| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. པཋམསཱིལསུཏྟཾ
6. Paṭhamasīlasuttaṃ
༡༣༦. ‘‘ཙཏྟཱརོམེ, བྷིཀྑཝེ, པུགྒལཱ སནྟོ སཾཝིཛྫམཱནཱ ལོཀསྨིཾ། ཀཏམེ ཙཏྟཱརོ? ཨིདྷ, བྷིཀྑཝེ, ཨེཀཙྩོ པུགྒལོ སཱིལེསུ ན པརིཔཱུརཀཱརཱི ཧོཏི, སམཱདྷིསྨིཾ ན པརིཔཱུརཀཱརཱི, པཉྙཱཡ ན པརིཔཱུརཀཱརཱི།
136. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Idha, bhikkhave, ekacco puggalo sīlesu na paripūrakārī hoti, samādhismiṃ na paripūrakārī, paññāya na paripūrakārī.
‘‘ཨིདྷ པན, བྷིཀྑཝེ, ཨེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ ན པརིཔཱུརཀཱརཱི, པཉྙཱཡ ན པརིཔཱུརཀཱརཱི།
‘‘Idha pana, bhikkhave, ekacco puggalo sīlesu paripūrakārī hoti, samādhismiṃ na paripūrakārī, paññāya na paripūrakārī.
‘‘ཨིདྷ པན, བྷིཀྑཝེ, ཨེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ པརིཔཱུརཀཱརཱི, པཉྙཱཡ ན པརིཔཱུརཀཱརཱི།
‘‘Idha pana, bhikkhave, ekacco puggalo sīlesu paripūrakārī hoti, samādhismiṃ paripūrakārī, paññāya na paripūrakārī.
‘‘ཨིདྷ པན, བྷིཀྑཝེ, ཨེཀཙྩོ པུགྒལོ སཱིལེསུ པརིཔཱུརཀཱརཱི ཧོཏི, སམཱདྷིསྨིཾ པརིཔཱུརཀཱརཱི, པཉྙཱཡ པརིཔཱུརཀཱརཱི། ཨིམེ ཁོ, བྷིཀྑཝེ, ཙཏྟཱརོ པུགྒལཱ སནྟོ སཾཝིཛྫམཱནཱ ལོཀསྨི’’ནྟི། ཚཊྛཾ།
‘‘Idha pana, bhikkhave, ekacco puggalo sīlesu paripūrakārī hoti, samādhismiṃ paripūrakārī, paññāya paripūrakārī. Ime kho, bhikkhave, cattāro puggalā santo saṃvijjamānā lokasmi’’nti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༦-༧. སཱིལསུཏྟཱདིཝཎྞནཱ • 6-7. Sīlasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༨. སཱཝཛྫསུཏྟཱདིཝཎྞནཱ • 5-8. Sāvajjasuttādivaṇṇanā
