| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. পঠমসুক্কাসুত্তৰণ্ণনা
9. Paṭhamasukkāsuttavaṇṇanā
২৪৩. রথিকন্তি রচ্ছং। গহেত্ৰাতি গন্ত্ৰা। সিঙ্ঘাটকন্তি অঞ্ঞত্থ তিকোণা রচ্ছা ৰুচ্চতি। ইধ পন ‘‘চতুক্ক’’ন্তি ৰুত্তং। ‘‘মধুপীকা’’তি এত্থ মধু-সদ্দেন মধুৰিসেসো ৰুচ্চতীতি আহ ‘‘গন্ধমধুপানং পীতা ৰিযা’’তি। সামঞ্ঞজোতনা হি ৰিসেসে তিট্ঠতীতি গন্ধমধূতি চ অতিৰিয মধুরো মদনিযো একো মধুৰিসেসো। তেনাহ ‘‘অসঞ্ঞী হুত্ৰা সযতেৰা’’তি।
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
ন পটিৰানীযং ন অপনেতব্বন্তি অপ্পটিৰানীযং। তেনাহ ‘‘বাহিরকঞ্হী’’তিআদি। যং কিঞ্চি সন্তপণীতভাৰাৰহং ন সেচনন্তি অসেচনকং। ততো এৰ অনাসিত্তকং। ওজৰন্তন্তি বহুসম্মতওজৰন্তসদিসতায ওজৰন্তং। তেনাহ ‘‘যথা হী’’তিআদি। ধম্মতাযাতি অত্তনো সভাৰেনেৰ। মধুরো ইট্ঠো। পিৰন্তী ৰিযাতি সুক্কায ভিক্খুনিযা উপনীযমানং সদ্ধম্মামতরসং অত্তনো সোতঞ্জলিং পূরেত্ৰা ওদহন্তীৰ। ৰলাহকতো আগতং ৰলাহকং।
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
পঠমসুক্কাসুত্তৰণ্ণনা নিট্ঠিতা।
Paṭhamasukkāsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. পঠমসুক্কাসুত্তং • 9. Paṭhamasukkāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. পঠমসুক্কাসুত্তৰণ্ণনা • 9. Paṭhamasukkāsuttavaṇṇanā
