| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਪਠਮਸੁਕ੍ਕਾਸੁਤ੍ਤવਣ੍ਣਨਾ
9. Paṭhamasukkāsuttavaṇṇanā
੨੪੩. ਨવਮੇ ਰਥਿਕਾਯ ਰਥਿਕਨ੍ਤਿ ਏਕਂ ਰਥਿਕਂ ਗਹੇਤ੍વਾ ਤਤੋ ਅਪਰਂ ਗਚ੍ਛਨ੍ਤੋ ਰਥਿਕਾਯ ਰਥਿਕਂ ਉਪਸਙ੍ਕਮਨ੍ਤੋ ਨਾਮ ਹੋਤਿ। ਸਿਙ੍ਘਾਟਕੇਪਿ ਏਸੇવ ਨਯੋ। ਏਤ੍ਥ ਚ ਰਥਿਕਾਤਿ ਰਚ੍ਛਾ। ਸਿਙ੍ਘਾਟਕਨ੍ਤਿ ਚਤੁਕ੍ਕਂ। ਕਿਂ ਮੇ ਕਤਾਤਿ ਕਿਂ ਇਮੇ ਕਤਾ? ਕਿਂ ਕਰੋਨ੍ਤੀਤਿ ਅਤ੍ਥੋ। ਮਧੁਪੀਤਾવ ਸੇਯਰੇਤਿ ਗਨ੍ਧਮਧੁਪਾਨਂ ਪੀਤਾ વਿਯ ਸਯਨ੍ਤਿ। ਗਨ੍ਧਮਧੁਪਾਨਂ ਪੀਤੋ ਕਿਰ ਸੀਸਂ ਉਕ੍ਖਿਪਿਤੁਂ ਨ ਸਕ੍ਕੋਤਿ, ਅਸਞ੍ਞੀ ਹੁਤ੍વਾ ਸਯਤੇવ। ਤਸ੍ਮਾ ਏવਮਾਹ।
243. Navame rathikāya rathikanti ekaṃ rathikaṃ gahetvā tato aparaṃ gacchanto rathikāya rathikaṃ upasaṅkamanto nāma hoti. Siṅghāṭakepi eseva nayo. Ettha ca rathikāti racchā. Siṅghāṭakanti catukkaṃ. Kiṃ me katāti kiṃ ime katā? Kiṃ karontīti attho. Madhupītāvaseyareti gandhamadhupānaṃ pītā viya sayanti. Gandhamadhupānaṃ pīto kira sīsaṃ ukkhipituṃ na sakkoti, asaññī hutvā sayateva. Tasmā evamāha.
ਤਞ੍ਚ ਪਨ ਅਪ੍ਪਟਿવਾਨੀਯਨ੍ਤਿ ਤਞ੍ਚ ਪਨ ਧਮ੍ਮਂ ਅਪ੍ਪਟਿવਾਨੀਯਂ ਦੇਸੇਤਿ। ਬਾਹਿਰਕਞ੍ਹਿ ਸੁਮਧੁਰਮ੍ਪਿ ਭੋਜਨਂ ਪੁਨਪ੍ਪੁਨਂ ਭੁਞ੍ਜਨ੍ਤਸ੍ਸ ਨ ਰੁਚ੍ਚਤਿ, ‘‘ਅਪਨੇਥ, ਕਿਂ ਇਮਿਨਾ’’ਤਿ? ਪਟਿવਾਨੇਤਬ੍ਬਂ ਅਪਨੇਤਬ੍ਬਂ ਹੋਤਿ, ਨ ਏવਮਯਂ ਧਮ੍ਮੋ। ਇਮਂ ਹਿ ਧਮ੍ਮਂ ਪਣ੍ਡਿਤਾ વਸ੍ਸਸਤਮ੍ਪਿ વਸ੍ਸਸਹਸ੍ਸਮ੍ਪਿ ਸੁਣਨ੍ਤਾ ਤਿਤ੍ਤਿਂ ਨ ਗਚ੍ਛਨ੍ਤਿ। ਤੇਨਾਹ ‘‘ਅਪ੍ਪਟਿવਾਨੀਯ’’ਨ੍ਤਿ। ਅਸੇਚਨਕਮੋਜવਨ੍ਤਿ ਅਨਾਸਿਤ੍ਤਕਂ ਓਜવਨ੍ਤਂ। ਯਥਾ ਹਿ ਬਾਹਿਰਾਨਿ ਅਸਮ੍ਭਿਨ੍ਨਪਾਯਾਸਾਦੀਨਿਪਿ ਸਪ੍ਪਿਮਧੁਸਕ੍ਖਰਾਹਿ ਆਸਿਤ੍ਤਾਨਿ ਯੋਜਿਤਾਨੇવ ਮਧੁਰਾਨਿ ਓਜવਨ੍ਤਾਨਿ ਹੋਨ੍ਤਿ, ਨ ਏવਮਯਂ ਧਮ੍ਮੋ। ਅਯਂ ਹਿ ਅਤ੍ਤਨੋ ਧਮ੍ਮਤਾਯ ਮਧੁਰੋ ਚੇવ ਓਜવਾ ਚ, ਨ ਅਞ੍ਞੇਨ ਉਪਸਿਤ੍ਤੋ। ਤੇਨਾਹ ‘‘ਅਸੇਚਨਕਮੋਜવ’’ਨ੍ਤਿ। ਪਿવਨ੍ਤਿ ਮਞ੍ਞੇ ਸਪ੍ਪਞ੍ਞਾਤਿ ਪਣ੍ਡਿਤਪੁਰਿਸਾ ਪਿવਨ੍ਤਿ વਿਯ। વਲਾਹਕਮੇવ ਪਨ੍ਥਗੂਤਿ વਲਾਹਕਨ੍ਤਰਤੋ ਨਿਕ੍ਖਨ੍ਤਉਦਕਂ ਘਮ੍ਮਾਭਿਤਤ੍ਤਾ ਪਥਿਕਾ વਿਯ। ਨવਮਂ।
Tañca pana appaṭivānīyanti tañca pana dhammaṃ appaṭivānīyaṃ deseti. Bāhirakañhi sumadhurampi bhojanaṃ punappunaṃ bhuñjantassa na ruccati, ‘‘apanetha, kiṃ iminā’’ti? Paṭivānetabbaṃ apanetabbaṃ hoti, na evamayaṃ dhammo. Imaṃ hi dhammaṃ paṇḍitā vassasatampi vassasahassampi suṇantā tittiṃ na gacchanti. Tenāha ‘‘appaṭivānīya’’nti. Asecanakamojavanti anāsittakaṃ ojavantaṃ. Yathā hi bāhirāni asambhinnapāyāsādīnipi sappimadhusakkharāhi āsittāni yojitāneva madhurāni ojavantāni honti, na evamayaṃ dhammo. Ayaṃ hi attano dhammatāya madhuro ceva ojavā ca, na aññena upasitto. Tenāha ‘‘asecanakamojava’’nti. Pivanti maññe sappaññāti paṇḍitapurisā pivanti viya. Valāhakameva panthagūti valāhakantarato nikkhantaudakaṃ ghammābhitattā pathikā viya. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਪਠਮਸੁਕ੍ਕਾਸੁਤ੍ਤਂ • 9. Paṭhamasukkāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਪਠਮਸੁਕ੍ਕਾਸੁਤ੍ਤવਣ੍ਣਨਾ • 9. Paṭhamasukkāsuttavaṇṇanā
