| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. батамасийласуд̇д̇аван̣н̣анаа
5. Paṭhamasīlasuttavaṇṇanā
32. бан̃жамз баабагзна жа сийлзнаад̇и баабагам̣ наама сийлам̣ сийлабхзд̣̇агаро асам̣варод̇и вад̣̇анд̇и. д̇ад̇т̇а яад̣̇и асам̣варо асийламзва д̇ам̣д̣̇уссийляабхаавад̇о, гат̇ам̣ сийланд̇и вужжад̇и? д̇ад̇т̇ааяам̣ ад̇хиббааяо сияаа – яат̇аа наама логз ад̣̇идтам̣ ‘‘д̣̇идта’’нд̇и вужжад̇и, асийлаваа ‘‘сийлаваа’’д̇и, звамид̇хааби асийламби асам̣вароби ‘‘сийла’’нд̇и вохарийяад̇и. ат̇а ваа ‘‘гад̇амз жа, т̇абад̇и, агусалаа сийлаа? агусалам̣ гааяагаммам̣, агусалам̣ важийгаммам̣, баабаго ааж̇ийво’’д̇и (ма. ни. 2.264) важанад̇о агусалад̇хаммзсуби ад̇т̇зва сийласаман̃н̃аа, д̇асмаа барижаяавасзна сабхаавасид̣̇д̇хи вияа багад̇ибхууд̇о саб̣б̣о самаажааро ‘‘сийла’’нд̇и вужжад̇и. д̇ад̇т̇а яам̣ агосалласамбхууд̇адтзна агусалам̣ лаамагам̣, д̇ам̣ санд̇хааяааха ‘‘баабагзна жа сийлзнаа’’д̇и. баабигааяа жа д̣̇идтияаад̇и саб̣б̣ааби мижчаад̣̇идтияо баабигаава. висзсад̇о бана ахзд̇угад̣̇идти, агирияад̣̇идти, над̇т̇игад̣̇идтийд̇и имаа д̇ивид̇хаа д̣̇идтияо баабигад̇араа. д̇ад̇т̇а баабагзна сийлзна саманнааг̇ад̇о буг̇г̇ало баяог̇авибанно ход̇и, баабигааяа д̣̇идтияаа саманнааг̇ад̇о аасаяавибанно ход̇и, звам̣ баяог̇аасаяавибанно буг̇г̇ало нираяуубаг̇о ход̇иязва. д̇зна вуд̇д̇ам̣ ‘‘имзхи ко, бхигкавз, д̣̇вийхи д̇хаммзхи саманнааг̇ад̇о буг̇г̇ало яат̇аабхад̇ам̣ нигкид̇д̇о, звам̣ нираяз’’д̇и. зд̇т̇а жа ‘‘д̣̇вийхи д̇хаммзхи саманнааг̇ад̇о’’д̇и ид̣̇ам̣ лагкан̣аважанам̣ д̣̇адтаб̣б̣ам̣, на д̇анд̇инид̣̇д̣̇зсо. яат̇аа д̇ам̣ логз ‘‘яад̣̇имз б̣яаад̇хид̇аа сияум̣, имзсам̣ ид̣̇ам̣ бхзсаж̇ж̇ам̣ д̣̇аад̇аб̣б̣а’’нд̇и. ан̃н̃зсуби ийд̣̇исзсу таанзсу зсзва наяо. д̣̇уббан̃н̃од̇и ниббан̃н̃о.
32. Pañcame pāpakena ca sīlenāti pāpakaṃ nāma sīlaṃ sīlabhedakaro asaṃvaroti vadanti. Tattha yadi asaṃvaro asīlameva taṃdussīlyabhāvato, kathaṃ sīlanti vuccati? Tatthāyaṃ adhippāyo siyā – yathā nāma loke adiṭṭhaṃ ‘‘diṭṭha’’nti vuccati, asīlavā ‘‘sīlavā’’ti, evamidhāpi asīlampi asaṃvaropi ‘‘sīla’’nti voharīyati. Atha vā ‘‘katame ca, thapati, akusalā sīlā? Akusalaṃ kāyakammaṃ, akusalaṃ vacīkammaṃ, pāpako ājīvo’’ti (ma. ni. 2.264) vacanato akusaladhammesupi attheva sīlasamaññā, tasmā paricayavasena sabhāvasiddhi viya pakatibhūto sabbo samācāro ‘‘sīla’’nti vuccati. Tattha yaṃ akosallasambhūtaṭṭhena akusalaṃ lāmakaṃ, taṃ sandhāyāha ‘‘pāpakena ca sīlenā’’ti. Pāpikāya ca diṭṭhiyāti sabbāpi micchādiṭṭhiyo pāpikāva. Visesato pana ahetukadiṭṭhi, akiriyadiṭṭhi, natthikadiṭṭhīti imā tividhā diṭṭhiyo pāpikatarā. Tattha pāpakena sīlena samannāgato puggalo payogavipanno hoti, pāpikāya diṭṭhiyā samannāgato āsayavipanno hoti, evaṃ payogāsayavipanno puggalo nirayūpago hotiyeva. Tena vuttaṃ ‘‘imehi kho, bhikkhave, dvīhi dhammehi samannāgato puggalo yathābhataṃ nikkhitto, evaṃ niraye’’ti. Ettha ca ‘‘dvīhi dhammehi samannāgato’’ti idaṃ lakkhaṇavacanaṃ daṭṭhabbaṃ, na tantiniddeso. Yathā taṃ loke ‘‘yadime byādhitā siyuṃ, imesaṃ idaṃ bhesajjaṃ dātabba’’nti. Aññesupi īdisesu ṭhānesu eseva nayo. Duppaññoti nippañño.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. батамасийласуд̇д̇ам̣ • 5. Paṭhamasīlasuttaṃ
