| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5-7. பட²மஸுக²ஸுத்தாதி³வண்ணனா
5-7. Paṭhamasukhasuttādivaṇṇanā
65-67. பஞ்சமே வட்டமூலகங் ஸுக²து³க்க²ங் புச்சி²தங், ச²ட்டே² ஸாஸனமூலகங். ஸத்தமே நளகபானந்தி அதீதே போ³தி⁴ஸத்தஸ்ஸ ஓவாதே³ ட²த்வா வானரயூதே²ன நளேஹி உத³கஸ்ஸ பீதட்டா²னே மாபிதத்தா ஏவங்லத்³த⁴னாமோ நிக³மோ. துண்ஹீபூ⁴தங் துண்ஹீபூ⁴தந்தி யங் யங் தி³ஸங் அனுவிலோகேதி, தத்த² தத்த² துண்ஹீபூ⁴தமேவ. அனுவிலோகெத்வாதி ததோ ததோ விலோகெத்வா. பிட்டி² மே ஆகி³லாயதீதி கஸ்மா ஆகி³லாயதி? ப⁴க³வதோ ஹி ச² வஸ்ஸானி மஹாபதா⁴னங் பத³ஹந்தஸ்ஸ மஹந்தங் காயது³க்க²ங் அஹோஸி, அத²ஸ்ஸ அபரபா⁴கே³ மஹல்லககாலே பிட்டி²வாதோ உப்பஜ்ஜி. உபாதி³ன்னகஸரீரஸ்ஸ டா²னநிஸஜ்ஜாதீ³ஹி அப்பமத்தகேன ஆபா³தே⁴ன ந ஸக்கா கேனசி ப⁴விதுங். தங் க³ஹெத்வாபி தே²ரஸ்ஸ ஓகாஸகரணத்த²ங் ஏவமாஹ. ஸங்கா⁴டிங் பஞ்ஞாபெத்வா ஏகமந்தே பதிரூபட்டா²னே பஞ்ஞத்தஸ்ஸ கப்பியமஞ்சஸ்ஸ உபரி அத்த²ரித்வா.
65-67. Pañcame vaṭṭamūlakaṃ sukhadukkhaṃ pucchitaṃ, chaṭṭhe sāsanamūlakaṃ. Sattame naḷakapānanti atīte bodhisattassa ovāde ṭhatvā vānarayūthena naḷehi udakassa pītaṭṭhāne māpitattā evaṃladdhanāmo nigamo. Tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti tato tato viloketvā. Piṭṭhi me āgilāyatīti kasmā āgilāyati? Bhagavato hi cha vassāni mahāpadhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Upādinnakasarīrassa ṭhānanisajjādīhi appamattakena ābādhena na sakkā kenaci bhavituṃ. Taṃ gahetvāpi therassa okāsakaraṇatthaṃ evamāha. Saṅghāṭiṃ paññāpetvā ekamante patirūpaṭṭhāne paññattassa kappiyamañcassa upari attharitvā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
5. பட²மஸுக²ஸுத்தங் • 5. Paṭhamasukhasuttaṃ
6. து³தியஸுக²ஸுத்தங் • 6. Dutiyasukhasuttaṃ
7. பட²மனளகபானஸுத்தங் • 7. Paṭhamanaḷakapānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-7. அவிஜ்ஜாஸுத்தாதி³வண்ணனா • 1-7. Avijjāsuttādivaṇṇanā
