| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. батамасуггаасуд̇д̇аван̣н̣анаа
9. Paṭhamasukkāsuttavaṇṇanā
243. навамз рат̇игааяа рат̇иганд̇и згам̣ рат̇игам̣ г̇ахзд̇ваа д̇ад̇о абарам̣ г̇ажчанд̇о рат̇игааяа рат̇игам̣ убасан̇гаманд̇о наама ход̇и. син̇гхаадагзби зсзва наяо. зд̇т̇а жа рат̇игаад̇и ражчаа. син̇гхаадаганд̇и жад̇уггам̣. гим̣ мз гад̇аад̇и гим̣ имз гад̇аа? гим̣ гаронд̇ийд̇и ад̇т̇о. мад̇хубийд̇аава сзяарзд̇и г̇анд̇хамад̇хубаанам̣ бийд̇аа вияа саяанд̇и. г̇анд̇хамад̇хубаанам̣ бийд̇о гира сийсам̣ угкибид̇ум̣ на саггод̇и, асан̃н̃ий худ̇ваа саяад̇зва. д̇асмаа звамааха.
243. Navame rathikāya rathikanti ekaṃ rathikaṃ gahetvā tato aparaṃ gacchanto rathikāya rathikaṃ upasaṅkamanto nāma hoti. Siṅghāṭakepi eseva nayo. Ettha ca rathikāti racchā. Siṅghāṭakanti catukkaṃ. Kiṃ me katāti kiṃ ime katā? Kiṃ karontīti attho. Madhupītāvaseyareti gandhamadhupānaṃ pītā viya sayanti. Gandhamadhupānaṃ pīto kira sīsaṃ ukkhipituṃ na sakkoti, asaññī hutvā sayateva. Tasmā evamāha.
д̇ан̃жа бана аббадиваанийяанд̇и д̇ан̃жа бана д̇хаммам̣ аббадиваанийяам̣ д̣̇зсзд̇и. б̣аахираган̃хи сумад̇хурамби бхож̇анам̣ бунаббунам̣ бхун̃ж̇анд̇асса на ружжад̇и, ‘‘абанзт̇а, гим̣ иминаа’’д̇и? бадиваанзд̇аб̣б̣ам̣ абанзд̇аб̣б̣ам̣ ход̇и, на звамаяам̣ д̇хаммо. имам̣ хи д̇хаммам̣ бан̣д̣ид̇аа вассасад̇амби вассасахассамби сун̣анд̇аа д̇ид̇д̇им̣ на г̇ажчанд̇и. д̇знааха ‘‘аббадиваанийяа’’нд̇и. асзжанагамож̇аванд̇и анаасид̇д̇агам̣ ож̇аванд̇ам̣. яат̇аа хи б̣аахираани асамбхиннабааяаасаад̣̇ийниби саббимад̇хусагкараахи аасид̇д̇аани яож̇ид̇аанзва мад̇хураани ож̇аванд̇аани хонд̇и, на звамаяам̣ д̇хаммо. аяам̣ хи ад̇д̇ано д̇хаммад̇ааяа мад̇хуро жзва ож̇аваа жа, на ан̃н̃зна убасид̇д̇о. д̇знааха ‘‘асзжанагамож̇ава’’нд̇и. биванд̇и ман̃н̃з саббан̃н̃аад̇и бан̣д̣ид̇абурисаа биванд̇и вияа. валаахагамзва бант̇аг̇ууд̇и валаахаганд̇арад̇о нигканд̇ауд̣̇агам̣ гхаммаабхид̇ад̇д̇аа бат̇игаа вияа. навамам̣.
Tañca pana appaṭivānīyanti tañca pana dhammaṃ appaṭivānīyaṃ deseti. Bāhirakañhi sumadhurampi bhojanaṃ punappunaṃ bhuñjantassa na ruccati, ‘‘apanetha, kiṃ iminā’’ti? Paṭivānetabbaṃ apanetabbaṃ hoti, na evamayaṃ dhammo. Imaṃ hi dhammaṃ paṇḍitā vassasatampi vassasahassampi suṇantā tittiṃ na gacchanti. Tenāha ‘‘appaṭivānīya’’nti. Asecanakamojavanti anāsittakaṃ ojavantaṃ. Yathā hi bāhirāni asambhinnapāyāsādīnipi sappimadhusakkharāhi āsittāni yojitāneva madhurāni ojavantāni honti, na evamayaṃ dhammo. Ayaṃ hi attano dhammatāya madhuro ceva ojavā ca, na aññena upasitto. Tenāha ‘‘asecanakamojava’’nti. Pivanti maññe sappaññāti paṇḍitapurisā pivanti viya. Valāhakameva panthagūti valāhakantarato nikkhantaudakaṃ ghammābhitattā pathikā viya. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. батамасуггаасуд̇д̇ам̣ • 9. Paṭhamasukkāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. батамасуггаасуд̇д̇аван̣н̣анаа • 9. Paṭhamasukkāsuttavaṇṇanā
