| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਪਠਮਸੁਕ੍ਕਾਸੁਤ੍ਤવਣ੍ਣਨਾ
9. Paṭhamasukkāsuttavaṇṇanā
੨੪੩. ਰਥਿਕਨ੍ਤਿ ਰਚ੍ਛਂ। ਗਹੇਤ੍વਾਤਿ ਗਨ੍ਤ੍વਾ। ਸਿਙ੍ਘਾਟਕਨ੍ਤਿ ਅਞ੍ਞਤ੍ਥ ਤਿਕੋਣਾ ਰਚ੍ਛਾ વੁਚ੍ਚਤਿ। ਇਧ ਪਨ ‘‘ਚਤੁਕ੍ਕ’’ਨ੍ਤਿ વੁਤ੍ਤਂ। ‘‘ਮਧੁਪੀਕਾ’’ਤਿ ਏਤ੍ਥ ਮਧੁ-ਸਦ੍ਦੇਨ ਮਧੁવਿਸੇਸੋ વੁਚ੍ਚਤੀਤਿ ਆਹ ‘‘ਗਨ੍ਧਮਧੁਪਾਨਂ ਪੀਤਾ વਿਯਾ’’ਤਿ। ਸਾਮਞ੍ਞਜੋਤਨਾ ਹਿ વਿਸੇਸੇ ਤਿਟ੍ਠਤੀਤਿ ਗਨ੍ਧਮਧੂਤਿ ਚ ਅਤਿવਿਯ ਮਧੁਰੋ ਮਦਨਿਯੋ ਏਕੋ ਮਧੁવਿਸੇਸੋ। ਤੇਨਾਹ ‘‘ਅਸਞ੍ਞੀ ਹੁਤ੍વਾ ਸਯਤੇવਾ’’ਤਿ।
243.Rathikanti racchaṃ. Gahetvāti gantvā. Siṅghāṭakanti aññattha tikoṇā racchā vuccati. Idha pana ‘‘catukka’’nti vuttaṃ. ‘‘Madhupīkā’’ti ettha madhu-saddena madhuviseso vuccatīti āha ‘‘gandhamadhupānaṃ pītā viyā’’ti. Sāmaññajotanā hi visese tiṭṭhatīti gandhamadhūti ca ativiya madhuro madaniyo eko madhuviseso. Tenāha ‘‘asaññī hutvā sayatevā’’ti.
ਨ ਪਟਿવਾਨੀਯਂ ਨ ਅਪਨੇਤਬ੍ਬਨ੍ਤਿ ਅਪ੍ਪਟਿવਾਨੀਯਂ। ਤੇਨਾਹ ‘‘ਬਾਹਿਰਕਞ੍ਹੀ’’ਤਿਆਦਿ। ਯਂ ਕਿਞ੍ਚਿ ਸਨ੍ਤਪਣੀਤਭਾવਾવਹਂ ਨ ਸੇਚਨਨ੍ਤਿ ਅਸੇਚਨਕਂ। ਤਤੋ ਏવ ਅਨਾਸਿਤ੍ਤਕਂ। ਓਜવਨ੍ਤਨ੍ਤਿ ਬਹੁਸਮ੍ਮਤਓਜવਨ੍ਤਸਦਿਸਤਾਯ ਓਜવਨ੍ਤਂ। ਤੇਨਾਹ ‘‘ਯਥਾ ਹੀ’’ਤਿਆਦਿ। ਧਮ੍ਮਤਾਯਾਤਿ ਅਤ੍ਤਨੋ ਸਭਾવੇਨੇવ। ਮਧੁਰੋ ਇਟ੍ਠੋ। ਪਿવਨ੍ਤੀ વਿਯਾਤਿ ਸੁਕ੍ਕਾਯ ਭਿਕ੍ਖੁਨਿਯਾ ਉਪਨੀਯਮਾਨਂ ਸਦ੍ਧਮ੍ਮਾਮਤਰਸਂ ਅਤ੍ਤਨੋ ਸੋਤਞ੍ਜਲਿਂ ਪੂਰੇਤ੍વਾ ਓਦਹਨ੍ਤੀવ। વਲਾਹਕਤੋ ਆਗਤਂ વਲਾਹਕਂ।
Na paṭivānīyaṃ na apanetabbanti appaṭivānīyaṃ. Tenāha ‘‘bāhirakañhī’’tiādi. Yaṃ kiñci santapaṇītabhāvāvahaṃ na secananti asecanakaṃ. Tato eva anāsittakaṃ. Ojavantanti bahusammataojavantasadisatāya ojavantaṃ. Tenāha ‘‘yathā hī’’tiādi. Dhammatāyāti attano sabhāveneva. Madhuro iṭṭho. Pivantī viyāti sukkāya bhikkhuniyā upanīyamānaṃ saddhammāmatarasaṃ attano sotañjaliṃ pūretvā odahantīva. Valāhakato āgataṃ valāhakaṃ.
ਪਠਮਸੁਕ੍ਕਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamasukkāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਪਠਮਸੁਕ੍ਕਾਸੁਤ੍ਤਂ • 9. Paṭhamasukkāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਪਠਮਸੁਕ੍ਕਾਸੁਤ੍ਤવਣ੍ਣਨਾ • 9. Paṭhamasukkāsuttavaṇṇanā
