| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. ปฐมสุกฺกาสุตฺตวณฺณนา
9. Paṭhamasukkāsuttavaṇṇanā
๒๔๓. รถิกนฺติ รจฺฉํฯ คเหตฺวาติ คนฺตฺวาฯ สิงฺฆาฎกนฺติ อญฺญตฺถ ติโกณา รจฺฉา วุจฺจติฯ อิธ ปน ‘‘จตุกฺก’’นฺติ วุตฺตํฯ ‘‘มธุปีกา’’ติ เอตฺถ มธุ-สเทฺทน มธุวิเสโส วุจฺจตีติ อาห ‘‘คนฺธมธุปานํ ปีตา วิยา’’ติฯ สามญฺญโชตนา หิ วิเสเส ติฎฺฐตีติ คนฺธมธูติ จ อติวิย มธุโร มทนิโย เอโก มธุวิเสโสฯ เตนาห ‘‘อสญฺญี หุตฺวา สยเตวา’’ติฯ
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
น ปฎิวานียํ น อปเนตพฺพนฺติ อปฺปฎิวานียํฯ เตนาห ‘‘พาหิรกญฺหี’’ติอาทิฯ ยํ กิญฺจิ สนฺตปณีตภาวาวหํ น เสจนนฺติ อเสจนกํฯ ตโต เอว อนาสิตฺตกํฯ โอชวนฺตนฺติ พหุสมฺมตโอชวนฺตสทิสตาย โอชวนฺตํฯ เตนาห ‘‘ยถา หี’’ติอาทิฯ ธมฺมตายาติ อตฺตโน สภาเวเนวฯ มธุโร อิโฎฺฐฯ ปิวนฺตี วิยาติ สุกฺกาย ภิกฺขุนิยา อุปนียมานํ สทฺธมฺมามตรสํ อตฺตโน โสตญฺชลิํ ปูเรตฺวา โอทหนฺตีวฯ วลาหกโต อาคตํ วลาหกํฯ
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
ปฐมสุกฺกาสุตฺตวณฺณนา นิฎฺฐิตาฯ
Paṭhamasukkāsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. ปฐมสุกฺกาสุตฺตํ • 9. Paṭhamasukkāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. ปฐมสุกฺกาสุตฺตวณฺณนา • 9. Paṭhamasukkāsuttavaṇṇanā
