| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
9. පඨමසික්‌ඛත්‌තයසුත්‌තං
9. Paṭhamasikkhattayasuttaṃ
90. ‘‘තිස්‌සො ඉමා, භික්‌ඛවෙ, සික්‌ඛා. කතමා තිස්‌සො? අධිසීලසික්‌ඛා, අධිචිත්‌තසික්‌ඛා, අධිපඤ්‌ඤාසික්‌ඛා.
90. ‘‘Tisso imā, bhikkhave, sikkhā. Katamā tisso? Adhisīlasikkhā, adhicittasikkhā, adhipaññāsikkhā.
‘‘කතමා ච, භික්‌ඛවෙ, අධිසීලසික්‌ඛා? ඉධ, භික්‌ඛවෙ, භික්‌ඛු සීලවා හොති…පෙ.… සමාදාය සික්‌ඛති සික්‌ඛාපදෙසු. අයං වුච්‌චති, භික්‌ඛවෙ, අධිසීලසික්‌ඛා.
‘‘Katamā ca, bhikkhave, adhisīlasikkhā? Idha, bhikkhave, bhikkhu sīlavā hoti…pe… samādāya sikkhati sikkhāpadesu. Ayaṃ vuccati, bhikkhave, adhisīlasikkhā.
‘‘කතමා ච, භික්‌ඛවෙ, අධිචිත්‌තසික්‌ඛා? ඉධ, භික්‌ඛවෙ, භික්‌ඛු විවිච්‌චෙව කාමෙහි…පෙ.… චතුත්‌ථං ඣානං උපසම්‌පජ්‌ජ විහරති. අයං වුච්‌චති, භික්‌ඛවෙ, අධිචිත්‌තසික්‌ඛා.
‘‘Katamā ca, bhikkhave, adhicittasikkhā? Idha, bhikkhave, bhikkhu vivicceva kāmehi…pe… catutthaṃ jhānaṃ upasampajja viharati. Ayaṃ vuccati, bhikkhave, adhicittasikkhā.
‘‘කතමා ච, භික්‌ඛවෙ, අධිපඤ්‌ඤාසික්‌ඛා? ඉධ, භික්‌ඛවෙ, භික්‌ඛු ‘ඉදං දුක්‌ඛ’න්‌ති යථාභූතං පජානාති…පෙ.… ‘අයං දුක්‌ඛනිරොධගාමිනී පටිපදා’ති යථාභූතං පජානාති. අයං වුච්‌චති, භික්‌ඛවෙ, අධිපඤ්‌ඤාසික්‌ඛා. ඉමා ඛො, භික්‌ඛවෙ, තිස්‌සො සික්‌ඛා’’ති. නවමං.
‘‘Katamā ca, bhikkhave, adhipaññāsikkhā? Idha, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Ayaṃ vuccati, bhikkhave, adhipaññāsikkhā. Imā kho, bhikkhave, tisso sikkhā’’ti. Navamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-10. දුතියසික්‌ඛාසුත්‌තාදිවණ්‌ණනා • 7-10. Dutiyasikkhāsuttādivaṇṇanā
