| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
9. පඨමසුක්‌කාසුත්‌තවණ්‌ණනා
9. Paṭhamasukkāsuttavaṇṇanā
243. රථිකන්‌ති රච්‌ඡං. ගහෙත්‌වාති ගන්‌ත්‌වා. සිඞ්‌ඝාටකන්‌ති අඤ්‌ඤත්‌ථ තිකොණා රච්‌ඡා වුච්‌චති. ඉධ පන ‘‘චතුක්‌ක’’න්‌ති වුත්‌තං. ‘‘මධුපීකා’’ති එත්‌ථ මධු-සද්‌දෙන මධුවිසෙසො වුච්‌චතීති ආහ ‘‘ගන්‌ධමධුපානං පීතා වියා’’ති. සාමඤ්‌ඤජොතනා හි විසෙසෙ තිට්‌ඨතීති ගන්‌ධමධූති ච අතිවිය මධුරො මදනියො එකො මධුවිසෙසො. තෙනාහ ‘‘අසඤ්‌ඤී හුත්‌වා සයතෙවා’’ති.
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
න පටිවානීයං න අපනෙතබ්‌බන්‌ති අප්‌පටිවානීයං. තෙනාහ ‘‘බාහිරකඤ්‌හී’’තිආදි. යං කිඤ්‌චි සන්‌තපණීතභාවාවහං න සෙචනන්‌ති අසෙචනකං. තතො එව අනාසිත්‌තකං. ඔජවන්‌තන්‌ති බහුසම්‌මතඔජවන්‌තසදිසතාය ඔජවන්‌තං. තෙනාහ ‘‘යථා හී’’තිආදි. ධම්‌මතායාති අත්‌තනො සභාවෙනෙව. මධුරො ඉට්‌ඨො. පිවන්‌තී වියාති සුක්‌කාය භික්‌ඛුනියා උපනීයමානං සද්‌ධම්‌මාමතරසං අත්‌තනො සොතඤ්‌ජලිං පූරෙත්‌වා ඔදහන්‌තීව. වලාහකතො ආගතං වලාහකං.
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
පඨමසුක්‌කාසුත්‌තවණ්‌ණනා නිට්‌ඨිතා.
Paṭhamasukkāsuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. පඨමසුක්‌කාසුත්‌තං • 9. Paṭhamasukkāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. පඨමසුක්‌කාසුත්‌තවණ්‌ණනා • 9. Paṭhamasukkāsuttavaṇṇanā
