| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥-༧. པཋམསུཁསུཏྟཱདིཝཎྞནཱ
5-7. Paṭhamasukhasuttādivaṇṇanā
༦༥-༦༧. པཉྩམེ ཝཊྚམཱུལཀཾ སུཁདུཀྑཾ པུཙྪིཏཾ, ཚཊྛེ སཱསནམཱུལཀཾ། སཏྟམེ ནལ༹ཀཔཱནནྟི ཨཏཱིཏེ བོདྷིསཏྟསྶ ཨོཝཱདེ ཋཏྭཱ ཝཱནརཡཱུཐེན ནལེ༹ཧི ཨུདཀསྶ པཱིཏཊྛཱནེ མཱཔིཏཏྟཱ ཨེཝཾལདྡྷནཱམོ ནིགམོ། ཏུཎྷཱིབྷཱུཏཾ ཏུཎྷཱིབྷཱུཏནྟི ཡཾ ཡཾ དིསཾ ཨནུཝིལོཀེཏི, ཏཏྠ ཏཏྠ ཏུཎྷཱིབྷཱུཏམེཝ། ཨནུཝིལོཀེཏྭཱཏི ཏཏོ ཏཏོ ཝིལོཀེཏྭཱ། པིཊྛི མེ ཨཱགིལཱཡཏཱིཏི ཀསྨཱ ཨཱགིལཱཡཏི? བྷགཝཏོ ཧི ཚ ཝསྶཱནི མཧཱཔདྷཱནཾ པདཧནྟསྶ མཧནྟཾ ཀཱཡདུཀྑཾ ཨཧོསི, ཨཐསྶ ཨཔརབྷཱགེ མཧལླཀཀཱལེ པིཊྛིཝཱཏོ ཨུཔྤཛྫི། ཨུཔཱདིནྣཀསརཱིརསྶ ཋཱནནིསཛྫཱདཱིཧི ཨཔྤམཏྟཀེན ཨཱབཱདྷེན ན སཀྐཱ ཀེནཙི བྷཝིཏུཾ། ཏཾ གཧེཏྭཱཔི ཐེརསྶ ཨོཀཱསཀརཎཏྠཾ ཨེཝམཱཧ། སངྒྷཱཊིཾ པཉྙཱཔེཏྭཱ ཨེཀམནྟེ པཏིརཱུཔཊྛཱནེ པཉྙཏྟསྶ ཀཔྤིཡམཉྩསྶ ཨུཔརི ཨཏྠརིཏྭཱ།
65-67. Pañcame vaṭṭamūlakaṃ sukhadukkhaṃ pucchitaṃ, chaṭṭhe sāsanamūlakaṃ. Sattame naḷakapānanti atīte bodhisattassa ovāde ṭhatvā vānarayūthena naḷehi udakassa pītaṭṭhāne māpitattā evaṃladdhanāmo nigamo. Tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti tato tato viloketvā. Piṭṭhi me āgilāyatīti kasmā āgilāyati? Bhagavato hi cha vassāni mahāpadhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Upādinnakasarīrassa ṭhānanisajjādīhi appamattakena ābādhena na sakkā kenaci bhavituṃ. Taṃ gahetvāpi therassa okāsakaraṇatthaṃ evamāha. Saṅghāṭiṃ paññāpetvā ekamante patirūpaṭṭhāne paññattassa kappiyamañcassa upari attharitvā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༥. པཋམསུཁསུཏྟཾ • 5. Paṭhamasukhasuttaṃ
༦. དུཏིཡསུཁསུཏྟཾ • 6. Dutiyasukhasuttaṃ
༧. པཋམནལ༹ཀཔཱནསུཏྟཾ • 7. Paṭhamanaḷakapānasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཨཝིཛྫཱསུཏྟཱདིཝཎྞནཱ • 1-7. Avijjāsuttādivaṇṇanā
