| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੫. ਪਠਮਸੀਲਸੁਤ੍ਤਂ
5. Paṭhamasīlasuttaṃ
੩੨. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
32. Vuttañhetaṃ bhagavatā, vuttamarahatāti me sutaṃ –
‘‘ਦ੍વੀਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਪੁਗ੍ਗਲੋ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਨਿਰਯੇ। ਕਤਮੇਹਿ ਦ੍વੀਹਿ? ਪਾਪਕੇਨ ਚ ਸੀਲੇਨ, ਪਾਪਿਕਾਯ ਚ ਦਿਟ੍ਠਿਯਾ। ਇਮੇਹਿ ਖੋ, ਭਿਕ੍ਖવੇ, ਦ੍વੀਹਿ ਧਮ੍ਮੇਹਿ ਸਮਨ੍ਨਾਗਤੋ ਪੁਗ੍ਗਲੋ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਨਿਰਯੇ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Dvīhi, bhikkhave, dhammehi samannāgato puggalo yathābhataṃ nikkhitto evaṃ niraye. Katamehi dvīhi? Pāpakena ca sīlena, pāpikāya ca diṭṭhiyā. Imehi kho, bhikkhave, dvīhi dhammehi samannāgato puggalo yathābhataṃ nikkhitto evaṃ niraye’’ti. Etamatthaṃ bhagavā avoca. Tatthetaṃ iti vuccati –
‘‘ਪਾਪਕੇਨ ਚ ਸੀਲੇਨ, ਪਾਪਿਕਾਯ ਚ ਦਿਟ੍ਠਿਯਾ।
‘‘Pāpakena ca sīlena, pāpikāya ca diṭṭhiyā;
ਏਤੇਹਿ ਦ੍વੀਹਿ ਧਮ੍ਮੇਹਿ, ਯੋ ਸਮਨ੍ਨਾਗਤੋ ਨਰੋ।
Etehi dvīhi dhammehi, yo samannāgato naro;
ਕਾਯਸ੍ਸ ਭੇਦਾ ਦੁਪ੍ਪਞ੍ਞੋ, ਨਿਰਯਂ ਸੋਪਪਜ੍ਜਤੀ’’ਤਿ॥
Kāyassa bhedā duppañño, nirayaṃ sopapajjatī’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਪਞ੍ਚਮਂ।
Ayampi attho vutto bhagavatā, iti me sutanti. Pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੫. ਪਠਮਸੀਲਸੁਤ੍ਤવਣ੍ਣਨਾ • 5. Paṭhamasīlasuttavaṇṇanā
