилзсаанам̣ д̇ануд̇д̇ам̣ взд̣̇ид̇аб̣б̣ам̣ ад̇хижжуббад̇д̇ияаа жа барияудтаанаманд̣̇ад̇ааяа жаад̇и.
Tanubhāvāti pariyuṭṭhānamandatāya ca kadāci karahaci uppattiyā ca tanubhāvena. Tanuttañhi dvīhi kāraṇehi veditabbaṃ adhiccuppattiyā ca pariyuṭṭhānamandatāya ca. Sakadāgāmissa hi vaṭṭānusārimahājanassa viya kilesā abhiṇhaṃ na uppajjanti, kadāci karahaci uppajjanti viraḷākārā hutvā viraḷavāpite khette aṅkurā viya. Uppajjamānāpi ca vaṭṭānusārimahājanasseva maddantā pharantā chādentā andhakāraṃ karontā na uppajjanti, mandamandā uppajjanti tanukākārā hutvā abbhapaṭalamiva makkhikāpattamiva ca. Tattha keci therā bhaṇanti ‘‘sakadāgāmissa kilesā kiñcāpi cirena uppajjanti, bahalāva uppajjanti. Tathā hissa puttā ca dhītaro ca dissantī’’ti. Etaṃ pana appamāṇaṃ. Puttadhītaro hi aṅgapaccaṅgaparāmasanamattenapi hontīti. Dvīhiyeva kāraṇehissa kilesānaṃ tanuttaṃ veditabbaṃ adhiccuppattiyā ca pariyuṭṭhānamandatāya cāti.
хздтаабхааг̇ияаананд̇и зд̇т̇а хздтаад̇и махаг̇г̇ад̇абхуумид̇о хздтаа, гаамабхуумияанд̇и ад̇т̇о. д̇зсам̣ бажжаяабхаавзна хздтаабхааг̇асса хид̇аад̇и хздтаабхааг̇ияаа, д̇зсам̣ хздтаабхааг̇ияаанам̣, хздтаабхааг̇асса гаамабхавасса бажжаяабхаавзна г̇ахид̇аананд̇и ад̇т̇о. сам̣яож̇знд̇и б̣анд̇ханд̇и канд̇хаг̇ад̇ибхаваад̣̇ийхи канд̇хаг̇ад̇ибхаваад̣̇аяо, гаммам̣ ваа палзнаад̇и сам̣яож̇анаанийд̇и ааха ‘‘сам̣яож̇анаананд̇и б̣анд̇ханаана’’нд̇и. асамужчиннарааг̇аад̣̇игасса хи зд̇арахи канд̇хаад̣̇ийнам̣ ааяад̇им̣ канд̇хаад̣̇ийхи самб̣анд̇хо, самужчиннарааг̇аад̣̇игасса бана д̇ам̣ над̇т̇и, гад̇аанамби гаммаанам̣ асамад̇т̇абхааваабад̇д̇ид̇о рааг̇аад̣̇ийнам̣ анваяад̇о б̣яад̇ирзгад̇о жа сам̣яож̇анадто сид̣̇д̇хо. баригкаязнаад̇и самужчзд̣̇зна.
Heṭṭhābhāgiyānanti ettha heṭṭhāti mahaggatabhūmito heṭṭhā, kāmabhūmiyanti attho. Tesaṃ paccayabhāvena heṭṭhābhāgassa hitāti heṭṭhābhāgiyā, tesaṃ heṭṭhābhāgiyānaṃ, heṭṭhābhāgassa kāmabhavassa paccayabhāvena gahitānanti attho. Saṃyojenti bandhanti khandhagatibhavādīhi khandhagatibhavādayo, kammaṃ vā phalenāti saṃyojanānīti āha ‘‘saṃyojanānanti bandhanāna’’nti. Asamucchinnarāgādikassa hi etarahi khandhādīnaṃ āyatiṃ khandhādīhi sambandho, samucchinnarāgādikassa pana taṃ natthi, katānampi kammānaṃ asamatthabhāvāpattito rāgādīnaṃ anvayato byatirekato ca saṃyojanaṭṭho siddho. Parikkhayenāti samucchedena.
обабаад̇игод̇и убабаад̇игаяониго убабад̇анз саад̇хугаарий. сзсаяонибадигкзбаважанамзд̇ам̣. д̇зна г̇аб̣бхаваасад̣̇угкаабхаавамааха. д̇ад̇т̇а бариниб̣б̣ааяийд̇и иминаа сзсад̣̇угкаабхаавам̣. д̇ад̇т̇а бариниб̣б̣ааяид̇аа жасса гаамалогз канд̇хаб̣ийж̇асса абунааг̇аманавасзнзваад̇и д̣̇ассзд̇ум̣ ‘‘анаавад̇д̇ид̇хаммо’’д̇и вуд̇д̇ам̣. убариязваад̇и б̣рахмалогзязва. анаавад̇д̇ид̇хаммод̇и д̇ад̇о б̣рахмалогаа бунаббунам̣ бадисанд̇хивасзна на аавад̇д̇анад̇хаммо. д̇знааха ‘‘яониг̇ад̇ивасзна анааг̇аманад̇хаммо’’д̇и.
Opapātikoti upapātikayoniko upapatane sādhukārī. Sesayonipaṭikkhepavacanametaṃ. Tena gabbhavāsadukkhābhāvamāha. Tattha parinibbāyīti iminā sesadukkhābhāvaṃ. Tattha parinibbāyitā cassa kāmaloke khandhabījassa apunāgamanavasenevāti dassetuṃ ‘‘anāvattidhammo’’ti vuttaṃ. Upariyevāti brahmalokeyeva. Anāvattidhammoti tato brahmalokā punappunaṃ paṭisandhivasena na āvattanadhammo. Tenāha ‘‘yonigativasena anāgamanadhammo’’ti.
бад̣̇зсам̣ бад̣̇зсагаарий аараад̇хзд̇ийд̇и сийлагканд̇хаад̣̇ийнам̣ баарибуурияаа згад̣̇зсабхууд̇ам̣ хздтимамаг̇г̇ад̇д̇аяам̣ бад̣̇зсо, д̇ам̣ гаронд̇о бад̣̇зсам̣ згад̣̇зсабхууд̇ам̣ хздтимам̣ палад̇д̇аяамзва аараад̇хзд̇и, нибпаад̣̇зд̇ийд̇и ад̇т̇о. д̇знааха ‘‘бад̣̇зсагаарий буг̇г̇ало наама сод̇аабанно’’д̇иаад̣̇и. барибуурам̣ барибуурагаарийд̇и сийлагканд̇хаад̣̇ийхи сад̣̇д̇хинд̣̇рияаад̣̇ийхи жа барид̇о бууран̣зна барибуурасан̇каад̇ам̣ арахад̇д̇амаг̇г̇ам̣ гаронд̇о ниб̣б̣ад̇д̇знд̇о барибуурам̣ арахад̇д̇апалам̣ аараад̇хзд̇и, нибпаад̣̇зд̇ийд̇и ад̇т̇о. д̇знааха ‘‘барибуурагаарий наама арахаа’’д̇иаад̣̇и.
Padesaṃpadesakārī ārādhetīti sīlakkhandhādīnaṃ pāripūriyā ekadesabhūtaṃ heṭṭhimamaggattayaṃ padeso, taṃ karonto padesaṃ ekadesabhūtaṃ heṭṭhimaṃ phalattayameva ārādheti, nipphādetīti attho. Tenāha ‘‘padesakārī puggalo nāma sotāpanno’’tiādi. Paripūraṃ paripūrakārīti sīlakkhandhādīhi saddhindriyādīhi ca parito pūraṇena paripūrasaṅkhātaṃ arahattamaggaṃ karonto nibbattento paripūraṃ arahattaphalaṃ ārādheti, nipphādetīti attho. Tenāha ‘‘paripūrakārī nāma arahā’’tiādi.
батамасигкаасуд̇д̇аван̣н̣анаа нидтид̇аа.
Paṭhamasikkhāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. батамасигкаасуд̇д̇ам̣ • 6. Paṭhamasikkhāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. батамасигкаасуд̇д̇аван̣н̣анаа • 6. Paṭhamasikkhāsuttavaṇṇanā
