| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
1. батамасуд̇д̇анд̇анид̣̇д̣̇зсаван̣н̣анаа
1. Paṭhamasuttantaniddesavaṇṇanā
д̇ат̇адтзнаад̇и яат̇аасабхаавадтзна. бийл̣анадтаад̣̇аяо н̃аан̣агат̇ааяам̣ вуд̇д̇ад̇т̇ааязва.
Tathaṭṭhenāti yathāsabhāvaṭṭhena. Pīḷanaṭṭhādayo ñāṇakathāyaṃ vuttatthāyeva.
9. згаббадивзд̇хаанийд̇и згзна маг̇г̇ан̃аан̣зна бадивзд̇хо, згад̇о ваа бадивзд̇хо зд̇зсанд̇и згаббадивзд̇хаани. анад̇д̇адтзнаад̇и жад̇уннамби сажжаанам̣ ад̇д̇авирахид̇ад̇д̇аа анад̇д̇адтзна. вуд̇д̇ан̃хзд̇ам̣ висуд̣̇д̇химаг̇г̇з (висуд̣̇д̇хи. 2.567) – барамад̇т̇ад̇о хи саб̣б̣аанзва сажжаани взд̣̇агагаараганиб̣б̣уд̇аг̇амагаабхаавад̇о сун̃н̃аанийд̇и взд̣̇ид̇аб̣б̣аани. д̇знзд̇ам̣ вужжад̇и –
9.Ekappaṭivedhānīti ekena maggañāṇena paṭivedho, ekato vā paṭivedho etesanti ekappaṭivedhāni. Anattaṭṭhenāti catunnampi saccānaṃ attavirahitattā anattaṭṭhena. Vuttañhetaṃ visuddhimagge (visuddhi. 2.567) – paramatthato hi sabbāneva saccāni vedakakārakanibbutagamakābhāvato suññānīti veditabbāni. Tenetaṃ vuccati –
‘‘д̣̇угкамзва хи, на гожи д̣̇угкид̇о, гаараго на, гирияаава виж̇ж̇ад̇и;
‘‘Dukkhameva hi, na koci dukkhito, kārako na, kiriyāva vijjati;
ад̇т̇и ниб̣б̣уд̇и, на ниб̣б̣уд̇о бумаа, маг̇г̇амад̇т̇и, г̇амаго на виж̇ж̇ад̇ий’’д̇и. (висуд̣̇д̇хи. 2.567);
Atthi nibbuti, na nibbuto pumā, maggamatthi, gamako na vijjatī’’ti. (visuddhi. 2.567);
ат̇а ваа –
Atha vā –
‘‘д̇хувасубхасукад̇д̇асун̃н̃ам̣, буримад̣̇ваяамад̇д̇асун̃н̃амамад̇абад̣̇ам̣;
‘‘Dhuvasubhasukhattasuññaṃ, purimadvayamattasuññamamatapadaṃ;
д̇хувасукаад̇д̇авирахид̇о, маг̇г̇о ид̇и сун̃н̃ад̇аа д̇зсуу’’д̇и. (висуд̣̇д̇хи. 2.567);
Dhuvasukhaattavirahito, maggo iti suññatā tesū’’ti. (visuddhi. 2.567);
сажжадтзнаад̇и ависам̣ваад̣̇агадтзна. бадивзд̇хадтзнаад̇и маг̇г̇агкан̣з бадивиж̇жхид̇аб̣б̣адтзна. згасан̇г̇ахид̇аанийд̇и д̇ат̇адтаад̣̇инаа згзгзнзва ад̇т̇зна сан̇г̇ахид̇аани, згаг̇ан̣анам̣ г̇ад̇аанийд̇и ад̇т̇о. яам̣ згасан̇г̇ахид̇ам̣, д̇ам̣ згад̇д̇анд̇и яасмаа згзна сан̇г̇ахид̇ам̣, д̇асмаа згад̇д̇анд̇и ад̇т̇о. сажжаанам̣ б̣ахуд̇д̇зби згад̇д̇амабзгкид̇ваа згаважанам̣ гад̇ам̣. згад̇д̇ам̣ згзна н̃аан̣зна бадивиж̇жхад̇ийд̇и буб̣б̣абхааг̇з жад̇уннам̣ сажжаанам̣ наанад̇д̇згад̇д̇ам̣ сваавад̇т̇ид̇ам̣ вавад̇т̇абзд̇ваа тид̇о маг̇г̇агкан̣з згзна маг̇г̇ан̃аан̣зна д̇ат̇адтаад̣̇ид̇ам̣д̇ам̣згад̇д̇ам̣ бадивиж̇жхад̇и. гат̇ам̣? нирод̇хасажжасса д̇ат̇адтаад̣̇игз згад̇д̇з бадивид̣̇д̇хз сзсасажжаанамби д̇ат̇адтаад̣̇игам̣ згад̇д̇ам̣ бадивид̣̇д̇хамзва ход̇и. яат̇аа буб̣б̣абхааг̇з бан̃жаннам̣ канд̇хаанам̣ наанад̇д̇згад̇д̇ам̣ сваавад̇т̇ид̇ам̣ вавад̇т̇абзд̇ваа тид̇асса маг̇г̇авудтаанагаалз анижжад̇о ваа д̣̇угкад̇о ваа анад̇д̇ад̇о ваа вудтаханд̇асса згасмимби канд̇хз анижжаад̣̇ид̇о д̣̇идтз сзсаканд̇хааби анижжаад̣̇ид̇о д̣̇идтаава хонд̇и, звамид̣̇анд̇и д̣̇адтаб̣б̣ам̣. д̣̇угкасса д̣̇угкадто д̇ат̇адтод̇и д̣̇угкасажжасса бийл̣анадтаад̣̇иго жад̇уб̣б̣ид̇хо ад̇т̇о сабхаавадтзна д̇ат̇адто. сзсасажжзсуби зсзва наяо. соязва жад̇уб̣б̣ид̇хо ад̇т̇о ад̇д̇аабхаавад̇о анад̇д̇адто. вуд̇д̇асабхаавз ависам̣ваад̣̇агад̇о сажжадто. маг̇г̇агкан̣з бадивиж̇жхид̇аб̣б̣ад̇о бадивзд̇хадто вуд̇д̇од̇и взд̣̇ид̇аб̣б̣ам̣.
Saccaṭṭhenāti avisaṃvādakaṭṭhena. Paṭivedhaṭṭhenāti maggakkhaṇe paṭivijjhitabbaṭṭhena. Ekasaṅgahitānīti tathaṭṭhādinā ekekeneva atthena saṅgahitāni, ekagaṇanaṃ gatānīti attho. Yaṃ ekasaṅgahitaṃ, taṃ ekattanti yasmā ekena saṅgahitaṃ, tasmā ekattanti attho. Saccānaṃ bahuttepi ekattamapekkhitvā ekavacanaṃ kataṃ. Ekattaṃ ekena ñāṇena paṭivijjhatīti pubbabhāge catunnaṃ saccānaṃ nānattekattaṃ svāvatthitaṃ vavatthapetvā ṭhito maggakkhaṇe ekena maggañāṇena tathaṭṭhāditaṃtaṃekattaṃ paṭivijjhati. Kathaṃ? Nirodhasaccassa tathaṭṭhādike ekatte paṭividdhe sesasaccānampi tathaṭṭhādikaṃ ekattaṃ paṭividdhameva hoti. Yathā pubbabhāge pañcannaṃ khandhānaṃ nānattekattaṃ svāvatthitaṃ vavatthapetvā ṭhitassa maggavuṭṭhānakāle aniccato vā dukkhato vā anattato vā vuṭṭhahantassa ekasmimpi khandhe aniccādito diṭṭhe sesakhandhāpi aniccādito diṭṭhāva honti, evamidanti daṭṭhabbaṃ. Dukkhassa dukkhaṭṭho tathaṭṭhoti dukkhasaccassa pīḷanaṭṭhādiko catubbidho attho sabhāvaṭṭhena tathaṭṭho. Sesasaccesupi eseva nayo. Soyeva catubbidho attho attābhāvato anattaṭṭho. Vuttasabhāve avisaṃvādakato saccaṭṭho. Maggakkhaṇe paṭivijjhitabbato paṭivedhaṭṭho vuttoti veditabbaṃ.
10. яам̣ анижжанд̇иаад̣̇и сааман̃н̃алагкан̣абуб̣б̣ан̇г̇амам̣ гад̇ваа д̣̇ассид̇ам̣. д̇ад̇т̇а яам̣ анижжам̣, д̇ам̣ д̣̇угкам̣. яам̣ д̣̇угкам̣, д̇ам̣ анижжанд̇и д̣̇угкасамуд̣̇аяамаг̇г̇аа г̇ахид̇аа. д̇аани хи д̇ийн̣и сажжаани анижжаани жзва анижжад̇д̇аа д̣̇угкаани жа. яам̣ анижжан̃жа д̣̇угкан̃жа, д̇ам̣ анад̇д̇аад̇и д̇ааниязва д̇ийн̣и г̇ахид̇аани. яам̣ анижжан̃жа д̣̇угкан̃жа анад̇д̇аа жаад̇и д̇зхи д̇ийхи саха нирод̇хасажжан̃жа сан̇г̇ахид̇ам̣. жад̇д̇аариби хи анад̇д̇ааязва. д̇ам̣ д̇ат̇анд̇и д̇ам̣ сажжажад̇уггам̣ сабхаавабхууд̇ам̣. д̇ам̣ сажжанд̇и д̇ад̣̇зва сажжажад̇уггам̣ яат̇аасабхаавз ависам̣ваад̣̇агам̣. навахаагаарзхийд̇иаад̣̇ийсу ‘‘саб̣б̣ам̣, бхигкавз, абхин̃н̃зяяа’’нд̇и (бади. ма. 1.3; сам̣. ни. 4.46) важанад̇о абхин̃н̃адтзна, д̣̇угкасса барин̃н̃адтз, самуд̣̇аяасса бахаанадтз, маг̇г̇асса бхааванадтз, нирод̇хасса сажчигирияадтз аавзнигзби ид̇ха жад̇уусуби сажжзсу н̃аад̇абарин̃н̃аасаб̣бхаавад̇о барин̃н̃адтзна, жад̇усажжад̣̇ассанзна бахаанасаб̣бхаавад̇о бахаанадтзна, жад̇усажжабхааванаасаб̣бхаавад̇о бхааванадтзна, жад̇уннам̣ сажжаанам̣ сажчигирияасаб̣бхаавад̇о сажчигирияадтзнаад̇и нид̣̇д̣̇идтанд̇и взд̣̇ид̇аб̣б̣ам̣. навахаагаарзхи д̇ат̇адтзнаад̇иаад̣̇ийсу батамам̣ вуд̇д̇анаязнзва яож̇анаа гаад̇аб̣б̣аа.
10.Yaṃ aniccantiādi sāmaññalakkhaṇapubbaṅgamaṃ katvā dassitaṃ. Tattha yaṃ aniccaṃ, taṃ dukkhaṃ. Yaṃ dukkhaṃ, taṃ aniccanti dukkhasamudayamaggā gahitā. Tāni hi tīṇi saccāni aniccāni ceva aniccattā dukkhāni ca. Yaṃ aniccañca dukkhañca, taṃ anattāti tāniyeva tīṇi gahitāni. Yaṃ aniccañca dukkhañca anattā cāti tehi tīhi saha nirodhasaccañca saṅgahitaṃ. Cattāripi hi anattāyeva. Taṃ tathanti taṃ saccacatukkaṃ sabhāvabhūtaṃ. Taṃ saccanti tadeva saccacatukkaṃ yathāsabhāve avisaṃvādakaṃ. Navahākārehītiādīsu ‘‘sabbaṃ, bhikkhave, abhiññeyya’’nti (paṭi. ma. 1.3; saṃ. ni. 4.46) vacanato abhiññaṭṭhena, dukkhassa pariññaṭṭhe, samudayassa pahānaṭṭhe, maggassa bhāvanaṭṭhe, nirodhassa sacchikiriyaṭṭhe āvenikepi idha catūsupi saccesu ñātapariññāsabbhāvato pariññaṭṭhena, catusaccadassanena pahānasabbhāvato pahānaṭṭhena, catusaccabhāvanāsabbhāvato bhāvanaṭṭhena, catunnaṃ saccānaṃ sacchikiriyasabbhāvato sacchikiriyaṭṭhenāti niddiṭṭhanti veditabbaṃ. Navahākārehi tathaṭṭhenātiādīsu paṭhamaṃ vuttanayeneva yojanā kātabbā.
11. д̣̇ваад̣̇асахи аагаарзхийд̇иаад̣̇ийсу д̇ат̇адтаад̣̇аяо н̃аан̣агат̇ааяам̣ вуд̇д̇ад̇т̇аа. зд̇зсам̣ нид̣̇д̣̇зсзби вуд̇д̇анаязнзва яож̇анаа взд̣̇ид̇аб̣б̣аа.
11.Dvādasahi ākārehītiādīsu tathaṭṭhādayo ñāṇakathāyaṃ vuttatthā. Etesaṃ niddesepi vuttanayeneva yojanā veditabbā.
12. сажжаанам̣ гад̇и лагкан̣аанийд̇иаад̣̇ийсу убари вад̇д̇аб̣б̣аани ча лагкан̣аани сан̇кад̇аасан̇кад̇авасзна д̣̇вид̇хаа бхинд̣̇ид̇ваа д̣̇вз лагкан̣аанийд̇и ааха. д̇ад̇т̇а сан̇кад̇алагкан̣ан̃жа асан̇кад̇алагкан̣ан̃жаад̇и ‘‘д̇ийн̣имаани, бхигкавз, сан̇кад̇асса сан̇кад̇алагкан̣аани уббаад̣̇о бан̃н̃ааяад̇и, ваяо бан̃н̃ааяад̇и, тид̇асса ан̃н̃ат̇ад̇д̇ам̣ бан̃н̃ааяад̇и. д̇ийн̣имаани, бхигкавз, асан̇кад̇асса асан̇кад̇алагкан̣аани на уббаад̣̇о бан̃н̃ааяад̇и, на ваяо бан̃н̃ааяад̇и, на тид̇асса ан̃н̃ат̇ад̇д̇ам̣ бан̃н̃ааяад̇ий’’д̇и (а. ни. 3.47-48) звам̣ вуд̇д̇ам̣ сан̇кад̇асса сан̇кад̇амид̇и лагкан̣ан̃жа асан̇кад̇асса асан̇кад̇амид̇и лагкан̣ан̃жа. сан̇кад̇ам̣ бана на лагкан̣ам̣, лагкан̣ам̣ на сан̇кад̇ам̣. на жа сан̇кад̇ам̣ винаа лагкан̣ам̣ бан̃н̃аабзд̇ум̣ саггаа, наби лагкан̣ам̣ винаа сан̇кад̇ам̣. лагкан̣зна бана сан̇кад̇ам̣ баагадам̣ ход̇и.
12.Saccānaṃ kati lakkhaṇānītiādīsu upari vattabbāni cha lakkhaṇāni saṅkhatāsaṅkhatavasena dvidhā bhinditvā dve lakkhaṇānīti āha. Tattha saṅkhatalakkhaṇañca asaṅkhatalakkhaṇañcāti ‘‘tīṇimāni, bhikkhave, saṅkhatassa saṅkhatalakkhaṇāni uppādo paññāyati, vayo paññāyati, ṭhitassa aññathattaṃ paññāyati. Tīṇimāni, bhikkhave, asaṅkhatassa asaṅkhatalakkhaṇāni na uppādo paññāyati, na vayo paññāyati, na ṭhitassa aññathattaṃ paññāyatī’’ti (a. ni. 3.47-48) evaṃ vuttaṃ saṅkhatassa saṅkhatamiti lakkhaṇañca asaṅkhatassa asaṅkhatamiti lakkhaṇañca. Saṅkhataṃ pana na lakkhaṇaṃ, lakkhaṇaṃ na saṅkhataṃ. Na ca saṅkhataṃ vinā lakkhaṇaṃ paññāpetuṃ sakkā, napi lakkhaṇaṃ vinā saṅkhataṃ. Lakkhaṇena pana saṅkhataṃ pākaṭaṃ hoti.
буна д̇ад̣̇зва лагкан̣ад̣̇ваяам̣ вид̇т̇аарад̇о д̣̇ассзнд̇о ча лагкан̣аанийд̇и ааха. сан̇кад̇аанам̣ сажжаананд̇и д̣̇угкасамуд̣̇аяамаг̇г̇асажжаанам̣. д̇аани хи бажжаязхи сан̇г̇амма гад̇ад̇д̇аа сан̇кад̇аани. уббаад̣̇од̇и ж̇аад̇и. бан̃н̃ааяад̇ийд̇и ж̇аанийяад̇и. ваяод̇и бхан̇г̇о. тид̇аанам̣ ан̃н̃ат̇ад̇д̇анд̇и тид̇иббад̇д̇аанам̣ ан̃н̃ат̇аабхааво ж̇араа. д̇ин̣н̣ам̣ сан̇кад̇асажжаанам̣ нибпаннад̇д̇аа уббаад̣̇аваяан̃н̃ат̇ад̇д̇ам̣ вуд̇д̇ам̣, д̇зсам̣язва бана уббаад̣̇асса, ж̇арааяа бхан̇г̇асса жа анибпаннад̇д̇аа уббаад̣̇аваяан̃н̃ат̇ад̇д̇ам̣ на вад̇д̇аб̣б̣ам̣. сан̇кад̇аниссид̇ад̇д̇аа уббаад̣̇аваяан̃н̃ат̇ад̇д̇ам̣ на бан̃н̃ааяад̇ийд̇и на вад̇д̇аб̣б̣ам̣. сан̇кад̇авигаарад̇д̇аа бана сан̇кад̇анд̇и вад̇д̇аб̣б̣ам̣. д̣̇угкасамуд̣̇аяаанам̣ уббаад̣̇аж̇араабхан̇г̇аа сажжабарияаабаннаа, маг̇г̇асажжасса уббаад̣̇аж̇араабхан̇г̇аа на сажжабарияаабаннаад̇и вад̣̇анд̇и. д̇ад̇т̇а ‘‘сан̇кад̇аанам̣ уббаад̣̇агкан̣з сан̇кад̇ааби уббаад̣̇алагкан̣амби гааласан̇каад̇о д̇асса кан̣оби бан̃н̃ааяад̇и, уббаад̣̇з вийд̇ивад̇д̇з сан̇кад̇ааби ж̇араалагкан̣амби гааласан̇каад̇о д̇асса кан̣оби бан̃н̃ааяад̇и, бхан̇г̇агкан̣з сан̇кад̇ааби ж̇арааби бхан̇г̇алагкан̣амби гааласан̇каад̇о д̇асса кан̣оби бан̃н̃ааяад̇ий’’д̇и канд̇хагаваг̇г̇адтагат̇ааяам̣ (сам̣. ни. адта. 2.3.37-38) вуд̇д̇ам̣. асан̇кад̇асса сажжассаад̇и нирод̇хасажжасса. д̇ан̃хи бажжаязхи самааг̇амма агад̇ад̇д̇аа саяамзва нибпаннанд̇и асан̇кад̇ам̣. тид̇ассаад̇и нижжад̇д̇аа тид̇асса, на таанаббад̇д̇ад̇д̇аа. буна д̇ад̣̇зва лагкан̣ад̣̇ваяам̣ вид̇т̇аарад̇о д̣̇ассзнд̇о д̣̇ваад̣̇аса лагкан̣аанийд̇и ааха.
Puna tadeva lakkhaṇadvayaṃ vitthārato dassento cha lakkhaṇānīti āha. Saṅkhatānaṃ saccānanti dukkhasamudayamaggasaccānaṃ. Tāni hi paccayehi saṅgamma katattā saṅkhatāni. Uppādoti jāti. Paññāyatīti jānīyati. Vayoti bhaṅgo. Ṭhitānaṃ aññathattanti ṭhitippattānaṃ aññathābhāvo jarā. Tiṇṇaṃ saṅkhatasaccānaṃ nipphannattā uppādavayaññathattaṃ vuttaṃ, tesaṃyeva pana uppādassa, jarāya bhaṅgassa ca anipphannattā uppādavayaññathattaṃ na vattabbaṃ. Saṅkhatanissitattā uppādavayaññathattaṃ na paññāyatīti na vattabbaṃ. Saṅkhatavikārattā pana saṅkhatanti vattabbaṃ. Dukkhasamudayānaṃ uppādajarābhaṅgā saccapariyāpannā, maggasaccassa uppādajarābhaṅgā na saccapariyāpannāti vadanti. Tattha ‘‘saṅkhatānaṃ uppādakkhaṇe saṅkhatāpi uppādalakkhaṇampi kālasaṅkhāto tassa khaṇopi paññāyati, uppāde vītivatte saṅkhatāpi jarālakkhaṇampi kālasaṅkhāto tassa khaṇopi paññāyati, bhaṅgakkhaṇe saṅkhatāpi jarāpi bhaṅgalakkhaṇampi kālasaṅkhāto tassa khaṇopi paññāyatī’’ti khandhakavaggaṭṭhakathāyaṃ (saṃ. ni. aṭṭha. 2.3.37-38) vuttaṃ. Asaṅkhatassa saccassāti nirodhasaccassa. Tañhi paccayehi samāgamma akatattā sayameva nipphannanti asaṅkhataṃ. Ṭhitassāti niccattā ṭhitassa, na ṭhānappattattā. Puna tadeva lakkhaṇadvayaṃ vitthārato dassento dvādasa lakkhaṇānīti āha.
жад̇уннам̣ сажжаанам̣ гад̇и гусалаад̇иаад̣̇ийсу аб̣яаагад̇анд̇и вибаагааб̣яаагад̇ам̣ гирияааб̣яаагад̇ам̣ руубааб̣яаагад̇ам̣ ниб̣б̣аанааб̣яаагад̇анд̇и жад̇уусу аб̣яаагад̇зсу ниб̣б̣аанааб̣яаагад̇ам̣. жад̇д̇аариби хи гусалаагусалалагкан̣зна на б̣яаагад̇ад̇д̇аа аб̣яаагад̇аани. сияаа гусаланд̇и гаамааважараруубааважарааруубааважарагусалаанам̣ васзна гусаламби бхавзяяа. сияаа агусаланд̇и д̇ан̣хам̣ табзд̇ваа сзсаагусалавасзна. сияаа аб̣яаагад̇анд̇и гаамааважараруубааважарааруубааважаравибаагагирияаанам̣ руубаанан̃жа васзна. сияаа д̇ийн̣и сажжаанийд̇иаад̣̇ийсу сан̇г̇ахид̇аанийд̇и г̇ан̣ид̇аани. вад̇т̇увасзнаад̇и агусалагусалааб̣яаагад̇ад̣̇угкасамуд̣̇аяанирод̇хамаг̇г̇асан̇каад̇авад̇т̇увасзна. яам̣ д̣̇угкасажжам̣ агусаланд̇и табзд̇ваа д̇ан̣хам̣ авасзсам̣ агусалам̣. агусаладтзна д̣̇вз сажжаани згасажжзна сан̇г̇ахид̇аанийд̇и имаани д̣̇вз д̣̇угкасамуд̣̇аяасажжаани агусаладтзна згасажжзна сан̇г̇ахид̇аани, агусаласажжам̣ наама ход̇ийд̇и ад̇т̇о. згасажжам̣ д̣̇вийхи сажжзхи сан̇г̇ахид̇анд̇и згам̣ агусаласажжам̣ д̣̇вийхи д̣̇угкасамуд̣̇аяасажжзхи сан̇г̇ахид̇ам̣. яам̣ д̣̇угкасажжам̣ гусаланд̇и д̇збхуумагам̣ гусалам̣. имаани д̣̇вз д̣̇угкамаг̇г̇асажжаани гусаладтзна згасажжзна сан̇г̇ахид̇аани, гусаласажжам̣ наама ход̇и. згам̣ гусаласажжам̣ д̣̇вийхи д̣̇угкамаг̇г̇асажжзхи сан̇г̇ахид̇ам̣. яам̣ д̣̇угкасажжам̣ аб̣яаагад̇анд̇и д̇збхуумагавибаагагирияаа руубан̃жа. имаани д̣̇вз д̣̇угканирод̇хасажжаани аб̣яаагад̇адтзна згасажжзна сан̇г̇ахид̇аани, згам̣ аб̣яаагад̇асажжам̣ наама ход̇и. згам̣ аб̣яаагад̇асажжам̣ д̣̇вийхи д̣̇угканирод̇хасажжзхи сан̇г̇ахид̇ам̣. д̇ийн̣и сажжаани згасажжзна сан̇г̇ахид̇аанийд̇и самуд̣̇аяамаг̇г̇анирод̇хасажжаани згзна агусалагусалааб̣яаагад̇абхууд̇зна д̣̇угкасажжзна сан̇г̇ахид̇аани. згам̣ сажжам̣ д̇ийхи сажжзхи сан̇г̇ахид̇анд̇и згам̣ д̣̇угкасажжам̣ висум̣ агусалагусалааб̣яаагад̇абхууд̇зхи самуд̣̇аяамаг̇г̇анирод̇хасажжзхи сан̇г̇ахид̇ам̣. гзжи бана ‘‘д̣̇угкасамуд̣̇аяасажжаани агусаладтзна самуд̣̇аяасажжзна сан̇г̇ахид̇аани, д̣̇угкамаг̇г̇асажжаани гусаладтзна маг̇г̇асажжзна сан̇г̇ахид̇аани, на д̣̇ассанадтзна. д̣̇угканирод̇хасажжаани аб̣яаагад̇адтзна нирод̇хасажжзна сан̇г̇ахид̇аани, на асан̇кад̇адтзнаа’’д̇и ван̣н̣аяанд̇и.
Catunnaṃsaccānaṃ kati kusalātiādīsu abyākatanti vipākābyākataṃ kiriyābyākataṃ rūpābyākataṃ nibbānābyākatanti catūsu abyākatesu nibbānābyākataṃ. Cattāripi hi kusalākusalalakkhaṇena na byākatattā abyākatāni. Siyā kusalanti kāmāvacararūpāvacarārūpāvacarakusalānaṃ vasena kusalampi bhaveyya. Siyā akusalanti taṇhaṃ ṭhapetvā sesākusalavasena. Siyā abyākatanti kāmāvacararūpāvacarārūpāvacaravipākakiriyānaṃ rūpānañca vasena. Siyā tīṇi saccānītiādīsu saṅgahitānīti gaṇitāni. Vatthuvasenāti akusalakusalābyākatadukkhasamudayanirodhamaggasaṅkhātavatthuvasena. Yaṃ dukkhasaccaṃ akusalanti ṭhapetvā taṇhaṃ avasesaṃ akusalaṃ. Akusalaṭṭhena dve saccāni ekasaccena saṅgahitānīti imāni dve dukkhasamudayasaccāni akusalaṭṭhena ekasaccena saṅgahitāni, akusalasaccaṃ nāma hotīti attho. Ekasaccaṃ dvīhi saccehi saṅgahitanti ekaṃ akusalasaccaṃ dvīhi dukkhasamudayasaccehi saṅgahitaṃ. Yaṃ dukkhasaccaṃ kusalanti tebhūmakaṃ kusalaṃ. Imāni dve dukkhamaggasaccāni kusalaṭṭhena ekasaccena saṅgahitāni, kusalasaccaṃ nāma hoti. Ekaṃ kusalasaccaṃ dvīhi dukkhamaggasaccehi saṅgahitaṃ. Yaṃ dukkhasaccaṃ abyākatanti tebhūmakavipākakiriyā rūpañca. Imāni dve dukkhanirodhasaccāni abyākataṭṭhena ekasaccena saṅgahitāni, ekaṃ abyākatasaccaṃ nāma hoti. Ekaṃ abyākatasaccaṃ dvīhi dukkhanirodhasaccehi saṅgahitaṃ. Tīṇi saccāni ekasaccena saṅgahitānīti samudayamagganirodhasaccāni ekena akusalakusalābyākatabhūtena dukkhasaccena saṅgahitāni. Ekaṃ saccaṃ tīhi saccehi saṅgahitanti ekaṃ dukkhasaccaṃ visuṃ akusalakusalaabyākatabhūtehi samudayamagganirodhasaccehi saṅgahitaṃ. Keci pana ‘‘dukkhasamudayasaccāni akusalaṭṭhena samudayasaccena saṅgahitāni, dukkhamaggasaccāni kusalaṭṭhena maggasaccena saṅgahitāni, na dassanaṭṭhena. Dukkhanirodhasaccāni abyākataṭṭhena nirodhasaccena saṅgahitāni, na asaṅkhataṭṭhenā’’ti vaṇṇayanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. батамасуд̇д̇анд̇анид̣̇д̣̇зсо • 1. Paṭhamasuttantaniddeso
