| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
९. पठमसुक्कासुत्तवण्णना
9. Paṭhamasukkāsuttavaṇṇanā
२४३. रथिकन्ति रच्छं। गहेत्वाति गन्त्वा। सिङ्घाटकन्ति अञ्ञत्थ तिकोणा रच्छा वुच्चति। इध पन ‘‘चतुक्क’’न्ति वुत्तं। ‘‘मधुपीका’’ति एत्थ मधु-सद्देन मधुविसेसो वुच्चतीति आह ‘‘गन्धमधुपानं पीता विया’’ति। सामञ्ञजोतना हि विसेसे तिट्ठतीति गन्धमधूति च अतिविय मधुरो मदनियो एको मधुविसेसो। तेनाह ‘‘असञ्ञी हुत्वा सयतेवा’’ति।
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
न पटिवानीयं न अपनेतब्बन्ति अप्पटिवानीयं। तेनाह ‘‘बाहिरकञ्ही’’तिआदि। यं किञ्चि सन्तपणीतभावावहं न सेचनन्ति असेचनकं। ततो एव अनासित्तकं। ओजवन्तन्ति बहुसम्मतओजवन्तसदिसताय ओजवन्तं। तेनाह ‘‘यथा ही’’तिआदि। धम्मतायाति अत्तनो सभावेनेव। मधुरो इट्ठो। पिवन्ती वियाति सुक्काय भिक्खुनिया उपनीयमानं सद्धम्मामतरसं अत्तनो सोतञ्जलिं पूरेत्वा ओदहन्तीव। वलाहकतो आगतं वलाहकं।
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
पठमसुक्कासुत्तवण्णना निट्ठिता।
Paṭhamasukkāsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ९. पठमसुक्कासुत्तं • 9. Paṭhamasukkāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ९. पठमसुक्कासुत्तवण्णना • 9. Paṭhamasukkāsuttavaṇṇanā
