| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༩. པཋམསུཀྐཱསུཏྟཝཎྞནཱ
9. Paṭhamasukkāsuttavaṇṇanā
༢༤༣. རཐིཀནྟི རཙྪཾ། གཧེཏྭཱཏི གནྟྭཱ། སིངྒྷཱཊཀནྟི ཨཉྙཏྠ ཏིཀོཎཱ རཙྪཱ ཝུཙྩཏི། ཨིདྷ པན ‘‘ཙཏུཀྐ’’ནྟི ཝུཏྟཾ། ‘‘མདྷུཔཱིཀཱ’’ཏི ཨེཏྠ མདྷུ-སདྡེན མདྷུཝིསེསོ ཝུཙྩཏཱིཏི ཨཱཧ ‘‘གནྡྷམདྷུཔཱནཾ པཱིཏཱ ཝིཡཱ’’ཏི། སཱམཉྙཛོཏནཱ ཧི ཝིསེསེ ཏིཊྛཏཱིཏི གནྡྷམདྷཱུཏི ཙ ཨཏིཝིཡ མདྷུརོ མདནིཡོ ཨེཀོ མདྷུཝིསེསོ། ཏེནཱཧ ‘‘ཨསཉྙཱི ཧུཏྭཱ སཡཏེཝཱ’’ཏི།
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
ན པཊིཝཱནཱིཡཾ ན ཨཔནེཏབྦནྟི ཨཔྤཊིཝཱནཱིཡཾ། ཏེནཱཧ ‘‘བཱཧིརཀཉྷཱི’’ཏིཨཱདི། ཡཾ ཀིཉྩི སནྟཔཎཱིཏབྷཱཝཱཝཧཾ ན སེཙནནྟི ཨསེཙནཀཾ། ཏཏོ ཨེཝ ཨནཱསིཏྟཀཾ། ཨོཛཝནྟནྟི བཧུསམྨཏཨོཛཝནྟསདིསཏཱཡ ཨོཛཝནྟཾ། ཏེནཱཧ ‘‘ཡཐཱ ཧཱི’’ཏིཨཱདི། དྷམྨཏཱཡཱཏི ཨཏྟནོ སབྷཱཝེནེཝ། མདྷུརོ ཨིཊྛོ། པིཝནྟཱི ཝིཡཱཏི སུཀྐཱཡ བྷིཀྑུནིཡཱ ཨུཔནཱིཡམཱནཾ སདྡྷམྨཱམཏརསཾ ཨཏྟནོ སོཏཉྫལིཾ པཱུརེཏྭཱ ཨོདཧནྟཱིཝ། ཝལཱཧཀཏོ ཨཱགཏཾ ཝལཱཧཀཾ།
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
པཋམསུཀྐཱསུཏྟཝཎྞནཱ ནིཊྛིཏཱ།
Paṭhamasukkāsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༩. པཋམསུཀྐཱསུཏྟཾ • 9. Paṭhamasukkāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩. པཋམསུཀྐཱསུཏྟཝཎྞནཱ • 9. Paṭhamasukkāsuttavaṇṇanā
