| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. பட²மஸினேருபப்³ப³தராஜஸுத்தங்
9. Paṭhamasinerupabbatarājasuttaṃ
1119. ‘‘ஸெய்யதா²பி, பி⁴க்க²வே, புரிஸோ ஸினேருஸ்ஸ பப்³ப³தராஜஸ்ஸ ஸத்த முக்³க³மத்தியோ பாஸாணஸக்க²ரா உபனிக்கி²பெய்ய. தங் கிங் மஞ்ஞத², பி⁴க்க²வே , கதமங் நு கோ² ப³ஹுதரங் – யா வா 1 ஸத்த முக்³க³மத்தியோ பாஸாணஸக்க²ரா உபனிக்கி²த்தா, யோ வா 2 ஸினேருபப்³ப³தராஜா’’தி? ‘‘ஏததே³வ, ப⁴ந்தே, ப³ஹுதரங், யதி³த³ங் – ஸினேருபப்³ப³தராஜா; அப்பமத்திகா ஸத்த முக்³க³மத்தியோ பாஸாணஸக்க²ரா உபனிக்கி²த்தா. ஸங்க²ம்பி ந உபெந்தி, உபனித⁴ம்பி ந உபெந்தி, கலபா⁴க³ம்பி ந உபெந்தி ஸினேருபப்³ப³தராஜானங் உபனிதா⁴ய ஸத்த முக்³க³மத்தியோ பாஸாணஸக்க²ரா உபனிக்கி²த்தா’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ தி³ட்டி²ஸம்பன்னஸ்ஸ புக்³க³லஸ்ஸ அபி⁴ஸமேதாவினோ ஏததே³வ ப³ஹுதரங் து³க்க²ங் யதி³த³ங் பரிக்கீ²ணங் பரியாதி³ன்னங்; அப்பமத்தகங் அவஸிட்ட²ங். ஸங்க²ம்பி ந உபேதி, உபனித⁴ம்பி ந உபேதி, கலபா⁴க³ம்பி ந உபேதி, புரிமங் து³க்க²க்க²ந்த⁴ங் பரிக்கீ²ணங் பரியாதி³ன்னங் உபனிதா⁴ய யதி³த³ங் ஸத்தக்க²த்துபரமதா; யோ ‘இத³ங் து³க்க²’ந்தி யதா²பூ⁴தங் பஜானாதி…பே॰… ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் பஜானாதி’’.
1119. ‘‘Seyyathāpi, bhikkhave, puriso sinerussa pabbatarājassa satta muggamattiyo pāsāṇasakkharā upanikkhipeyya. Taṃ kiṃ maññatha, bhikkhave , katamaṃ nu kho bahutaraṃ – yā vā 3 satta muggamattiyo pāsāṇasakkharā upanikkhittā, yo vā 4 sinerupabbatarājā’’ti? ‘‘Etadeva, bhante, bahutaraṃ, yadidaṃ – sinerupabbatarājā; appamattikā satta muggamattiyo pāsāṇasakkharā upanikkhittā. Saṅkhampi na upenti, upanidhampi na upenti, kalabhāgampi na upenti sinerupabbatarājānaṃ upanidhāya satta muggamattiyo pāsāṇasakkharā upanikkhittā’’ti. ‘‘Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṃ dukkhaṃ yadidaṃ parikkhīṇaṃ pariyādinnaṃ; appamattakaṃ avasiṭṭhaṃ. Saṅkhampi na upeti, upanidhampi na upeti, kalabhāgampi na upeti, purimaṃ dukkhakkhandhaṃ parikkhīṇaṃ pariyādinnaṃ upanidhāya yadidaṃ sattakkhattuparamatā; yo ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti’’.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. நவமங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
Footnotes:
