| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫-੭. ਪਠਮਸੁਖਸੁਤ੍ਤਾਦਿવਣ੍ਣਨਾ
5-7. Paṭhamasukhasuttādivaṇṇanā
੬੫-੬੭. ਪਞ੍ਚਮੇ વਟ੍ਟਮੂਲਕਂ ਸੁਖਦੁਕ੍ਖਂ ਪੁਚ੍ਛਿਤਂ, ਛਟ੍ਠੇ ਸਾਸਨਮੂਲਕਂ। ਸਤ੍ਤਮੇ ਨਲ਼ਕਪਾਨਨ੍ਤਿ ਅਤੀਤੇ ਬੋਧਿਸਤ੍ਤਸ੍ਸ ਓવਾਦੇ ਠਤ੍વਾ વਾਨਰਯੂਥੇਨ ਨਲ਼ੇਹਿ ਉਦਕਸ੍ਸ ਪੀਤਟ੍ਠਾਨੇ ਮਾਪਿਤਤ੍ਤਾ ਏવਂਲਦ੍ਧਨਾਮੋ ਨਿਗਮੋ। ਤੁਣ੍ਹੀਭੂਤਂ ਤੁਣ੍ਹੀਭੂਤਨ੍ਤਿ ਯਂ ਯਂ ਦਿਸਂ ਅਨੁવਿਲੋਕੇਤਿ, ਤਤ੍ਥ ਤਤ੍ਥ ਤੁਣ੍ਹੀਭੂਤਮੇવ। ਅਨੁવਿਲੋਕੇਤ੍વਾਤਿ ਤਤੋ ਤਤੋ વਿਲੋਕੇਤ੍વਾ। ਪਿਟ੍ਠਿ ਮੇ ਆਗਿਲਾਯਤੀਤਿ ਕਸ੍ਮਾ ਆਗਿਲਾਯਤਿ? ਭਗવਤੋ ਹਿ ਛ વਸ੍ਸਾਨਿ ਮਹਾਪਧਾਨਂ ਪਦਹਨ੍ਤਸ੍ਸ ਮਹਨ੍ਤਂ ਕਾਯਦੁਕ੍ਖਂ ਅਹੋਸਿ, ਅਥਸ੍ਸ ਅਪਰਭਾਗੇ ਮਹਲ੍ਲਕਕਾਲੇ ਪਿਟ੍ਠਿવਾਤੋ ਉਪ੍ਪਜ੍ਜਿ। ਉਪਾਦਿਨ੍ਨਕਸਰੀਰਸ੍ਸ ਠਾਨਨਿਸਜ੍ਜਾਦੀਹਿ ਅਪ੍ਪਮਤ੍ਤਕੇਨ ਆਬਾਧੇਨ ਨ ਸਕ੍ਕਾ ਕੇਨਚਿ ਭવਿਤੁਂ। ਤਂ ਗਹੇਤ੍વਾਪਿ ਥੇਰਸ੍ਸ ਓਕਾਸਕਰਣਤ੍ਥਂ ਏવਮਾਹ। ਸਙ੍ਘਾਟਿਂ ਪਞ੍ਞਾਪੇਤ੍વਾ ਏਕਮਨ੍ਤੇ ਪਤਿਰੂਪਟ੍ਠਾਨੇ ਪਞ੍ਞਤ੍ਤਸ੍ਸ ਕਪ੍ਪਿਯਮਞ੍ਚਸ੍ਸ ਉਪਰਿ ਅਤ੍ਥਰਿਤ੍વਾ।
65-67. Pañcame vaṭṭamūlakaṃ sukhadukkhaṃ pucchitaṃ, chaṭṭhe sāsanamūlakaṃ. Sattame naḷakapānanti atīte bodhisattassa ovāde ṭhatvā vānarayūthena naḷehi udakassa pītaṭṭhāne māpitattā evaṃladdhanāmo nigamo. Tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti tato tato viloketvā. Piṭṭhi me āgilāyatīti kasmā āgilāyati? Bhagavato hi cha vassāni mahāpadhānaṃ padahantassa mahantaṃ kāyadukkhaṃ ahosi, athassa aparabhāge mahallakakāle piṭṭhivāto uppajji. Upādinnakasarīrassa ṭhānanisajjādīhi appamattakena ābādhena na sakkā kenaci bhavituṃ. Taṃ gahetvāpi therassa okāsakaraṇatthaṃ evamāha. Saṅghāṭiṃ paññāpetvā ekamante patirūpaṭṭhāne paññattassa kappiyamañcassa upari attharitvā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਪਠਮਸੁਖਸੁਤ੍ਤਂ • 5. Paṭhamasukhasuttaṃ
੬. ਦੁਤਿਯਸੁਖਸੁਤ੍ਤਂ • 6. Dutiyasukhasuttaṃ
੭. ਪਠਮਨਲ਼ਕਪਾਨਸੁਤ੍ਤਂ • 7. Paṭhamanaḷakapānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਅવਿਜ੍ਜਾਸੁਤ੍ਤਾਦਿવਣ੍ਣਨਾ • 1-7. Avijjāsuttādivaṇṇanā
