| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥-៧. បឋមសុខសុត្តាទិវណ្ណនា
5-7. Paṭhamasukhasuttādivaṇṇanā
៦៥-៦៧. បញ្ចមេ វដ្ដមូលកំ សុខទុក្ខំ បុច្ឆិតំ, ឆដ្ឋេ សាសនមូលកំ។ សត្តមេ នឡកបានន្តិ អតីតេ ពោធិសត្តស្ស ឱវាទេ ឋត្វា វានរយូថេន នឡេហិ ឧទកស្ស បីតដ្ឋានេ មាបិតត្តា ឯវំលទ្ធនាមោ និគមោ។ តុណ្ហីភូតំ តុណ្ហីភូតន្តិ យំ យំ ទិសំ អនុវិលោកេតិ, តត្ថ តត្ថ តុណ្ហីភូតមេវ។ អនុវិលោកេត្វាតិ តតោ តតោ វិលោកេត្វា។ បិដ្ឋិ មេ អាគិលាយតីតិ កស្មា អាគិលាយតិ? ភគវតោ ហិ ឆ វស្សានិ មហាបធានំ បទហន្តស្ស មហន្តំ កាយទុក្ខំ អហោសិ, អថស្ស អបរភាគេ មហល្លកកាលេ បិដ្ឋិវាតោ ឧប្បជ្ជិ។ ឧបាទិន្នកសរីរស្ស ឋាននិសជ្ជាទីហិ អប្បមត្តកេន អាពាធេន ន សក្កា កេនចិ ភវិតុំ។ តំ គហេត្វាបិ ថេរស្ស ឱកាសករណត្ថំ ឯវមាហ។ សង្ឃាដិំ បញ្ញាបេត្វា ឯកមន្តេ បតិរូបដ្ឋានេ បញ្ញត្តស្ស កប្បិយមញ្ចស្ស ឧបរិ អត្ថរិត្វា។
65-67. Pañcame vaṭṭamūlakaṃ sukhadukkhaṃ pucchitaṃ, chaṭṭhe sāsanamūlakaṃ. Sattame naḷakapānanti atīte bodhisattassa ovāde ṭhatvā vānarayūthena naḷehi udakassa pītaṭṭhāne māpitattā evaṃladdhanāmo nigamo. Tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti tato tato viloketvā. Piṭṭhi me āgilāyatīti kasmā āgilāyati? Bhagavato hi cha vassāni mahāpadhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Upādinnakasarīrassa ṭhānanisajjādīhi appamattakena ābādhena na sakkā kenaci bhavituṃ. Taṃ gahetvāpi therassa okāsakaraṇatthaṃ evamāha. Saṅghāṭiṃ paññāpetvā ekamante patirūpaṭṭhāne paññattassa kappiyamañcassa upari attharitvā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៥. បឋមសុខសុត្តំ • 5. Paṭhamasukhasuttaṃ
៦. ទុតិយសុខសុត្តំ • 6. Dutiyasukhasuttaṃ
៧. បឋមនឡកបានសុត្តំ • 7. Paṭhamanaḷakapānasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៧. អវិជ្ជាសុត្តាទិវណ្ណនា • 1-7. Avijjāsuttādivaṇṇanā
