| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
13. батамасун̣исаавимаанаван̣н̣анаа
13. Paṭhamasuṇisāvimānavaṇṇanā
абхигганд̇зна ван̣н̣знаад̇и сун̣исаавимаанам̣. д̇асса гаа уббад̇д̇и? саавад̇т̇ияам̣ ан̃н̃ад̇арасмим̣ г̇зхз згаа гуласун̣хаа г̇зхам̣ бин̣д̣ааяа бавидтам̣ кийн̣аасавад̇т̇зрам̣ д̣̇исваа сан̃ж̇аад̇абийд̇исоманассаа ‘‘ид̣̇ам̣ маяхам̣ уд̇д̇амам̣ бун̃н̃агкзд̇д̇ам̣ убадтид̇а’’нд̇и ад̇д̇анаа лад̣̇д̇хам̣ буувабхааг̇ам̣ аад̣̇ааяа аад̣̇арзна т̇зрасса убанзси, т̇зро д̇ам̣ бадиг̇г̇ахзд̇ваа анумод̣̇анам̣ гад̇ваа г̇ад̇о. саа абарабхааг̇з гаалам̣ гад̇ваа д̇аавад̇им̣сабхаванз уббаж̇ж̇и. сзсам̣ саб̣б̣ам̣ хздтаа вуд̇д̇асад̣̇исамзва. д̇зна вуд̇д̇ам̣ –
Abhikkantena vaṇṇenāti suṇisāvimānaṃ. Tassa kā uppatti? Sāvatthiyaṃ aññatarasmiṃ gehe ekā kulasuṇhā gehaṃ piṇḍāya paviṭṭhaṃ khīṇāsavattheraṃ disvā sañjātapītisomanassā ‘‘idaṃ mayhaṃ uttamaṃ puññakkhettaṃ upaṭṭhita’’nti attanā laddhaṃ pūvabhāgaṃ ādāya ādarena therassa upanesi, thero taṃ paṭiggahetvā anumodanaṃ katvā gato. Sā aparabhāge kālaṃ katvā tāvatiṃsabhavane uppajji. Sesaṃ sabbaṃ heṭṭhā vuttasadisameva. Tena vuttaṃ –
108.
108.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
109.
109.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
110.
110.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
111.
111.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
112.
112.
‘‘ахам̣ мануссзсу мануссабхууд̇аа, сун̣исаа ахосим̣ сасурасса г̇зхз.
‘‘Ahaṃ manussesu manussabhūtā, suṇisā ahosiṃ sasurassa gehe.
113.
113.
‘‘ад̣̇д̣̇асам̣ вираж̇ам̣ бхигкум̣, виббасаннаманаавилам̣;
‘‘Addasaṃ virajaṃ bhikkhuṃ, vippasannamanāvilaṃ;
д̇асса ад̣̇аасахам̣ буувам̣, басаннаа сзхи баан̣ибхи;
Tassa adāsahaṃ pūvaṃ, pasannā sehi pāṇibhi;
бхааг̇ад̣дхабхааг̇ам̣ д̣̇ад̇ваана, мод̣̇аами нанд̣̇анз ванз.
Bhāgaḍḍhabhāgaṃ datvāna, modāmi nandane vane.
114.
114.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
115.
115.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и.
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
112. д̇ад̇т̇а сун̣исаад̇и буд̇д̇асса бхарияаа. ид̇т̇ияаа хи саамигасса бид̇аа ‘‘сасуро’’д̇и вужжад̇и, д̇асса жа саа ‘‘сун̣исаа’’д̇и. д̇ам̣ санд̇хааяа ‘‘сун̣исаа ахосим̣ сасурасса г̇зхз’’д̇и.
112. Tattha suṇisāti puttassa bhariyā. Itthiyā hi sāmikassa pitā ‘‘sasuro’’ti vuccati, tassa ca sā ‘‘suṇisā’’ti. Taṃ sandhāya ‘‘suṇisā ahosiṃ sasurassa gehe’’ti.
113. бхааг̇ад̣дхабхааг̇анд̇и ад̇д̇анаа лад̣̇д̇хабадивийсад̇о убад̣дхабхааг̇ам̣. мод̣̇аами нанд̣̇анз ванзд̇и т̇зрзна нанд̣̇анаванз д̣̇идтад̇ааяа ааха. сзсам̣ вуд̇д̇анаяамзва.
113.Bhāgaḍḍhabhāganti attanā laddhapaṭivīsato upaḍḍhabhāgaṃ. Modāmi nandane vaneti therena nandanavane diṭṭhatāya āha. Sesaṃ vuttanayameva.
сун̣исаавимаанаван̣н̣анаа нидтид̇аа.
Suṇisāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 13. батамасун̣исаавимаанавад̇т̇у • 13. Paṭhamasuṇisāvimānavatthu
